I Nzuá 3:23 - O Mikanda Ikola

²³ O kijila kiê kia tu tumu, kienhiki: Kuila tu xikane mu dijina dia Monʼê Jezú Kristu, tuixi ni kudizola mudietu, uila muène Kristu kia tu tumu.

I Nzuá 3:23 ပူးပေါင်းရင်းမြစ်များ

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Matesu 22:39

Kia kaiadi kia difuê ngó ni kia dianga, kiki: Zola mukuenu kala ki ua di zola eie-muène.

Marku 9:7

Anga kuiza dituta, dia a vungina ene oso; mu dituta anga mu tunda dízui, dʼixi: Muenhu Monʼami nga mu zola! Muene mu mu ívua.

Nzuá 1:12

Maji amoxi-mu a mu tambulula, ia a xikana dijina diê; enhá Nzambi ua a bhana o kutena kua kukala anʼê.

Nzuá 13:34

Nga mi bhana kijila kiôbhe: Di zodienu mudienu. Kala kioso eme ki nga mi zola, enu uenu di zodienu mu dienu.

Nzuá 14:1

Muẋima Ki u mi titile, anga mu tandanganha ni malamba. Dielelenu Nzambi; eme uami ngi dielelienu.

Nzuá 15:12

Kijila kiami ki nga mi bhana kienhiki: Di zodienu mudienu, kala ki nga mi zola eme.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Nzuá 2:23

Kienhókio Jezú kioso kia kala mu Jeluzaleme, mu fesa ia Phasu, athu avulu a xikana dijina diê, mu kumona o mediuanu-mê mala kubhanga.

Nzuá 3:18

Uoso u xikana o Mona, kʼ êla. Maji uoso ua kambe o ku mu xikana, uêle kiá, mukonda ka xikana o Mona umoxi-èlele ua Nzambi.

Nzuá 6:29

Kuala Jezú: O kikalakalu kia Nzambi kienhiki, kuila mu xikana ió uoso muène ua mu tumu.

Jipoxolo 16:31

Kuala ene: Xikana Ngana Jezú, nda u bhuluke, ni eie ni mbèle ié.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

I Tesalonika 4:9

O kia kukala ni henda ia jiphange a xikana, ki mu bhingi ngó muthu ku mi sonekena-kiu. Mbata enʼuenu mua di longo kiá kua Nzambi o ku di zola mudienu.

I Timote 1:15

O ulongelu iú uene ua kidi, ua tokala ku u xikana ni ku u tambulula ni muẋima uoso, kuila: Jezú Kristu uejile mu ngongo mu kubhulula akua ituxi. O ku akua ituxi oso eme ngi kota,

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

I Phetele 4:8

Mu ima ioso kotʼèlele o henda ienu mudienu i fulujuke, kuma henda i sueka nzungule ia ituxi.

I Nzuá 2:7

Enu akuetu, nga mi zola, kana kijila kia ubhe ki nga mi sonekena. Maji kiene o kijila kiòkulu ki muène na-kiu kiá tunde ku dimatekenu. O kijila kiòkulu, o maka ene u muʼèvua kiá.

I Nzuá 3:11

Mbata o Njimbu i muevu tundé ku dimatekenu ienhiʼii, kuila: Tu di zole mudietu.

I Nzuá 4:15

Uoso u tanga kuila Jezú Kristu muène Monʼa Nzambi, muthu ió Nzambi ua tungu mua muène, ni muène mua Nzambi.

I Nzuá 4:21

Kijilʼiki tua ki tambula kua Kristu muène, kuma: Uoso ua zolo Nzambi, a zole ue phangʼiê.

I Nzuá 5:13

Imʼiii nga mi sonekena-iu, phala mu kʼijiie kuila muala ni muenhu ki uàbhua, enu oso mua xikana mu dijina dia Monʼa Nzambi.