I Nzuá 5:9 - O Mikanda Ikola

⁹ Etu tuene mu xikana o umbangi ua athu, maji o umbangi ua Nzambi phe uala kota mu nguzu. O umbangi ua Nzambi uenhú, uene-phe ua bhela Monʼê.

I Nzuá 5:9 ပူးပေါင်းရင်းမြစ်များ

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Nzuá 10:38

Maji se iene muene i ngene kubhanga, né kiá ki mu ngi xikana eme, xikanenu kiá ngoho o ikalakalu i ngene mù bhanga, phala mu kʼijiie tunde lelu té ku hádia kuma Tata uene mo-muami, eme ngene mua Tata.

Nzuá 5:39

Enu muene mu kutanga mu madivulu ma Nzambi, mukonda mua fika kusanga muenhomo o muenhu ki uàbhua. O Madivulu enhó, jene-phe jimbangi jami jala ku ngi tanga eme.

Jipoxolo 17:31

Mukonda ua xindi kiá kizuua kia kufundisa mundu uoso mu kidi, kua muthu uê ua mu tungula. Nzambi-iú ua tumu ku kʼ ijidisa kua ene oso mu ku mu fukununa ku ʼalunga.

Jipoxolo 5:32

Etu tuala tu jimbangi ja makʼ ama, ni Nzumbi Ikôla ue, ió a mu bhana kuala Nzambi kua ió oso a mu tumaka.

Jihebeleu 2:4

Nzambi ue mbangi iâ, kuma ua a bhana kubhanga isumua ni madiuanu, ni jinguzu javulu, ni mauhete ma Nzumbi Ikôla, kioso kia mu kala mu vondadi iê.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.

I Nzuá 5:10

Uoso u xikana Monʼa Nzambi, u kala ni umbangi uenhú moxi diê. Maji uoso ua kambe kuxikana, Nzambi ua mu kuatesa makutu, mukonda ua kambe kuxikana umbangi ua Nzambi ua bhela Monʼê.

I Nzuá 5:8

Kitatu ue kia bhana umbangi mu ngongo: Ni Nzumbi, ni menha, ni manhinga; kitatu kiâ a dʼivisa kumoxi.