I Phetele 1:1 - O Mikanda Ikola

¹ Eme Phetele, Poxolo ia Jezú Kristu, nga sonekena asonhi a muanganena mu jixi ja Ponto, Ngalásia, Kapadósia, Ázia, ni Bitinia.

I Phetele 1:1 ပူးပေါင်းရင်းမြစ်များ

Estere 3:8

Hamane anga u ambela Asuuelu, uixi: Sai muiji a di muangena mu jisengu joso ja utuminu ua muenxi, kifua athu engi, kene ku di tuma ni akuaʼxi a tungu-nâ, o itumu ia muenexi ue kene ku i aiuka mukonda o utuminu uâ uengi; muenexi ka mu bhana kubhanduluka kua kima, né-mbe muene u a lendukila anga a kala moxiʼumu.

Jisálamu 44:11

Eie ua tu bhakula, etu tua di bhange tu jimbudi jâ ja kúdia; ua tu muanga-muangena mu jixi ja akua matumbu kejiia Nzambi.

Izekiiele 6:8

Maji-phe nga-ndu xisa-ku masubhu, mbé ku kale amoxi-mu a bhulaka ku xibhata muʼaxaxe ka akua jixi, kioso ki a-nda ku mi muangena mu tumbu ni ngongo.

Ijila 26:33

Enu anga ngi mi muangena muʼaxaxi ka akua jixi jengi, hé ngi mi fomuena o xibhata, ni ngi mi mono bhu muia; oxi ienu i xala kilômbo ngùndu, o madiembu menu a jikinina muene taka-tàka.

Matesu 10:2

O majina mâ kuinhi dia poxolo ni kiiadi menhama: Ua dianga Ximá, a mu ixana Phetele, ni phangʼ iê Mandele; Tiiaku, monʼ a Zebedeu, ni phangʼ iê Nzuá;

Matesu 24:22

Maji o Ngana Nzambi, izuua ienhoio ia phaxi, ua i tolesa. Mbata o izuua ienhoio, se a kamba ku i tolesa, kana xitu i bhuluka. Maji mukonda-phe dia akua Nzambi ósole, izuʼuoio a kà i fikisa.

Matesu 4:18

O kia kala mu kuenda bhu mbandu ia kizanga kia Ngalileia, u mona jiphange jiiadi, Ximá, a mu ixana Phetele, ni ndenge iê Mandele, ala mu takula uanda mu menha, kuma atona a jimbiji.

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

Nzuá 11:52

Kienhiki o muiji ió ue ki uene ngó ua fuila, maji uà fuila kubhongolola kumoxi anʼ a Nzambi oso a di muangena ku makanga.

Nzuá 7:35

Jijudé anga ji di ambela mudiâ, exi: Kuebhi kuene ku aia, kua bhingi tu lémbua ku mu sanga? O kuila ua-nda kuia kua ió a di muange mu Jingèleku? Inga ua ka longa Jingèleku?

Jipoxolo 18:2

Anga u sanga-mu Judé dijina diê Akuila, mukua bhata diê ku Pontu, kindala kia tundu ku Italia, ni mukajiʼê Pidisila. Ene koko a tundu-ku, mukonda Kaláudio ua kexi mu tumina mu Loma, ua tumu kukaiesa o Jijudé joso a kexi mu Loma.

Jipoxolo 18:23

O kia zubha kubhanga thembu bhenhobho, u katuka, hé u bhita kʼ oxi ia Ngalata ni Filija ni kuendesa ididi ni kukolokotesa o jixibulu joso.

Jipoxolo 19:10

Kienʼiki anga u ki jijila mu mivu iiadi, katé ene oso a tungu mu Azia ki evu o Maka ma Ngana, ni Jijudé, ni ió ka tokala mu muiji ua Jijudé.

Jipoxolo 6:9

Anga ku kala-phe athu amukuâ a mu lungulukila. Eniá, akua Dilombe dia Jifôlo a tokala ku inzu ia kexi mu sambela o Jijudé ja tundile ku jimbonge ja Silene ni Xandeliia. Eniá-phe kumoxi ni Jijudé ja mukuâ ja tundile ku jimbandu ja Silisia ni ja Azia, a kuata kulua phata; ni Xitevá.

