I Nzuá 5:13 - O Mikanda Ikola

¹³ Imʼiii nga mi sonekena-iu, phala mu kʼijiie kuila muala ni muenhu ki uàbhua, enu oso mua xikana mu dijina dia Monʼa Nzambi.

I Nzuá 5:13 ပူးပေါင်းရင်းမြစ်များ

Nzuá 1:12

Maji amoxi-mu a mu tambulula, ia a xikana dijina diê; enhá Nzambi ua a bhana o kutena kua kukala anʼê.

Nzuá 2:23

Kienhókio Jezú kioso kia kala mu Jeluzaleme, mu fesa ia Phasu, athu avulu a xikana dijina diê, mu kumona o mediuanu-mê mala kubhanga.

Nzuá 20:31

Maji imʼiíi-phe iòsoneke, phala enu ni mu xikane, kuma Jezú muène Kristu, Monʼ a Nzambi. Mbé o ki mu mu xikana, mu kale ni muenhu ki uábhua.

Nzuá 21:24

Muenhó muene o xibulu ua bhana umbangi uê ua ima ioso iíi; o ima ioso iu ua i soneka. Etu-phe tuejiia kuma o umbangi uê ua kidi.

Nzuá 3:18

Uoso u xikana o Mona, kʼ êla. Maji uoso ua kambe o ku mu xikana, uêle kiá, mukonda ka xikana o Mona umoxi-èlele ua Nzambi.

Nzuá 5:24

Kidi, kidi, ngi mi ambela: Uoso uívua dízui diami, nʼ a xikane ió ua ngi tumu, mùene uala ni muenhu ki uàbhua; ka tena dingi kuêla, maji ua tundu kiá ku ʼalunga, iu bokona ku muenhu.

Jipoxolo 3:16

O dijina dia Jezú, mu ku di xikana, diene dia bhana o nguzu ku muthu iú. O kiki kia bhiti, ki mua mono ni mesuʼenu, enu mua kʼijiia, kiobhange mukonda dia kuxikana o dijina diê. Mbata o kuxikana dijina dia Jezú, kuene kua mu bhana o kudisanza, bhu pholo ienu-enu oso.

Jipoxolo 4:12

O kubhuluka kikale kua Muène ngó. Kuma o bhoxi dia diulu ʼabha, bhu ʼaxaxe kʼ athu, kana-bhu dingi dijina diengi dia bhana-bhu, dia tokala di kala dijina dia ku tu bhulula. Kiene kia bhekela kuila o Nzambi dijinʼidi ua di tula bhuma bhua bhingi kana muthu u lémbua kubhiẋila-bhu.

II Kolindo 5:1

Mukonda tua kʼijiia kuila kioso kia-nda kubudika o fundu iii mu tua tungu, uene o mukutu uetu mu ngongo mumu, Nzambi ku diulu hinu ua kà tu bhana inzu mu tu tunga. Inzuʼoio-phe a i tungu kuala Nzambi muene, i xalela-ku kiá katé ku hadia ni hadia.

Ngalásia 4:6

O mu kuidikiza kuila tuala tu anʼê, Nzambi ua tumikisa Nzumbi ia Monʼ ê mu miẋima ietu, o Nzumbi i tena kudikola: Abha, Tata!

I Phetele 5:12

Nga mi sonekena kamukanda kofediʼaka kua Sila, phangeʼietu ia fiiele, kala ki nga mu mono eme. Tumaka ki tua vulu, mukonda ngandala ku mi longesa, ni ku mi bhana umbangi kuma o kiadʼiki kiene kia kidi kia Nzambi, kolokotenunu muenhumu.

I Nzuá 1:4

Imʼiii tua mi sonekena-iu, phala tu kale ni kusanguluka kua tenena.

I Nzuá 2:1

Tuana tuami, tata, nga mi sonekena imʼiii phala ki mu te ituxi. Se bhu kala muthu-phe u ta kituxi, sai Mubhângedi uetu kua Tata, Jezú Kristu, Muthu ua kuiuka.

I Nzuá 2:21

Uila kiki, eme ki nga mi sonekena mukonda mua kambe kuijiia o kidi, maji mukonda o kidi mua kʼijiia, enu muejiia ue kuila kana-ku makutu ejiia ku kidi.

I Nzuá 2:25

Kuku kuene o kukana Kristu kua tu kanena etuʼoso, kua ku tu bhana o muenhu ki uàbhua.

I Nzuá 2:26

Imʼiii nga mi sonekena-iu, mukonda dia enhó a mu mesena ku mi jimbidisa.

I Nzuá 3:23

O kijila kiê kia tu tumu, kienhiki: Kuila tu xikane mu dijina dia Monʼê Jezú Kristu, tuixi ni kudizola mudietu, uila muène Kristu kia tu tumu.

I Nzuá 4:9

Muene mua tu tukuluila Nzambi o henda iê ia tu kuatela, Nzambi kia katula Monʼê umoxièlele, anga u mu tumikisa mu ngongo, phala etu ni tu mone muenhu kua muène.

I Nzuá 5:10

Uoso u xikana Monʼa Nzambi, u kala ni umbangi uenhú moxi diê. Maji uoso ua kambe kuxikana, Nzambi ua mu kuatesa makutu, mukonda ua kambe kuxikana umbangi ua Nzambi ua bhela Monʼê.

I Nzuá 5:11

O umbangi uê uenhú: Kuma Nzambi ua tu bhana muenhu ki uàbhua, o muenhu uenhú-phe tu u tambuila kua Monʼê.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.