I Nzuá 4:17 - O Mikanda Ikola

¹⁷ O henda iatenena mo muetu se tuala naiu ia soko, i bhuisa uôma mu Kizuua kia kufundisa. Mukonda kioso ki ala muène Kristu, etu ue kiene ki tuala mu ngongʼumu.

I Nzuá 4:17 ပူးပေါင်းရင်းမြစ်များ

Matesu 10:15

Kidi kiene ngi mi ambela, inda oxi ia Sodoma ni ia Ngomola a kà i lendukila mu kizuua kia kufundisa, mbongeʼ oio, kana!

Matesu 10:25

Kienhiki, o xibulu kabasa i sokela ni mesene iê, o mubhika kabasa u sokela ni ngana iê. Kia lembela muène mukua dibhata diê, a mu ixana, exi: Belezebubu, akua mbèle iê, a kà exana kiebhi?

Matesu 11:22

Ngi mi ambela-phe kuma, inda Tilu ni Sidónia, Nzambi ua kà a lendukila mu kizuua kia kufundisa, enu kana!

Matesu 11:24

Ngi mi ambela-phe, inda o mbanza ia Sodoma, Nzambi ua kà beta ku i lendukila mu kizuua kia kufundisa, eie kana!

Matesu 12:36

Ngi mi ambela-phe kuma, maka moso ma ulalu ma tanga athu, a kà ma bhela konda mu kizuua kia kufundisa.

Nzuá 15:20

Lembalalenu o maka u nga mi ambela, ngixi: Mubhika ka tundu ngana iê. Se a ngi zukutisa eme, enu uenu a mi zukutisa; se aiuka maka mami, enu a mi aiuka ue o maka menu.

Nzuá 17:22

Nga a bhana o kijingu ki ua ngi bhana eme, ene ni a kale umoxi, kala etu ki tuala umoxi.

Loma 8:29

Kuma oso Nzambi a diangele ku ejiia, ua a tungula ukulu, phala a kituke mu kidifua kia Monʼ ê. Muène ua bange kieniiki phala o Mona nʼ a kale thungunu mu jiphange javulu.

Jihebeleu 9:27

Kala ue o athu kia a xindi kufua ngó lumoxi, o kia zubha o kufua, hé ku kala o ku a fundisa kuala Nzambi.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.

Tiiaku 2:22

Mua mono, kuma, o kuxikana kuê kua kalakala kumoxi ni ima ia bhangele. O mu ima ia bhangele, kuxikana kuê kua tenena.

II Phetele 2:9

Kienhiki Nzambi uejiia kukudila akua uôma uê muʼ axaxi ka kudianguka, o akua ikuma u a bhaka katé bhu Kizuua kia Kufundisa, kuma a xikamena kaxtiku.

II Phetele 3:7

O maulu kiki ala-ku, ni oxi-phe, mu kizuelu kiene kimoxi kia Nzambi, ia xikamena tubhia. A i bhake katé bhu Kizuua kia Kufundisa, kia kubuikisa athu abhumu.

I Nzuá 2:28

Xi! Kiki-phe, tuana tuami, jijilenu o kukala mu ukamba ni Kristu, phala se uedi u tukuluka, tu bhue uôma. Mbé ki tu kale ni jisonhi bhu pholo iê, hé tuà ka bhindamena kudisueka bhu Kizuua bhuoso muène bhua kà tukulukila.

I Nzuá 2:5

Uoso-phe u aiuka o maka mê, ni kidi kiene moxi diê muala o henda ia Nzambi ia soko. Bhene bhu tu kʼijidila kuma tuala kumoxi ni Nzambi.

I Nzuá 2:6

Uoso-phe u amba uixi: Ngala mu kisangela kumoxi ni Nzambi, u fuama kuenda ma tu sukula o ituxi ioso.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.

I Nzuá 3:3

Muthu uoso-phe mua Kristu u kuata kudielela kiki, ki bhinga u di zelesa kala kia zele muène Kristu.

I Nzuá 3:7

Enu, tuana tuami, ki mu ehele muthu ku mi jimbidisa! Uoso u bhanga ima iaiuka, muène muthu ua kuiuka, kala kia iuka muène Kristu.

I Nzuá 4:12

Nzambi kiluua a mu mona mesu ku muthu. Etu-phe se tua di zolo mudietu, Nzambi u kala ku ukamba ni etu, o henda iê i kala ia tenena moxi dietu.