I Phetele 1:24 - O Mikanda Ikola

²⁴ Kala ki ambe o Mikanda Ikôla, kuma: Athu oso mukuá ni iangu ia mukau, o unéne uâ; kuuabha kuê kua kitulu kia iangu. O iangu i lela, o itulu i lalumuka,

I Phetele 1:24 ပူးပေါင်းရင်းမြစ်များ

II Jisobha 19:26

Kienʼiki-phe ió oso à tungu momo, ni maku mʼokotole, a xalela ni kimbuua ni sonhi; edi kala iangu mu mukáu, mukuá ni jindombe ja uisu, mba iangu bhu thandu dia jinzu, a di fuangana tiliku ia uohe kuila kiluua i kusuka.

Jobe 14:2

A mu vuala mukua ni kitulu mi iangu, kuma kathangana ngó ua kukuta; u lenga lusolo kala kizúzumbia, kene mu kunanga kithangana kiavulu.

Jisálamu 102:4

Muẋima uami ua xoueta, ua lela muene kala iangu; ni kúdia ngó o kadikoka kami kua ngi jimbi kiá.

Jisálamu 103:15

Kuma muthu izuua iê mukua ni iangu; kala kitulu mu iangu, kiene ue kia fuafua.

Jisálamu 129:6

A kale kala iangu i sabhuka ku thandu dia ʼnzo, kiluua ngó i kula ia lela kiá!

Jisálamu 37:2

Mukonda kà nanga ku a sua kala iangu, anga a lela kala idima iauisu.

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisálamu 90:5

Eie u ambata kala hungulule ia menha ia a bhitula, a di fu kala nzoji ia kimenemene; edi kala iangu ki i kula mu kimene;

Jisálamu 92:7

Sumbala abhukumuka a fuafua muene kala iangu, abhanga o ima ia mangonha u sanga a benha; maji sai bhoso bhua buidila kumoxi, aia muene nzaká!

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Matesu 6:30

Ngana Nzambi phe kia zuika kiki o iangu ku mukáu, iene mu kuila i nanga lelu, mungu a i ta kiá mu túbhia, kífua ki ki mu kala kotʼ èlele o ku mi zuika enu, enu mua tolo o kuxikana?

Tiiaku 4:14

Sumbala anuenu kioso kʼiza-ku mungu ku mienhu ienu, ki mua kʼijiia! Mukonda o muenhu uenu ua soko kiebi? Muala mu mbundu, i moneka ngó kathangana kofèle, kindala-phe ia jimuka ku mesu!

I Nzuá 2:17

O mundu-phe u buila, ni ima iê ioso iene mu kuinda athu. Maji uoso-phe u bhanga o vondadi ia Nzambi, ió muène o muthu u nangenena.