I Phetele 1:25 - O Mikanda Ikola

²⁵ maji o Maka ma Ngana-phe ma xalelà-ku. Mene-phe o makʼama ma Jingolokela Jambote ja mi tudila enu.

I Phetele 1:25 ပူးပေါင်းရင်းမြစ်များ

Jisálamu 102:12

Eie-phe, u Jihova, u nangenena katé ku hádia ni hádia; kuma thembu ieza-bhu, ia ku mu xinganeka, ua bhixila kiá bhu thembu i ua mu xindi.

Jisálamu 102:26

Hádia ene a budika, eie-phe hanji u nangenena; a kà kuka muene kala kizuatu, ki bhinga ku ki zula, ua kà a futa-futa muene kala dikoza dia dibeka.

Jisálamu 119:89

U Jihova, maka mé ma kuata ku diulu, ki bhuala u tena ku ma tumbulula, katé ku hádia ni hádia.

Izaía 40:6

Dizui-phe diambe: Dikole; muene-phe uixi: Ngi kola kima kiahi? Xitu ioso mukuâ ni iangu, o kuuabha kuê kuoso mukuâ ni itulu ia iangu mu mukáu.

Izaía 40:8

Iangu Ilela, o itulu i lalumuka, maji o maka ma Nzambi ietu-phe, ma xalela-ku, kuma ene a kalé kiá, katé ku hadia ni hadia.

Matesu 5:18

Mbata ngi mi tangela o kidi, katé bhua ka jimukina o diulu ni ixi, kana ngó kujimuka kapondo mba kama kosokoso kòfele ku Kitumu, katé bhua ka tenena o ima ioso.

Luka 16:17

Ki lenguluka-phe o diulu ni oxi kubhua-ku, ki ki lenguluka kutunda kapondo ku kizuelu kimoxi ngó kia Kitumu.

Nzuá 1:1

Ku dimatekenu kioso mundu kiluua a u bhanga, ku kala o Diambu; o Diambu anga di kala kua Nzambi; o Diambu muène Nzambi.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

I Kolindo 2:2

Kuma kioso ki nga kexile kumoxi ni enu, ki ngi solele dingi kuijiia kima kiengi mudienu, kikale ngó Jezú Kristu, kota-kota dingi o kufua kuê kua fuile ku dikulusu.

Efezo 2:17

Uila kiki, Kristu ueza mu kubhana o jingolokela ja Njimbu Iambote ia paze. Paze ko-kuenu mua kexile dikanga kua Nzambi, paze kua ene o Jijudé a kexile bhua zukama.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Tito 1:3

Maji bhu thembu iê, muène iú ua tu tukuluila o muenhu uenhú mu maka mê ma tu ambela. Eme-phe ia a ngi bhana kuxika ngonge ia maka enhá, u ngala kutula ku mundu uila kia ngi tumu Nzambi, Mubhuludi uetu.

Jihebeleu 6:5

A lolele kiá o maka ma mbote ma Nzambi, ni jinguzu ja thembu ià keza-ku.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.

I Phetele 1:23

Mbata enu, mukonda dia maka ma Nzambi, ma xalela-ku, muala ni muenhu, muala mu athu a mi vuala dingi, kana ku mbutu ia kumbama ia jitata ji fua, maji ku mbutu ia disanze, ia Tata, ki itena dingi kufua.

I Phetele 2:2

Muila kala mu anʼ auisu a mi vuala-ke, mu sema jinga o lete ia disanze ia nzumbi, phala ki mu i nua, mu kole muenhu, mu kule.

II Phetele 1:19

Mukonda dia kienhiki, o maka ma tanga jinga o misésedi, tua beta dingi o ku ma dielela kiavulu. Enu uenu mua-lu bhanga kiambote, o ku mʼaluka, enhá. Mukonda ene a di bhange mukuâ ni kandeia ka muikina mu kididi kia vundu, katé kikia o kizuua, anga o mukengeji ua thethembua ia kimene, u muikina mu miẋima ienu.

I Nzuá 1:1

Tua mi sonekena o kima kia kalé tunde ku dimatekenu dia mundu, o Diambu diene dia muenhu. Etu tua dʼivua, tua di mona ni mesu etuʼèlele muene. Ni kidi muene, etu tua di tongolola, tua di babata ni maku metu.

I Nzuá 1:3

O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.

Dijingunuinu 14:6

Anga ngi mona anju iamukua ia mu bhita bhulu, ia di lèka, o bhu ala kubhitila, uasu o mbambe ni diulu. Uambata o jingolokela ji xalelà-ku ja Njimbu Iambote, phala ku ji kolela athu oso a tungu mu ngongo, ku ifuẋi ioso, ni miji ioso, ni madimi, ni madiembu.