I Phetele 1:2 - O Mikanda Ikola

² Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

I Phetele 1:2 ပူးပေါင်းရင်းမြစ်များ

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Izaía 65:22

Ene ka kà tunga phala akuâ engi kukala-mu; ka kà phapha phala athu engi ku i dia; mbata o izuua ia mundu uami ia kà soka ni izuua ia ukudilu ua muxi, ni athuʼami òsole a kà kemba ni ikalakalu ia maku mâ katé mu ukukilu.

Izaía 65:9

Nga ká sokolola mbutu mua Jakobo, o mua Juda nga kà tungula-mu mulundudi, muene u tambula konda ia milundu iami; jithungunu jami a kà lundula oxi, jiselevende jami muene mu a kà tunga.

Daniiele 4:1

Eme Nabukodonozolo ngi sobha: Nga sonekena miji ioso ni ifuẋi, ni madimi moso a tunga mʼoxi ioso: A mi vudixile paze ni kuzediua.

Daniiele 6:25

Kienhiki sobha Ndala u sonekena miji ioso, ni ifuẋi ni athu akua madimi moso ma tunga kulu dia mundu kuila: O paze i mi vudile.

Ijila 1:5

Ngombe anga u i jibha bhu pholo ia Jihova; o jinganga, anʼa Alá, ene a bhakula manhinga, a eẋika mu jimbandu joso ja kalatódio kala bhu muelu ua balaka ia kutakanena.

Matesu 24:22

Maji o Ngana Nzambi, izuua ienhoio ia phaxi, ua i tolesa. Mbata o izuua ienhoio, se a kamba ku i tolesa, kana xitu i bhuluka. Maji mukonda-phe dia akua Nzambi ósole, izuʼuoio a kà i fikisa.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Matesu 24:31

Muène ua kà tuma o ji-anju jê ni dízui dia koloneta, anga ji bhongolola athuʼê ósole ku itembu iuana, tunde kua tundu o diulu katé ku dia suku.

Marku 13:20

Ngana se ua kambele kufikisa izuuʼ oio, kana xitu ieji kubhuluka. Maji mukonda-phe dia athuʼê angene a Nzambi, a solo muene phala ku a bhulula, izuua ienhoio a i fikisa kia.

Marku 13:22

Mukonda kua ka tukuluka ji-Kristu ja makutu, ni jipolofeta ja makutu, a kèdikiza isuma ni madiuanu, phala a tàmbe kate ni anʼ angene a solo Nzambi, se ki xikina ku ki bhanga.

Marku 13:27

Muene ua ka tuma ji-anju je ni ji bhongolole athuʼê angene ku mbandu jiuana ku tunda o kitembu, tunde kua suku oʼxi kate kua suku o diulu.

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

Jipoxolo 15:18

eme ngi Ngana, nga tumu kuijidisa imʼ iii tunde mʼ okulu.

Jipoxolo 2:23

muenʼió, mu kuijiia kua Nzambi ni kikutu kiê ki a ta jinga mʼokulu, mua mu bhakuile enʼuenu bhu maku ma iiala iabhumu, mua mu phaphelesa ku dikulusu, mua mu jibha.

Jipoxolo 20:32

Kiki-phe nga mi xalesa ni ku mi bhakula kua Nzambi ku mi langa, ni mu Njimbu iê ia kiadi i tena o ku mi tunga. Mukonda Muène ua ki soko o ku mi kuatekesa ni muie dingi ku pholo mu nzumbi, ni ku mi bhana o mabesá ió a bhaka Muène phala o mundu uê uoso.

Loma 1:5

O kua Muène kuene Nzambi kua ngi bhela o ujitu ua kukala Poxolo mu kikalakalu kia Kristu mbé kutumakesa o kixikanu ku mundu ua akua jixi joso, mukonda dia dijina diê.

Loma 1:7

Uila kiki, nga mi sonekena enu oso muala ku Loma, enu a mi zola kuala Nzambi, iú ua mʼ ixana phala kukala mu mundu uê. Ku kale kiadi ku mualʼ oko, ni paze i tunda kua Nzambi Tata ietu, ni Ngana Jezú Kristu.

Loma 11:2

Nzambi ka ẋimbuka o mundu uê ua sola tunde mʼ ukulu. Manhi enu ki mu ejiia ki ambe o Mikanda Ikôla ku maka ma Elija? Muène ua di tende kua Nzambi, kia di kuata ni Izalaiele, uixi:

Loma 11:28

Jijudé a di tunu o Njimbu Iambote, iá a di bhange jinguma ja Nzambi mukonda dienu-enu. Maji o ku mbandu ia ku a tungula kuala Nzambi, a di bhange makamba mê mukonda dia jitata.

Loma 15:16

Kia ku kala ngi mukunji ua Kristu Jezú, phala kukalakalela akua jixi jengi, ió ki Jijudé. Nga di bhange kala ngi nganga ia kutula o Njimbu Iambote ia Nzambi. Nga mu bhanga kiki phala o ió ki Jijudé a di bhange sata ia xikina kuala Nzambi mu dibônzo dia Nzumbi Ikôla.

