I Nzuá 3:5 - O Mikanda Ikola

⁵ Enu-phe mua kʼijiia kuila Kristu ua tukulukile mu kubhuisaku o ituxi ietu, maji o muène ka moneka kituxi.

I Nzuá 3:5 ပူးပေါင်းရင်းမြစ်များ

Hozeia 14:2

Endenu ni ku di tela mudienu maka a kudiela, phala mu vutuke kua Jihova. Ngana mu tangedienu, kuila: Tu loloke o ikuma ietu ioso, u tu tambulule; bhu kididi kia ku ku satela tungombe, xikina, Ngana, o sata ia ujitu i tunda ku mizumbu ietu, kuma diene dibhôko di tua ku tela.

Matesu 1:21

Muène uanda kuvuala mona ua diiala, eie u mu luka dijina dia Jezú, mbata muène ua kà bhulula athuʼê ku ituxi iâ.

Luka 23:41

Etu mu kidi, o hadi ietu ia tu tokala muene, mukonda a tu bhange kia fuama mu ikuma ietu, muthu iú-phe, ka bha nge kima kiaiibha!

Luka 23:47

Kabhitangu ka kilômbo kia akua Loma, kia mono kioso kia bhiti, ua ximana Nzambi, uixi: Kidi kiene, muenhú ua kexi muthu uaiuka.

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Nzuá 1:31

Eme ue ki ngi mu ijidile, maji ngeza mù batizala ni menha phala muène a tukuluke ni a mu ijiie mu Izalaiele.

Nzuá 14:30

Ki ku ngi xala dingi kuzuela kithangana kiavulu ni enu, kuma o sobha ia mu tumina mu ngongʼ umu iu bhixila kiá; muene-phe ka ngi lende ni kima.

Nzuá 8:46

Mukua-hi mudienu u tena kuidikisa ngó kituxi kiami kimoxi? Se nga mu zuela kidi, mua kambela-hi ku ngi xikana?

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

I Timote 1:15

O ulongelu iú uene ua kidi, ua tokala ku u xikana ni ku u tambulula ni muẋima uoso, kuila: Jezú Kristu uejile mu ngongo mu kubhulula akua ituxi. O ku akua ituxi oso eme ngi kota,

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Jihebeleu 4:15

O Nganga ietu ia Dikota u tena kuivua o malamba metu. Mukonda o Nganga ia Dikota muenʼiú, a mu thendalele mu ima ioso kala etu-ene, maji sé ngó ku ta kituxi.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

Jihebeleu 9:26

Hé kiene, hinu ueji ku tona jinga luavulu o kutala hadi tundé ku dimatekenu dia ʼxi. Maji inda o muène ua tukuluka lumoxi-elêle kunu kua suku o jithembu, phala kukatula o ituxi ni sata ia mukutu uê muène.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

I Phetele 1:18

Kuma enu mua kʼijiia kuila a mi kula ku muenhu uenu ua usemenhi, u mua tambula ku jitata jenu, kana mu itadi i di bota, ia phalata ni ulu,

I Phetele 1:20

Muène kidi a mu sola kuala Nzambi mʼukulu munhá, oxi kiluua i kala ni dimatekenu diê, maji ua tukulukila kiá ku dizubhilu dia jithembu kunu, mukonda dia mulonga uenu.

I Phetele 2:22

Muène muthu ka tele kituxi, mu kanu diê ki mua monekene makutu.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.

I Nzuá 1:2

O muenhu uenhú kioso ki ua tukuluka, etu tua u mona. Kiene kia tu bhekela o ku u bhela umbangi, etu tua mi tudila o Njimbu iê kuila o Muenhu ki Uàbhua, ua kexile kua Tata, kiki ua tu tukulukila.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.

I Nzuá 2:1

Tuana tuami, tata, nga mi sonekena imʼiii phala ki mu te ituxi. Se bhu kala muthu-phe u ta kituxi, sai Mubhângedi uetu kua Tata, Jezú Kristu, Muthu ua kuiuka.

I Nzuá 2:2

Mukonda Jezú Kristu, muène kiluuluilu kia ituxi ietu. O ietu-etu ngó ki iene, maji ue ni ia mundu uoso.

I Nzuá 2:29

O kiedi muene Kristu mua mu ijiia kuma muthu uaiuka, mu kʼijiia ue kuma uoso u bhanga ima iaiuka, muène muthu a mu vuala kua Nzambi.

I Nzuá 3:8

Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,