I Nzuá 4:15 - O Mikanda Ikola

¹⁵ Uoso u tanga kuila Jezú Kristu muène Monʼa Nzambi, muthu ió Nzambi ua tungu mua muène, ni muène mua Nzambi.

I Nzuá 4:15 ပူးပေါင်းရင်းမြစ်များ

Matesu 10:32

Kienhiki uoso u ngi fisala eme bhu pholo ia athu, eme uami ngi mu fisala muène bhu pholo ia Tata iami uene mu diulu.

Luka 12:8

Ngi mi ambela: Uoso u ngi xikana eme bhu pholo ia athu, Monʼa Muthu ue ua kà mu xikana muène bhu pholo ia ji-anju ja Nzambi.

Nzuá 6:56

Uoso u dia o xitu iami, hé u nua manhinga mami, muène u xala momuami, eme ue ngi xala mo-muê.

Jipoxolo 8:37

Felipe, uixi: Se ua xikana ni muẋima uê uoso, ki bhuala ki fudisa. Muène u vutula, uixi: Xi! Eme nga xikana kuma Jezú Kristu, muene Monʼa Nzambi.]

Loma 10:9

Mukonda se u fisala ni dikanu dié kuma Jezú muene Ngana, anga u xikana mu muẋima ué kuma Nzambi ua mu fukununa mu ʼalunga, eie u bhuluka.

Filipe 2:11

Ki bhu xala dimi di kamba kufisala kuma Jezú Kristu muene Ngana, mu kubhana o fuma kua Nzambi, Tata.

I Nzuá 2:23

Mbata uoso u dituna o Mona, muenhó ua ditunu ue ni Tata. O uoso u xikana o Mona, ni Tata uala-nê.

I Nzuá 2:24

Kala kiki, enu-phe njimbu ioso i muevu tunde ku dimatekenu, i mi tunge moxi dienu. Mukonda, o ki kala njimbu ioso i muevu tunde ku dimatekenu, i tunga moxi dia miẋima ienu, enu-phe mu kala mu ukamba kumoxi ni Mona ni Tata.

I Nzuá 3:23

O kijila kiê kia tu tumu, kienhiki: Kuila tu xikane mu dijina dia Monʼê Jezú Kristu, tuixi ni kudizola mudietu, uila muène Kristu kia tu tumu.

I Nzuá 3:24

Uoso u aiuka o ijila ia Nzambi, ió ua tungu mua Nzambi, o Nzambi ue ua tungu momuʼê. O mukonda dia Nzumbi ia tu bhana Nzambi, bhene bhu tu kʼijidila kuma Nzambi ua tungu moxi dietu.

I Nzuá 4:12

Nzambi kiluua a mu mona mesu ku muthu. Etu-phe se tua di zolo mudietu, Nzambi u kala ku ukamba ni etu, o henda iê i kala ia tenena moxi dietu.

I Nzuá 4:2

O bhabha bhene bhu mua-nda kuijidila se o Nzumbi íii ia tundu kua Nzambi mba kana: Uoso u tanga kuma Jezú Kristu ueza mu mukutu ua xitu, ió uala ni Nzumbi ia tundu kua Nzambi.

I Nzuá 5:1

Uoso u xikana kuma Jezú muène Kristu ió muthu a mu vuala kua Nzambi. Uoso-phe u zola o tata ua vuala, u zola ue ni mona a mu vuala kuala o tata ienhoio.

I Nzuá 5:5

Nanhi u tena kutolola o mundu? Kikale uoso ngó ua xikana kuma Jezú Monʼa Nzambi.

II Nzuá 1:7

Kuma mu ngongo mua tukuluka axombi avulu. Athu a kamba kufisala kuila Jezú Kristu uejile ni mukutu ua xitu. Muthu u bhanga kiki, muxombi, muenʼió Nguma ia Kristu.