I Nzuá 5:7 - O Mikanda Ikola

⁷ Mbata sai kitatu a bhana umbangi mu diulu: Ni Tata, ni Diambu, ni Nzumbi Ikôla; ene kitatu kiâ a di bhanga Umoxi.

I Nzuá 5:7 ပူးပေါင်းရင်းမြစ်များ

Jisálamu 33:6

Kizuelu kia Jihova kiene kia bhanga o diulu; kifuẋi kioso kiala-ku kiejila ku muha ua dikanu diê.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Matesu 18:16

Kia kamba-phe ku kuívua, katula dingi kiiadi mba kitatu, phale u bhange kala kia tange o Mikanda ia Ngana, kuila: Kutetulula maka moso, kikale ma tetulukila mu kanu dia mbangi jiiadi mba jitatu.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Nzuá 1:1

Ku dimatekenu kioso mundu kiluua a u bhanga, ku kala o Diambu; o Diambu anga di kala kua Nzambi; o Diambu muène Nzambi.

Nzuá 10:30

Mbata eme ni Tata, etuʼ ene umoxi.

Nzuá 12:28

Tata, fumanesa o dijina dié! Kithanganʼ okio ku tunda dízui mu diulu, dixi: Nga di fumanesa kiá, hanji ngi di fumanesa jinga.

Nzuá 14:17

O mundu ki u tena ku mu tambulula, mukonda ka mu mono, ka mu ijiia. Enu-phe mua mu ijiia, mukonda mu xala-nê, u kala moxi dienu.

Nzuá 15:26

O Mukuatekexi ió-phe, ua-nda kuiza, muène Nzumbi ia Kidi, u tunda kua Tata. Eme ngi mi tumikisa-nê koko kua Tata, anga u kala mbangi iami, mukonda ua-nda kuzuela ima ioso ia ngi tokala eme.

Nzuá 5:26

Kala Tata muene, kiedi muène Otho ia muenhu, kiene ue ua bhana Mona kukala ni muenhu moxi, diêmuène.

Nzuá 8:18

Eme ngi mbangi iami eme-muène, o Tata ua ngi tumu ue mbangi iami.

Nzuá 8:54

Jezú u vutula, uixi: Eme se nga di jingisa eme-muène, kijingu kiami kia ngoho. Tata iami muène ua mu ngi jingisa, ió enu mua mu tange enu kuma Nzambi ienu, maji ki mua mu ijiia.

Jipoxolo 2:33

Kiki-phe, Nzambi ua mu zangeleka ku madilu mê, muène iu ua tambula kua Tata o ujitu ua mu tangelele, ua Nzumbi Ikôla. O kiki, kindala ki mua mono, ki muevu, uene o ujitu ua Nzumbi Ikôla ua lundulula ku thandu dietu.

Jipoxolo 5:32

Etu tuala tu jimbangi ja makʼ ama, ni Nzumbi Ikôla ue, ió a mu bhana kuala Nzambi kua ió oso a mu tumaka.

Matendelelu 6:4

Ivua, Izalaiele, tata! O Jihova, Ngana dia Nzambi ietu, muene Ngana imoxèlele ngó, ka moneka mukuá.

I Nzuá 1:1

Tua mi sonekena o kima kia kalé tunde ku dimatekenu dia mundu, o Diambu diene dia muenhu. Etu tua dʼivua, tua di mona ni mesu etuʼèlele muene. Ni kidi muene, etu tua di tongolola, tua di babata ni maku metu.

I Nzuá 5:6

Jezú Kristu muenhó uejile ni menha ma batizu iê, ni manhinga ma kúfua kuê. Muène kejile ngó ni menha, maji kiiadi kiâ ni menha ni manhinga. O kienhiki, Nzumbi ua ki kexila umbangi kuma kidi. Mukonda o Nzumbi, iene o kidi.

I Nzuá 5:8

Kitatu ue kia bhana umbangi mu ngongo: Ni Nzumbi, ni menha, ni manhinga; kitatu kiâ a dʼivisa kumoxi.

Dijingunuinu 19:13

Muène ua di vungu ni kizuatu kiê kiòsangele ni manhinga. O dijina diê muène a mu ixana Diamba dia Nzambi.