Jipoxolo 8:4

Eniá-phe, oso a muangana, a bhita ku mabhata moso ni kulonga o maka.

I Kolindo 16:19

Jingeleja jala ku Azia ja mi menekena. Akuila ni Pidisila, ni Ngeleja iene kudibhongolola mʼ onzo iâ, a mi menekena kiavulu mua Ngana.

II Kolindo 1:8

Kuma ki tua mi mesena, jiphange, kuila mu kamba kuijiia o hadi ioso i tua tale mu Azia. Kuma o hadi i tua bhiti na-iu ia tu xinine koko, ia vudile kinéne, ni kinemenu kiê kia vudile ue, katé ki tua di fikile dingi kuila tu tunda-ku ni kukola muenhu.

Ngalásia 1:2

O jiphange joso u ngala-nâ kunu, a tumu kumenekena o Jingeleja ku Ngalásia.

Efezo 2:12

Thembu ieneʼoio mua di batukile ni Kristu. Mua kexile mu asonhi, o mu dianda dia Izalaiele, o muiji uòsole kua Nzambi, enu ki mu tokalele-mu. Ki mu kexile ni mbandu ue ku ikutu ia tundu ku jipolomesa ja bhele Nzambi o mundu uê. Enu mua kexile mu ngongo mumu, sé ngó kima ki mu dielela, sé ue Nzambi.

Efezo 2:19

Uila kiki, enu ki mu Jijudé, ki muala dingi mu asonhi, mba mu athu engi. Maji muala kiá mu akua bhata, mua sokela ni akuenu akua Ngana oso mu dianda dia Nzambi.

Matendelelu 28:64

Jihova ua ka mi muangena muʼaxaxi ka miji ioso tunde kua tundu oxi ʼté ku maẋokololo ku iasuku; o kuenhoko kuene kiua ku ua kà bhikila o jinzambi jengi, ja bhingi nʼeie ni jitata jé kiluua mu jʼijiia ngó; jinzambi ja miẋi ni ja matadi.

Matendelelu 32:26

kifua ngeje kuila: ku hota joso ngi mi muanganesa-ku, katé a mi jimbi muʼaxaxi ka mundu.

Matendelelu 4:27

Anga Jihova u mi muangena muʼaxaxe ka ifuẋi iengi, o kuenhoko ue mua kà kala ngó kakibuka kófele, muʼaxaxe ka akua jixi, muoso mua-nda ku mi xinjikila Jihova.

II Timote 1:15

Eʼmuène kiki ua kiʼijiia kiambote, kuma ene oso akua Azia a ngi bhana dikunda, a ngʼehelela, katé kiá ni Fijelo ni Helemojene.

Jihebeleu 11:13

Athu oso enʼiá afua, ezala ni kuxikana. O jipolomesa ja a bhele Nzambi ka ji tambuile luua, maji a ji muena ngó mu kanga, hé a ji tanesa ku makanga kuenioko ku ja monekena. Anga a di fisala kuila asonhi, jingenji mu ngongʼ umu.

Tiiaku 1:1

Eme Tiiaku, selevende ia Nzambi, ni ia Ngana Jezú Kristu, nga tumu kumenekena o kuinhi dia muiji ni kiiadi ia muanganena mu jixi joso.

I Phetele 2:11

Enu akuetu, phange jami, nga mi diondo, mu asonhi, mu jingenji mua tundu mu ixi ienu enu muala ku jixi jengi, kulenga jinga jihânji ja xitu ji lua ita ni muenhu ua muthu.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

Dijingunuinu 1:11

dixi: Ioso i u mona, soneka-iu mu divulu, u di tumikise ku sambuadi dia Ngeleja jala mu jimbonge ku Efezo, ni ku Sumina, ni ku Pelengamo, ni ku Tiiatila, ni ku Salade, ni ku Filadelefia, ni ku Laodiseia.