I Nzuá 3:8 - O Mikanda Ikola

⁸ Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.

I Nzuá 3:8 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Izaía 27:1

Mu kizuua kienhókio, Jihova ua kà sunga xibhata iê ia kolo, iónene, ia nguzu, iene ia kà bhana na-iu o njumbu kua Leviatane, o kinhoka ki lenga lusolo, ni kua Leviatane, muene kinhoka kia di jinga lukata, anga o mudikixi uene muʼalunga ue, nʼa u jibhe.

Dialuilu 21:9

Mozé anga u iudika nhoka ia ngôndo, hé u i tudika ku muẋi; anga ki bhita muene; hé muthu a mu numata kuala nhoka, kia tala ku nhoka ia ngôndo, u bhuluka.

Matesu 12:28

O ki kala-phe ngi kaia madimonho mu nguzu ia Nzumbi ia Nzambi, ijiienu-kiu-phe kuma Utuminu ua Nzambi ua mi tukulukila.

Matesu 13:38

O díbhia mu ngongo ioso; jimbutu jambote, o anʼa Utuminu ua Nzambi; jimbundu ja iangu, o anʼa Dimonho.

Matesu 4:3

Diabhu, anga uiza, u mu ambela, uixi: Eie se u Monʼ a Nzambi, tuma matadiʼ ama ma kituke jimbolo.

Marku 1:24

Etu tua kuata-hi ni eie Ngana, u Jezú dia Nzalae? Kífua eie ueza ku tu muanga? Eme nga ku ijiia muene kiambote! Eie u Muthu Ukola a ku tumikisa kuala Nzambi.

Luka 10:18

Muène ua ambela uixi: Kiene muene! Eme nga muene Satana ua laúka ku diulu kala nzaji.

Nzuá 12:31

O kithangana kia kufundisa o mundu iú, kieza-bhu kiá. O sobha ia mundu iú a-nda ku mu kaia.

Nzuá 16:11

A bhambuka mù kuijiia ki kala o kufundisa, mukonda o sobha ia mundu iú a mu êlesa kiá.

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

Loma 16:20

O Nzambi, otho ia paze ietu, kindala uanda ku titidila Satana bhoxi dia inama ienu. O kiadi kia ngana ietu Jezú Kristu, ki kale ni enu oso.

Efezo 2:2

Mu thembuʼ omo enu muene mu mua kexile mù kuendela kala ki tuma ngana ioio iavu o utuminu uê mu dimbinza muene o nzumbi kindala iala moxi dia ana abhukumuka, a kamba kutumaka Nzambi.

Kolose 2:15

O jinguzu ja maukota ni maungana ji fudisa mu nzumbi, Kristu ua ji tolola, ku dikulusu diê. O maukota ni maungana enhó a fudisa mu nzumbi, iú ua a bhake mu kanga ni ku a tadika ku jisonhi kioso kia kola o kikoue ku dikulusu dienhodio, ni ku a bhanga jihutile jê.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Jihebeleu 2:14

O ana-phe, kala kia exana muène, a kala athu a nomona ku xitu ni manhinga. Uila kiki, Jezú muène ua di bhange kala ene, mu kutambula o kidifuanganu kia muthu, phala mu kubhita ni kalunga a tene kutolola ió uoso ua kuata o nguzu ia kalunga, muène Diabhu.

Jihebeleu 9:26

Hé kiene, hinu ueji ku tona jinga luavulu o kutala hadi tundé ku dimatekenu dia ʼxi. Maji inda o muène ua tukuluka lumoxi-elêle kunu kua suku o jithembu, phala kukatula o ituxi ni sata ia mukutu uê muène.

II Phetele 2:4

Kuma Nzambi kia kambele kuehela ji-anju ja tele kituxi, maji ua ji kaiesa katé mu ifernu, iú ua ji kuikila ku malubhambu mu makungu ma usuku katé bhu kizuua kia kufundisa.

I Nzuá 1:2

O muenhu uenhú kioso ki ua tukuluka, etu tua u mona. Kiene kia tu bhekela o ku u bhela umbangi, etu tua mi tudila o Njimbu iê kuila o Muenhu ki Uàbhua, ua kexile kua Tata, kiki ua tu tukulukila.

I Nzuá 3:10

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.

I Nzuá 3:5

Enu-phe mua kʼijiia kuila Kristu ua tukulukile mu kubhuisaku o ituxi ietu, maji o muène ka moneka kituxi.

I Nzuá 5:19

Tua kʼijiia kuma etu tua tokala Nzambi, maji o mundu uoso-phe ua zeka mua Kadiaphemba ió mukua kutondalesa.

Juda 1:6

Xinganekenu ue kuila ni ji-anju ja kambele kubhaka o ukota uâ, ja xi o kididi kia a tokala, Nzambi ua ji kuika bhoxi dia usuku, ku malubhambu ma kolela-ku katé bhu kufundisa kua Kizuua kiná kia dikota.

Dijingunuinu 20:10

Bhenhobho, o Diabhu ua a bhombo, a mu takuila ue mu kizanga kia túbhia ni xofidi, mu ala kiá o kiama a mu takuila momo kumoxi ni polofeta ia makutu. Enhá à kala muenhomo, mu ku a tatesa usuku ni muanha, mu mivu ni mivu sè dizubhilu.

Dijingunuinu 20:15

Uoso a mu mono, ua kambe ku mu soneka mu divulu dia muenhu, a mu takula ue mu kizanga kia túbhia.