I Nzuá 5:18 - O Mikanda Ikola

¹⁸ Tua kʼijiia kuma muthuu uoso uala monʼa Nzambi, ka xikina kuta ituxi, mukonda muthu uoso a mu vuala kua Nzambi, Monʼa Nzambi u mu langa, o Diabhu ió mukua kutondalesa ka tena ku mu kuata.

I Nzuá 5:18 ပူးပေါင်းရင်းမြစ်များ

Jisálamu 119:101

Njila joso jaiibha, nga fulu ku ji enda, phala ngi di longe o maka mé.

Jisálamu 119:3

Euá, a fula muene kubhanga ima ia kubhengalala, maji a kuata kuenda jinga mu jinjila jê.

Jisálamu 17:4

Muʼaxaxi kʼathu ngi banza jinga o maka a tunda ku mizumbu ié; njila i bheka athu mu kubaluka nga fulu ku i enda.

Jisálamu 18:23

Ka ngi mono ue ni miẋima iiadi bhu pholo iê, nga di lange muene phala ki ngi te kituxi.

Jisálamu 39:1

Ngedile ngixi: Ngi di langa o kuzuela, phala ki ngi te kituxi ni dimi diami; dikanu diami ngi di kuta jingoji, kioso ki ngʼimana kumoxi ni muthu uabhukumuka.

Jisabhu 4:23

Ku ioso ia fuama ku langa, langa o muẋima ué, kuma mu muẋima muene muala o dimatekenu dia matundilu moso ma muenhu.

Ijila 11:37

Se ima-phe ia di fuila kiki, kua laúka kama anga ka tula ku mbutu ia kukuna, mbutuʼoio ki idié kima;

Matesu 5:37

O kudikunda kuenu-phe ku kale kua kuila: Kiene, kiene; kana, kana; kioso ki di bandekeza kuku, kima kia tundu ku Dimonho.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Nzuá 1:13

Ene a di bhange anʼ a Nzambi, kana mu ku a vuala ku xitu ni ku manhinga, kana ku vondadi ia muthu, kale ngó ku vondadi ia Nzambi.

Nzuá 14:30

Ki ku ngi xala dingi kuzuela kithangana kiavulu ni enu, kuma o sobha ia mu tumina mu ngongʼ umu iu bhixila kiá; muene-phe ka ngi lende ni kima.

Nzuá 15:4

Xalenu mo muami, Eme ngi xale mo muenu. Kala thangu ki itena kuima ibundu kʼ ubheka uê, ia kambe ku di kuatenena ku muxi, kiene ue, enu ki mu tena kuima ibundu, se mua kambe kuxala mo muami.

Nzuá 15:7

Se mua xala mo muami, o maka mami ni ma xala mo muenu, bhingenu ioso i mua mesena, a mi bhana-iu.

Nzuá 15:9

Kala Tata kia ngi zola eme, kiene ue ki nga mi zola enu. Mu kienhiki, Xalenu mu henda iami.

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

Tiiaku 1:18

O mu vondadi iê-muène, muene mua bhangesa o ku tu vuala ku kizuelu kiê kia kidi, phala ku ima ioso ia bhange Nzambi, etu-ene muene tu kale bhu kididi kia dianga.

Tiiaku 1:27

O kubheza kua kidi, ki kuene kuxila bhu pholo ia Nzambi, Tata, kuenhuku: O kubindumuna jihukunhu ni atudi a ahatu mu ibhidi iâ, ni kudilanga eʼmuène sè kukasana ni ima iaiibha iene ku mundu iú.

I Phetele 1:23

Mbata enu, mukonda dia maka ma Nzambi, ma xalela-ku, muala ni muenhu, muala mu athu a mi vuala dingi, kana ku mbutu ia kumbama ia jitata ji fua, maji ku mbutu ia disanze, ia Tata, ki itena dingi kufua.

I Nzuá 2:29

O kiedi muene Kristu mua mu ijiia kuma muthu uaiuka, mu kʼijiia ue kuma uoso u bhanga ima iaiuka, muène muthu a mu vuala kua Nzambi.

I Nzuá 3:12

Ki tu sokele ni Kaini ua tokalele kua Diabhu mukua kutondalesa, anga u jibha phangʼiê. Mukonda diahi kia mu jibha? Mukonda o Kaini imbamba iê ia bhangele iaiibha, o ia phangʼiê Abele iaiuka.

I Nzuá 3:3

Muthu uoso-phe mua Kristu u kuata kudielela kiki, ki bhinga u di zelesa kala kia zele muène Kristu.

I Nzuá 3:9

Muthu uoso a mu vuala kua Nzambi, u fula kuta ituxi, mukonda o Nzumbi ia Nzambi ia mu tungu moxi iene i kalakala momuʼê. Kienhiki, ka tena-phe kuta ituxi, mukonda o Nzambi muene Tatʼâ.

I Nzuá 4:6

Maji etu-phe tua tokala Nzambi. Uoso uejiia Nzambi, u tu ivua; maji uoso ka tokala Nzambi, ka xikina ku tu ivua. Mu kiki, bhene bhu tu ijidila o Nzumbi ia kidi ni nzumbi ia makutu i bhekela kutexika.

I Nzuá 5:1

Uoso u xikana kuma Jezú muène Kristu ió muthu a mu vuala kua Nzambi. Uoso-phe u zola o tata ua vuala, u zola ue ni mona a mu vuala kuala o tata ienhoio.

I Nzuá 5:15

Mu kienhiki, etu tua kʼijiia kuma muène u tu ivua mu ioso i tu mu bhinga. O ki tuejiia kuila kiki kidi, tua kʼijiia ue kuma ioso i tu mu bhinga tu i tambula.

I Nzuá 5:19

Tua kʼijiia kuma etu tua tokala Nzambi, maji o mundu uoso-phe ua zeka mua Kadiaphemba ió mukua kutondalesa.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.

I Nzuá 5:21

Enu tuana tuami, o nzambi ja makutu lengenu-ju!

I Nzuá 5:4

mukonda oso a a vuala kuala Nzambi, a lenda o mundu. O uzonda-phe u tolola o mundu, o kuxikana kuetu.

Juda 1:21

Phala mu suine ni ku di bhaka mu henda ia Nzambi, ni kukinga o kulenduka kua Ngana ietu Jezú Kristu katé kia mi bhana o muenhu ki uábhua.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,

Dijingunuinu 2:13

Nga ku ijiia bhu ua tungu. Bhene bhuala o kiandu kia Satana. Eie-phe dijina diami ua di jijila, kua ngi di tunu o kixikanu kiami, né mu izuua ia Antipa mbangi iami, fiiele iami, a mu jibhila muʼaxaxe kenu bhenhobho bhua tungu Satana.