I Phetele 1:12 - O Mikanda Ikola

¹² Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.

I Phetele 1:12 ပူးပေါင်းရင်းမြစ်များ

Makatukilu 25:20

Jixelube jiji jʼòleka o mabhabha mâ bhulu, anga ji vungina o kibhuna kia kiadi ni mabhabha mâ, jene kiiadi kiâ ji di bhana jipholo; o jipholo jâ ji bhetamene-phe ku kibhuna kia kiadi.

Jisabhu 1:23

O ki nga mi bazelʼiki, lungulukenu kiá; talesa, ngi lundulula o Nzumbi iami ku thandu dienu, anga ngi mi ijidisa o maka mami.

Izaía 32:15

katé o Nzumbi i tunda bhulu kia kà di-lundulula ku thandu dietu; mu kizuuʼokio, oxi ia kisèkele ia-nda kubiluka mavu a idima, o mukáu uene mu kubhana o idima a kà u kita ditutu.

Izaía 53:1

Nanhi ua xikana o maka metu? Nanhi muene kua mu tukulukila o lukuaku lua Jihova?

Daniiele 10:1

Mu muvu ua katatu ua Silo, sobha ia Pélesa, Daniiele, a mu edi Belxazale, a mu jingunuina maka; o maka-phe ma kidi, maka ma ita ia dikota ia xikamena kubhanga mu thembu iza-ku. Daniiele muene, maka ua mʼevu kiambote, o kisuma kia mu tetulukila.

Daniiele 12:13

Eie-phe, suluka kienhiki katé ku mbambe; mbata ua-ndu nhoha-ku, maji o mu kizuua kia kà suka-ku, ua kà fundumuka anga u tambula o undundu ué ua ku xikamena.

Daniiele 12:9

Kuala muene: Katuka, Daniiele, mbata makʼama a ma jika, ia ate-ku kidimbu katé kia kʼèza o thembu ia kà sukidilá-ku.

Daniiele 2:19

Bhenhobho Daniiele a mu tukuluila o kijinganuʼiki mu kisuma kia usuku; Daniiele bhenhobho u kala mu ximana Nzambi ia diulu!

Daniiele 2:22

Kima kia jingana, kia kasuèkele, muene u ki aneka; kioso kiala mu kitombe muene u kʼijiie, kuma muene ua tunga ni mukengeji.

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Daniiele 8:13

Kia bhiti kiki, anga ngivua-ku muthu uangene uazele iu ua zuela; o muthu uangene uaiuka ua mukuá, uambela ió uakexe kuzuela, uixi: O kisuma kia jisata ja izuua ioso, kiia katé bhebhi, ni kia kutondala ku buikisa, phala kubhakula o kididi kiangene, ni mundu uê, na u titidila?

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Jouele 2:28

Kieneʼokio-phe anga kia kà bhita kuila, nga kà lunduluila o Nzumbi iami ku thandu dia xitu ioso, anʼenu a mala ni anʼenu a ahatu a kà zambula; o ikulakaji ienu a kànjiua jinzoji, minzangala ienu a kà mona isuma.

Amoji 3:7

Mukonda Jihova kana-ku kima kia bhanga hé u kamba kuijidisa kikutu kiê ku abhikʼé, o jipolofeta.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Matesu 11:25

Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 16:17

Jezú u kumbulula, uixi: Eie ua zediua, Ximá dia Jona! Mukonda o kidi kienhiki eie kua kʼijidila ku xitu ni manhinga, maji a ku bhana-kiu kuala Tata iami uene mu diulu.

Marku 16:15

Jezú anga u ambela, uixi: Ndenu mu ngongo ioso, mua ka boke o Njimbu Iambote, kate kua suku Nzambi ni kubhanga athu.

Luka 15:10

Nga mi ambela kuma, kiene ue, o kusanguluka kuvula ku pholo ia ji-anjo ja Nzambi, mukonda dia mukua-ituxi umoxi u diela.

Luka 2:26

Muène-phe a mu ijidisa-kiu kuala Nzumbi Ikôla, kuma ka-nda kúfua katé kia mona Mesiia, Kristu ia Ngana.

Luka 9:6

Ene anga a katuka, a bhita ku mabhata moso ni kuboka o Njimbu Iambote, ni kusaka o jihaxi ku jimbandu joso.

Nzuá 15:26

O Mukuatekexi ió-phe, ua-nda kuiza, muène Nzumbi ia Kidi, u tunda kua Tata. Eme ngi mi tumikisa-nê koko kua Tata, anga u kala mbangi iami, mukonda ua-nda kuzuela ima ioso ia ngi tokala eme.

Jipoxolo 10:44

Kioso Phetele ki ala hanji mu zuela kiki, Nzumbi Ikôla u tuluka ku thandu dia oso a kexi mu kuivua o maka.

Jipoxolo 16:10

Phaulu kia mono o kisumuʼ iki, tu sota kukatuka kindala mu kuia ku Masedonha, mukonda tua xinganeka kuma Nzambi ua tu ixana ku a bhana koko o Jingolokela Jambote.

Jipoxolo 2:33

Kiki-phe, Nzambi ua mu zangeleka ku madilu mê, muène iu ua tambula kua Tata o ujitu ua mu tangelele, ua Nzumbi Ikôla. O kiki, kindala ki mua mono, ki muevu, uene o ujitu ua Nzumbi Ikôla ua lundulula ku thandu dietu.

