I Nzuá 4:11 - O Mikanda Ikola

¹¹ Enu akuetu, tua mi zola, Nzambi se ua tena ku tu zola kiki, etu uetu tua fuama tu di zola mudietu.

I Nzuá 4:11 ပူးပေါင်းရင်းမြစ်များ

Luka 10:37

Mesene ia Kitumu uixi: Uoso ua mu kuatela o henda. Jezú anga u mu ambela, uixi: Eie ue ndé, kà bhange kienhókio.

Nzuá 13:34

Nga mi bhana kijila kiôbhe: Di zodienu mudienu. Kala kioso eme ki nga mi zola, enu uenu di zodienu mu dienu.

Efezo 4:31

Ni kulula kuoso, ni kunônga, ni kutema, ehenu-ku. Kana kukuata kuhoia-hoia, ni kulokalala. Kana kukala ni unguma.

Kolose 3:13

Mu di lendukile ni kudikuatekesa mudienu, mu di loloka, se bhuala muthu ua di kuata ni mukuá. Kala muthu a loloke mukuá kala kioso Nzambi kia mi loloka enu, kiene ue ki mu bhanga jinga.

I Nzuá 2:7

Enu akuetu, nga mi zola, kana kijila kia ubhe ki nga mi sonekena. Maji kiene o kijila kiòkulu ki muène na-kiu kiá tunde ku dimatekenu. O kijila kiòkulu, o maka ene u muʼèvua kiá.

I Nzuá 3:11

Mbata o Njimbu i muevu tundé ku dimatekenu ienhiʼii, kuila: Tu di zole mudietu.

I Nzuá 3:23

O kijila kiê kia tu tumu, kienhiki: Kuila tu xikane mu dijina dia Monʼê Jezú Kristu, tuixi ni kudizola mudietu, uila muène Kristu kia tu tumu.

I Nzuá 4:7

Enu akuetu, tu di zodienu mudietu, kuma o henda ia tunda kua Nzambi. Uoso u zola, muenhó muthu a mu vuala kua Nzambi, uejiia ue Nzambi.

II Nzuá 1:5

Kikiphe, nga ku bhingi, Ndona, kuila tu di zole mudietu. Kana kala nga ku sonekena kijila kiʼobhe, maji kiene kiá ki tuene na-kiu tunde ku dimatekenu, kia ku di zola mudietu.