Loma 16:19

Enu-phe o kutumaka kuenu ku mua mu tumaka o Njimbu Iambote, kua fumana ku athu oso. Kiene ki nga mu sangulukila mukonda dienu. Maji nga mi mesena mu kala mu jinjimu mu ima iambote, anga mu kala mu iximba mu ima iaiibha.

Loma 16:26

Maji mu kindalʼ iki, o kijinganuʼ okio kiòtukulule mu Mikanda ia soneka o Jipolofeta. O Nzambi ua kaiela-ku, iú ua tumu kuila a kʼijidise mu miji ioso, phala athu oso a xikane, nʼ a ki tumake.

Loma 8:13

Kuma se mua kaiela xitu, mua kinga kufua. Maji mu nguzu ia Nzumbi, se mua fuisa o imbamba i bhanga o mukutu, mu tambula muenhu.

Loma 8:33

Nanhi u ta mulonga ua kima kua athu a Nzambi òsole? Muène Nzambi ua a lungisa kuamba kala ni kikuma.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

I Kolindo 6:11

Enu amoxi-mu, kiene ki mua kexile. Maji a mi sukula ku ituxi, a mi lumbila kua Nzambi, o Muène iú ua mi xikina bhu pholo iê mukonda dia Jezú Kristu, Ngana ietu, ni mukonda dia Nzumbi ia Nzambi.

II Kolindo 10:5

ni ima ioso ia ukumbu ua xitu ki i ehela athu kuʼijiia Nzambi. Tu tolola ixinganeku ioso ia athu phala nʼa tumaka Kristu.

Matendelelu 7:6

Mbata eie ki ualʼokio u povo iangene ia Jihova Nzambi ié; O Jihova. Nzambi ié ua ku tungula muʼaxaxi ka ifuẋi ioso ia tungu kʼulu dia mundʼuku, phala u kale kiá u povo ia mu fuama muene ngó.

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

II Tesalonika 2:13

Tua tokala-phe tu sakidila jinga Nzambi, mukonda dia enu, mu jiphange jozole mua Ngana. Kuma Nzambi ua mi sola tunde ku dimatekenu, phala mu bhuluke mu nguzu ni kutena kua Nzumbi Ikôla, ni mu ku mi kôlesa nzumbi moxi mu kuxikana o kidi. Muène ua ki bhange, nʼa tena ku mi kitula mu athu a ngene a Nzambi.

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

Tito 1:1

Eme Phaulu, ngunza ia Nzambi, Poxolo ia Jezú Kristu, nga soneka o mukanda iú. A ngi tungula ia a ngi tumikisa mu kukuatekesa ni kusuinisa o kuxikanʼoko kuene na-ku athu a Nzambi, phala ku a endesa mu kidi kiene kulonga o ubhezelu uetu.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

Jihebeleu 11:28

O mu kuxikana, muène ua bhitisa o Phasu ia dianga, iú ua tumine kutesa o kidimbu kia manhinga ku mabhitu a jinzu ja anʼ a Izalaiele phala o Anju ia Kibuika ki ia a jibhile o ana a jiphande-kumbi.

Jihebeleu 12:24

Mueza kua Jezú, ua bhange o kikutu kiobhe, iú ua sangela o manhinga ma jimbulula o ima ia beta kuuabha, ki ma soko ni manhinga ma Abele.

Jihebeleu 5:9

O kia zubha ku di longʼ iki, ua di bhange Kibhamuenhu u tena o kubhulula oso a mu tumaka, katé kia zubha.

I Phetele 1:14

Mu kala mu ana mua tumaka Nzambi; ki mu kaiele o funza ia maluimbi menu mokulu mu thembu ia uoua.

I Phetele 1:19

maji a mi kula mu manhinga ma te kiengi, kifua ma kambudi ki ka moneka kisému, mba dixaka, o manhinga ma Kristu.

I Phetele 1:20

Muène kidi a mu sola kuala Nzambi mʼukulu munhá, oxi kiluua i kala ni dimatekenu diê, maji ua tukulukila kiá ku dizubhilu dia jithembu kunu, mukonda dia mulonga uenu.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

II Phetele 1:2

O kiadi ki di xale mudienu, ni paze ia nzungule, mu ku dʼijiia ni Nzambi, ni Jezú Ngana ietu.

II Nzuá 1:1

Eme kikulakaji kia Ngeleja, nga sonekana Nga Muhatu, monʼ a ngene, ni anʼê nga a zola mu kidi. Ki eme ngó ubheka uami, maji ni ene oso, ejiia ue o kidi, a mi zola muène.

II Nzuá 1:13

O anʼ a phangʼié ia muhatu, monʼ a ngene, a mu sola kuala Nzambi, a tumu ku ku menekena. Mahezu.

Juda 1:2

Nzambi a mi lendukile dingi kinéne, o paze iê ni henda ia mi kuatela i vule dingi ku thandu dienu.