Jipoxolo 4:31

Ki a zubha kusamba, o kididi kia di bhongoluela, kia tunguta. Ene oso anga ezala ni Nzumbi Ikôla, hé andeka kutanga o maka ma Ngana ni kúbhua uôma.

Jipoxolo 4:8

Bhenhobho Phetele uezala ni Nzumbi Ikôla, uixi: Enu mu afundixi, ni adiakime ku mundu!

Jipoxolo 8:25

Phetele ni Nzuá bheniobho kia zubha kubhana umbangi, ni kutanga o maka ma Ngana, a vutuka ku Jeluzaleme. Anga mu njila a tula Njimbu Iambote mu jisanzala javulu ja akua Samádia.

Loma 1:15

Kala kiki, kioso ki nga tena, ngala polondo ia ku mi tudila ue o Njimbu Iambote, enu uenu muala ku Loma.

Loma 1:17

Kuma o Njimbu Iambote iene ia tu idikisa kioso Nzambi kia tu xikina, etu tua lungila mu kuxikana; kuma mu kuxikana ngó mu tu lungila. Kala kia ki soneka mu Mikanda Ikôla exi: Uoso a mu xikina kua Nzambi mu kuxikana, ió u laia.

Loma 10:15

O Njimbu a ivua kiebhi kua kambe o akunji a i tula? A i tula-phe kiebhi, a kambe o ku a tuma? Kala kia ki soneka mu Mikanda Ikôla, exi: O uijilu uâ kuuabha kuahi, ió eza mù bhana jingolokela ja Njimbu Iambote!

Loma 15:19

mu nguzu ia isumua ni madiuanu ni mu nguzu ia Nzumbi ia Nzambi. Mu kieniiki tunde mu Jeluzaleme ni mu jimbandu jê, katé ku Ilidiko, nga bhiti-ku ni kukola o Njimbu Iambote ia Kristu.

I Kolindo 2:10

Maji etu-phe Nzambi ua tu tukuluila-iu kua Nzumbi iê. Kuma o Nzumbi u tungulula ima ioso, katé ni ima ia zongo ia sueka Nzambi.

II Kolindo 1:22

uedi ni ku tu ta kidimbu, ni ku tu bhana diẋîkina dia Nzumbi iê ku miẋima ietu.

II Kolindo 6:6

O mu kuzela kuetu, ni kuijiia, ni mu kuxididika, ni mu kulenduka kuetu ku tuala na-ku, tu edikiza kuma tuala tu jingunza ja Nzambi. Imʼiii tua idikizila mua Nzumbi Ikôla, ni mu henda ietu ia kambe ku di bhangesa,

Ngalásia 1:12

Ki ngi i tambula ue ku muthu, ka ngi longo-iu kuala muthu, maji nga i tambula mu kisumua kia Jezú Kristu muene.

Ngalásia 1:16

O bhu kithangana kia ngi tukuluila Monʼ ê moxi diami, phala ngi kale ngi muthu ua ku mu kola muène mu Njimbu iê Iambote, ku akua jixi jengi, bhenhobho ki ngʼibhula dingi kima ku muthu uoso-uoso.

Efezo 3:10

Phala o kiki, atumini ni a-kutende ku ididi ia diulu a ki muena ku Ngeleja, kioso ki enda o unjimu ua Nzambi ua vula matelu.

I Tesalonika 2:9

Mu xinganeka, jiphange, o kukalakala kuetu ni hadi i tua tale! Kioso ki tua mi tudila o Njimbu Iambote ia Nzambi, tua kalakala muanha ni usuku phala kana muthu mudienu tu mu nemena.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Jihebeleu 11:13

Athu oso enʼiá afua, ezala ni kuxikana. O jipolomesa ja a bhele Nzambi ka ji tambuile luua, maji a ji muena ngó mu kanga, hé a ji tanesa ku makanga kuenioko ku ja monekena. Anga a di fisala kuila asonhi, jingenji mu ngongʼ umu.

Jihebeleu 2:4

Nzambi ue mbangi iâ, kuma ua a bhana kubhanga isumua ni madiuanu, ni jinguzu javulu, ni mauhete ma Nzumbi Ikôla, kioso kia mu kala mu vondadi iê.

Jihebeleu 4:2

Kuma kia kidi kiene, etu a tu tudila o Jingolokela Jambote kala ene. Ene-phe ka bhandulukile kima mukonda o maka ki ma takana ni kuxikana mu miẋima ia oso a evile.

I Phetele 1:25

maji o Maka ma Ngana-phe ma xalelà-ku. Mene-phe o makʼama ma Jingolokela Jambote ja mi tudila enu.

I Phetele 4:6

Mukonda kiene kia bhekela ue kuboka o Njimbu Iambote kua iá a fua kiá, phala ió ue oso a a fundisa kiá ku muenhu uâ kiala hanji mu ngongo mumu, mukuâ ni kiene kufundisa athu oso. O Njimbuʼiii ia a a tangela-iu ua ene, phala ku muenhu uâ mu nzumbi a kale mu laia kala kia mu laia Nzambi.

Dijingunuinu 5:11

Anga eme ngi tala dingi, hé ngʼivua dízui dia ji-anju javulu ja bhake o kiandu bhu kaxi, ni iama iuana ia muenhu, ni ikulakaji, jʼemana, o konda iâ ia tena jimidi ni jimidi ja ndumba!