I Nzuá 4:16 - O Mikanda Ikola

¹⁶ Etuene ue tuejiia o henda ia Nzambi ia tu kuatela, etu tua i xikana. Nzambi henda. Uoso ua tungu mu henda, ua tungu mua Nzambi, o Nzambi ua tungu mua muène.

I Nzuá 4:16 ပူးပေါင်းရင်းမြစ်များ

Jisálamu 31:19

Jimbote jé kuvula kuahi, Ngana! Ji ua lundila oso a ku kala ni uoma; ji u bhanga jinga athu oso a lengela ko kué, bhu pholo muene ia anʼaathu mu ngongo!

Izaía 64:4

Mbata tundé mʼokulu kiluua a kʼivua, kiluua ki tetuluka mu mátui, kiluua mesu ue a mona Nzambi iengi, kalʼeie ngó, u Nzambi uene kukalakela uoso u kinga kua muene.

Nzuá 6:69

Etu tua xikana, tua kʼijiia kuma eie u Muthu Ukôla ua tundu kua Nzambi.

Nzuá 9:3

Kuala Jezú: Muène kala kifofo mukonda dia ituxi iê iate, mba mukonda dia ituxi ia jitata jê; maji muène uala kifofo, nda o kutena kua Nzambi ni ku di londekese mua muène.

I Kolindo 2:9

Uila kiki-phe, kia ki soneka mu Mikanda Ikôla, exi: Ima kiluua mesu a i mona, kiluua matui a ʼivua, Kiluua ngó muẋima ua muthu u i fika kuila hadia i bhita, Iene ima ia iudika Nzambi mu ku i bhana oso a mu zola.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.

I Nzuá 3:16

Bhene bhu tu ijidila ki kala o henda! Mukonda Kristu ua tu bhela o muenhu uê bhu kididi. Mu kiki, etu uetu tua fuama tu bhana o mienhu ietu, mukonda dia jiphange jetu.

I Nzuá 3:24

Uoso u aiuka o ijila ia Nzambi, ió ua tungu mua Nzambi, o Nzambi ue ua tungu momuʼê. O mukonda dia Nzumbi ia tu bhana Nzambi, bhene bhu tu kʼijidila kuma Nzambi ua tungu moxi dietu.

I Nzuá 4:7

Enu akuetu, tu di zodienu mudietu, kuma o henda ia tunda kua Nzambi. Uoso u zola, muenhó muthu a mu vuala kua Nzambi, uejiia ue Nzambi.