I Nzuá 4:1 - O Mikanda Ikola

¹ Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.

I Nzuá 4:1 ပူးပေါင်းရင်းမြစ်များ

I Jisobha 13:18

Anga muene u mu ambela, uixi: Eme uami ngi polofeta ni mukuenu, anjo ia ngi tangela mu kizuelu kia Jihova, uixi: Mu vutule, uize-nê ku bhata dié, nda a die-ku kadikoka ni kunua-ku tumenha. Mbe-phe ua mu tangela makutu.

Jisabhu 14:15

Kilalu maka oso a zuela kuala athu, muene u a xikina; maji ió ua sunguluka-phe, u zonga kiambote kioso kienda.

Jelemiia 14:14

Jihova ua ngambela: O Jipolofeta a zambula makutu mu dijina diami; nuka nga a tumine; né ngó kuila nga a bhana ngonge, mba ku a zuelesa; a zambula kisuma kia makutu, muzambu ua kusuma kua ngó, ni ukumbu, ni mangonha ma funha ngó mu muẋima uâ, iene ima iala ku mi zambuila ene.

Jelemiia 23:16

Jihova dia Ilombo Ieta uambe kiki: Maka ma jipolofeta ki mu ma bhane mátui, oso ala ku zambula muʼaxaxi kenu, ala ku mi longa makutu; ala ku tanga kisuma maji kia tundu ku muẋima uâ-ene, ki kia tunduʼé mu kanu dia Jihova.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Marku 13:21

Kienhókio se ku kala muthu u ku ambela, uixi: Talesa, Kristu iú kunu! Mba: Tala, Kristu iú koko! Ku ki xikane.

Luka 12:57

Muène anga u a zuelela dingi, uixi: Enʼ uenu mudienu, kioso ki mu bhanga ima, ki mu tongoluela-hi ioso iaiuka?

Luka 21:8

Muène anga ua ambela, uixi: Alukenu, ka mi jimbidise. Mukonda a vulu a-ndu kuiza mu dijina diami, exi: Ememuène ngi Kristu, mba exi: Thembu ia zukama kiá. Enu kana-phe ku a kaiela!

Jipoxolo 17:11

Enʼiâ a beta ujitu, ka soko ni akua Tesalonika, kuma a tambulula o maka ni kutetuluka kuoso. Izuua ioso anga a kala mù tekula mu Madivulu ma Nzambi se o ima iii kia mu i tanga Phaulu, kiene ki ia tokala.

Jipoxolo 20:29

Mukonda ngejiia kuma, ki nganda kutunda-bhuʼ iki, kuanda kuiza jimbinji ji kaka mu ʼaxaxe kenu, ki ji kala ni henda ia kilunga.

I Kolindo 12:10

Sai ni iú Nzumbi Ikôla i mu bhana kutena kua kubhanga isumua; sai ni iú a mu bhana uanji ua kutala o Maka ma Nzambi. Sai ni iú a mu bhana o kutena kua kuijiia kutungula o uhete u tunda kua Nzumbi Ikôla, ni iú ki u tundu kua Muene. Sai iú a mu bhana kutena kua kuvula jimbimbi jengi ja kuzuela; sai iú a mu bhana o kutena kua kulombolola o jimbimbi jengi jenʼ iji.

I Kolindo 14:29

O ki bhu kala kiiadi mba kitatu a tambula maka kua Ngana Nzambi phala ku a tudila akuá, enʼ iâ a zuele, maji akuá a kale mù tongolola kioso kia mu zuela ene.

I Tesalonika 5:20

Kana kutenda o mizambu ia jipolofeta.

I Tesalonika 5:21

Tungulenu jinga o ima ioso, phala mu kuate-bhu ioso iauabha,

II Tesalonika 2:2

Ki mu kuate kulungujuka mu ixinganeku ienu, mba mu sasumuka se bhu kala muthu u mi ambela kuila o Kizuua kia Ngana kieza-bhu kiá. Sumba ima ienʼ iii a mi tangela-iu ku muthu uoso-uoso uene mù kola o Njimbu Iambote, mba a i tange kuala musésedi, mba a mi ambela kuila etu tua i soneka mu mukanda uosouoso.

I Timote 4:1

O Nzumbi ia Nzambi ua ki ambe ni kujimbuluka kuoso kuma, mu jithembu ja sukidila, sai athu a kà jimbila o kuxikana. A kà kaiela jinzumbi ji sendula, ni maulongelu ma madimonho.

II Timote 3:13

Maji athu aiibha-phe, akua makutu, jindunge jâ jiia ni ku di bandekeza, a nganala athu, maji ene uâ aia ni ku a nganala.

II Phetele 2:1

Mʼukulu ku mundu-phe kuejile jipolofeta ja makutu, uila kiki mudienu kuandú kala ue jimesene ja makutu. Jene ji mi zombela ni maulongelu mengi ma texikisa, katé ni Muadiʼâ ua a sumba a dituna-nê. O mu kubhanga kiki, a di bhekela kingûmba kialenguluka.

I Nzuá 2:18

Enu tuana tuami, kumbʼidi diene dia sukidila-ku. O ki muevuʼokio, kuila hinu kuiza Kristu ia makutu, kiene kiabhuʼiki. Kuma kiki kueza kiá jikristu javulu ja makutu, kiene ki tua kʼijidila kuila o kumbʼidi diene kiá dia sukidilaku, o dizubhilu dia zukama.

I Nzuá 2:7

Enu akuetu, nga mi zola, kana kijila kia ubhe ki nga mi sonekena. Maji kiene o kijila kiòkulu ki muène na-kiu kiá tunde ku dimatekenu. O kijila kiòkulu, o maka ene u muʼèvua kiá.

II Nzuá 1:7

Kuma mu ngongo mua tukuluka axombi avulu. Athu a kamba kufisala kuila Jezú Kristu uejile ni mukutu ua xitu. Muthu u bhanga kiki, muxombi, muenʼió Nguma ia Kristu.

III Nzuá 1:11

Kamba diami, mukuetu, kana kufikisa phulu, inda o kufikisa mbote. Uoso u bhanga mbote, muène mukua Nzambi; o uoso u bhanga phulu, ió kala kumona Nzambi.

Dijingunuinu 2:2

Nga ku ijiia ima i uene kubhanga. Nga ku ijiia ue o kukalakala kué ni kukolokota kué ku uene na-ku. Ngejiia ue kuma akua phulu kutena ku a ehela, o ió a dʼixana jipoxolo, manhi ene ki jipoxolo, eie ua a lola, ua a mono makutu.