I Phetele 1:18 - O Mikanda Ikola

¹⁸ Kuma enu mua kʼijiia kuila a mi kula ku muenhu uenu ua usemenhi, u mua tambula ku jitata jenu, kana mu itadi i di bota, ia phalata ni ulu,

I Phetele 1:18 ပူးပေါင်းရင်းမြစ်များ

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisálamu 62:10

Kana ku di fiiala ungúngu, mba u kala mu ku ta thathe ni jimbongo ja kubhûnda; ku fike kuila u di bhanga ni uii; jimbongo se ji di vuala, ku ji dielele; katula-ku muene o muẋima ué.

Izaía 44:22

Ikuma ié ngi i jimuna kala mbundu, o ituxi ié ngi i bhuisa-ku kala dituta: Vutuka kokuami, mbata eme nga ku kula kiá.

Izaía 52:3

Mukonda Jihova Nzambi, uambe kiki: A mi sumbisa mu kingoho; a kà mi kula ue, sè kitadi.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Jelemiia 4:11

Mu kithangana kinhá a kʼàmbela mundu iú ni Jeluzaleme kuamba: kitembu kia thothuena kia tundu bhu thala ia kikangalakata, kieza mu njila ia monʼa muhatu ua mundu uami, kí kieza phala ku bhiata, kí kieza phala ku zelesa.

Jelemiia 44:17

Kota-kota tua-nda kutumaka kizuelu kia tundu mu kanu dietuʼetuene, tuenda ni kuoha jinga o uasu ua dizumba kua sobha ia diulu ia muhatu, ni ku mu bhakuila makúnua, kala ki tuene mu kubhanga kiá etu, ni jitata jetu, ni jisobha jetu, ni ilamba ietu, mu jimbonge ja Juda ni mu jinzunga ja Jeluzaleme; etu tuene mu kala ni kúdia kua di xala ni kusanguluka, kana-ku ue kuiibha kuoso-kuoso ku tua mono.

Jelemiia 9:14

O Kiala-bhu a kaiela ngó kia a tumu o muẋima uâ, ni kukaiela o mahamba ma Bale, ma a longesa kuala o jitata jâ.

Izekiiele 20:18

Maji, o anʼâ, eme nga a tangelele mu ixi ia kisèkele, ngixi: Kana kuenda mu jingonge ja jitata jenu, mba muʼaluka o mabatuilu mâ, mba mu di kasanesa ni iteka iâ.

Amoji 2:4

Jihova uambe kiki: Juda kia tondala lutatu mba luuana, kibetu kiê ki ngi mu katula-kiu, mukonda o ngonge ia Ngana a i tènde, o itumu iê a tokoka o ku i bhaka, kia a kala kota o ku diehelela ku makutu ma jinzambi jâ ene-muène, kala kienda jinga o jitata jâ.

Dialuilu 7:15

ni kangombe ka ndumbe ni kilumbe kia mbudi, ni kambudi ka ndumbe ka muvu umoxi, phala sata ia kuoha;

Marku 8:37

Mba muthu u bhana muenhu ue mu kima kiahi?

Loma 1:21

Mukonda sumbala Nzambi a mu ijidile, ka mu bhana ujitu kala Nzambi, ka mu sakidila. A biluka-phe jisemenhi mu jiphata jâ, o muẋima uâ ua kutobha anga u vunda.

I Kolindo 3:20

O bhuamukuâ, exi: Ngana uejiia kuila o ixinganeku ia jinjimu iala kingoho.

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

I Kolindo 7:23

Nzambi ua mi sumbu ni suilu. Uila kiki, kana kukala dingi mu abhika a athu.

Ngalásia 1:4

Kristu ió ua di bhakuile ku kalunga phala ku tu bhulula ku ituxi ietu, nʼa tene ku tu kudila ku mundu iú uaiibha, kala Nzambi ietu, Tata, kia mu kala mu vondadi iê.

Efezo 4:17

Ngambe-phe kiki, nga mi bhana umbangi mua Ngana, kuma: Ki mu ende dingi kala ki enda o matumbu ió kene Nzambi mu usemenhi uâ,

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 9:12

Kioso-phe Kristu ki eza, ua bokona ngó lumoxi kuabhu, mu Kididi-Kikôla-Kinéne, muène kambatele manhinga ma jihombo, mba ma anʼ a jingombe phala kubhakula kala sata. Maji ua bhana o manhinga mê muène, iú ua zubha o ku tu kula, ki kua bhingi dingi ku ki tona.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

I Phetele 4:3

Kuma o thembu ia bhiti-ku ia soko kiá ia kubhanga ioso ia uabhela kubhanga o matumbu, kejiia Nzambi. Mukonda mu thembuʼomo enu uenu mua kexi mu kuenda mu jiphànda, ni mu jihânji ja xitu, ni mu uhôlua, ni mu ufusa, ni mu jifesa ja kukodiua, ni mu isunji iaiibha ia kubheza o iteka.

I Nzuá 3:5

Enu-phe mua kʼijiia kuila Kristu ua tukulukile mu kubhuisaku o ituxi ietu, maji o muène ka moneka kituxi.