I Nzuá 3:21 - O Mikanda Ikola

²¹ Kala kiki, enu akuetu nga mi zola, se muẋima uetu u kamba ku tu êlesa, tu bhua uôma bhu pholo ia Nzambi.

I Nzuá 3:21 ပူးပေါင်းရင်းမြစ်များ

Jobe 22:26

Mbata ua kà tanena mua Muteni-a-Ioso, ua kà zangumuna pholo ié kua Nzambi.

Jobe 27:6

O kuiuka kuami ngi ku naminina muene, ki nga-nda ku kueha, kana; mbata o muẋima uami ki ua mu ngʼelesa ngó kizuua kimoxi kioso-kioso kia muenhu uami.

Jisálamu 101:2

Ngi sota kuenda jinga ni kilunji mu njila iaiuka; nga ku indi kiavulu, u ngi sanga kumbi kuẋi bhu ngala? Ngenda jinga monzo iami ni muẋima ua ujitu.

Loma 14:22

Kala kiki, o kuxikana kuoso ku uala na-ku, ku kale ku muẋima ué eie-muène ngó ni Nzambi. Muthu ió ua zediua, uoso muẋima uê ki u mu belêsa, mu kubhanga kia fika muène kuila kiauabha!

I Kolindo 4:4

Kuma ki ngejiia kikuma ki ngala na-kiu. Maji ki bhene ngó bhu ngi lungila. U ngi tokuesa muène Ngana.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

Efezo 3:12

O mu kuongama kuetu ni Kristu, mua muène tua-bhu o uôma, kuma tua tambula disesa dia kubhiẋila bhu pholo ia Nzambi, mukonda dia ku mu xikana.

I Timote 2:8

Uila kiki, nga mesena kuila athu oso a di bhakula kua Ngana Nzambi, a sambe jinge ku ididi ioso, o mu kusamba a tena kuleka o maku mazele sè kizembu sè jimvunda.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

Jihebeleu 4:16

Uila kiki, tu bhiẋidienu bhu kiandu kia kiadi sé hele, phala Nzambi a tu kuatele henda. Bhenhobho tua kà tambula o kiadi ki tena ku tu bhandulula mu kumbi dia kubhondalala.

I Nzuá 2:28

Xi! Kiki-phe, tuana tuami, jijilenu o kukala mu ukamba ni Kristu, phala se uedi u tukuluka, tu bhue uôma. Mbé ki tu kale ni jisonhi bhu pholo iê, hé tuà ka bhindamena kudisueka bhu Kizuua bhuoso muène bhua kà tukulukila.

I Nzuá 2:7

Enu akuetu, nga mi zola, kana kijila kia ubhe ki nga mi sonekena. Maji kiene o kijila kiòkulu ki muène na-kiu kiá tunde ku dimatekenu. O kijila kiòkulu, o maka ene u muʼèvua kiá.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

I Nzuá 3:20

Mukonda o muẋima uetu se ua tu êlesa, tuejiia kuma Nzambi uala kota o muẋima uetu ndenge, kuma Muène uejiia o ima ioso.

I Nzuá 4:17

O henda iatenena mo muetu se tuala naiu ia soko, i bhuisa uôma mu Kizuua kia kufundisa. Mukonda kioso ki ala muène Kristu, etu ue kiene ki tuala mu ngongʼumu.

I Nzuá 5:14

Kuene kubhua uôma ku tuala na-ku bhu pholo ia Nzambi, kuma kima kioso ki tu mu bhinga, se kia xikina mu vondadi iê, muène u tu ivua.