I Phetele 1:13 - O Mikanda Ikola

¹³ Uila kiki, kalenu polondo. Mu kilunji di kutienu inhonga, mu kale ku mesu a zele, mu suime ni kudielela o kiadi kia kà mi bhekela, bhuoso bhu tukulukila Jezú Kristu.

I Phetele 1:13 ပူးပေါင်းရင်းမြစ်များ

I Jisobha 18:46

Lukuaku-phe lua Ngana anga lu kala ni Elija, kuma o kia di kutu bhu kinhonga, u lenga ni lusolo anga u somboka Akabe, hé u dianga kubhiẋila mu Jezeleiele.

II Jisobha 4:29

Anga muene uambela Jeazí, uixi: Di kute bhu kinhonga, uzangule o mbangala iami, u katuke; se u sanga muthu, kana ku mu menekena; se bhu kala muthu u ku menekena eie, eie kana ku muʼitaia; uia muene hé o kamona u mu tula o mbangala iami mu pholo iê.

Jobe 38:3

Kindala-phe dikute kinhonga kiê, kuma u muthu, mbata eme nga-nda ku kuibhula, eie nda u ngi vutuile.

Jobe 40:7

Kindala di kute bhu kinhonga kala u dikuenze; eme nga-nda ku kuibhula, eie nda u ngi vutuile.

Makatukilu 12:11

Mu i dia kala kiki: Mua zuata, mua di bhadika, jihaii ku inama o mbangala bhu lukuaku; mu i dia ni lusolo; kuma iene o Phasu ia Jihova.

Izaía 11:5

O kubatula kua iuka kuene kua kà di bhanga o phonda ia mbunda iê, o kidi kiene kia kà kala phonda ia kinhonga kiê.

Jelemiia 1:17

Eie-phe ndoko u di kute phonda mu mbunda, nda u balumuke u a tangele ioso i ngi ku tuma: kana ngó ku kala ni kekenha bhu pholo iâ, kuma eme nga kà bhangesa kuila eie kukala ni uoma bhu pholo iâ.

Matesu 20:4

Anga ua ambela, uixi: Ndenu uenu ku mulenga, kioso kia tokala kiene ki ngi mi futa. Ene anga aia.

Luka 12:35

Ngana Jezú anga ua ambela dingi uixi: Di iudikienu, mbé ioso iambe kuiza i mi sange mua di lungu. Bholenu o phonda mu mbunda, uikenu o jikandeia jenu.

Luka 17:30

Kiene kimoxi kia kà bhita mu kizuua ki tukuluka o Monʼa Muthu.

Luka 17:8

Ki ki xikina, lémbua! Kikale u muila: Ngi bhangele hanji kùdia, ngi Seiale, eie u di kute, u ngi xibhidile, katé ki ngi zubha kúdia ni kúnua; eie ue kiene kiua ki udia anga unua.

Loma 13:13

Tuendienu kiafuama o kuzela kala ki bhanga oso ala mu mukengeji ua muanha. Kana kuenda mu masemba ni mauhôlua, kana mu maundumbu ni maufusa, kana mu jimvunda ni mafuba.

Loma 8:19

Kuma o ibhangelu ioso ia xibhidila ni ku kinga o kithangana kia kutukuluka kua anʼ a Nzambi.

I Kolindo 1:7

katé kana-ku dibesá di mua fulu o kutambula, kiosuʼiki mua mu kinga o kutukuluka kua Ngana ietu Jezú Kristu.

I Kolindo 13:13

Uila kiki, ima ia xalela-ku o kuxikana, o kudielela, o henda, kitatu kiâ. Kiala-bhu-phe kota, o henda.

Efezo 6:14

Uila kiki, di fikidilienu-phe. Bhu kinhonga mu di kuta o kidi kala phonda. Zakelenu o kivunga-thulu kia kuiuka,

Kolose 3:4

Kristu muene uala muenhu uetu ua kidi, o kia kà tukuluka, enu uenu mua kà tukuluka kumoxi ni muène ku fuma.

II Tesalonika 1:7

Hé enu-phe mua tale hadi, u mi bhana kunhoha, kumoxi ni etu, tua tale hadi, bhuoso bhua kà tukulukila Ngana Jezú ku diulu ni ji-anju jê ja nguzu.

II Timote 4:5

Eie-phe enda ni ku di langa mu ima ioso. Kolokota o kutala hadi, kalakala kia tokala o mukunji ua Njimbu Iambote, kumbidila kiambote o ungunza ué kua Nzambi.

II Timote 4:8

Tundé kiki, kua ngi xikamena kiá kitundu kia kuiuka, Ngana, o Mufundixi uaiuka, ua kà ngi bhana-kiu bhu kizuua kiná; ki eme ngó a ngi bhana, maji ni ene oso kiá a zola o ku di mona mi Muène kià kèza.

Jihebeleu 10:35

Uila kiki, o kubhua uôma ku muala na-ku, ki mu ku ehe, mbata sai ni dilau diê dia dikota.

Jihebeleu 3:6

Maji-phe Kristu fiiele, kuma Mona mu dibhata dia Nzambi. Etu-phe tua kà kala tu dibhata diê, se tua jijila o kubhua uôma ni kudielela kuetu ku tua di fiiala ku kioso ki tua kinga, katé bhu disukilu.

Jihebeleu 6:19

Kudielela kua kidi, ku kuatesa mienhu ietu mukua ni ombua ia naviiu. Kuene kua kuata, kua kolo, ku bhixila katé kuema dia kibatulu kia tembulu mu diulu, anga ku bhita katé moxi dia kididi kikôla.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

I Phetele 1:10

O kubhuluka kuenhuku, o jipolofeta ja sotele jinga ku juijiia, ja tunguile jinga ni kutokuesa ni muanu kioso kia kexile mù zambula o kubhuluka ku muandù tambulʼ enu kua Nzambi.

I Phetele 3:15

Kôlesenu-phe Kristu ku miẋima ienu, kuma muène Ngana ienu. Mu kale polondo kuvutuila muthu uoso ua mʼ ibula o kudielela ku muala na-ku.

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

I Phetele 5:12

Nga mi sonekena kamukanda kofediʼaka kua Sila, phangeʼietu ia fiiele, kala ki nga mu mono eme. Tumaka ki tua vulu, mukonda ngandala ku mi longesa, ni ku mi bhana umbangi kuma o kiadʼiki kiene kia kidi kia Nzambi, kolokotenunu muenhumu.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.

I Nzuá 3:3

Muthu uoso-phe mua Kristu u kuata kudielela kiki, ki bhinga u di zelesa kala kia zele muène Kristu.