I Nzuá 3:2 - O Mikanda Ikola

² Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

I Nzuá 3:2 ပူးပေါင်းရင်းမြစ်များ

Jobe 19:26

O kioso hádia kikonda kiami ki kia kà zubha o kudiua, hanji mu jixitu jami Nzambi nga kà mu mona mesu.

Jisálamu 16:11

Eie u ngʼidikiza njila i bheka kuala muenhu, kuala kusanguluka kua mbote bhu pholo ié; o ku lukuaku lué lua kúdia sai-ku ima ia vondadi ki i kumu dingi.

Jisálamu 17:15

Eme-phe nginda ngi mona pholo ié ni kulúnga; muẋima u ngi zela, hinu ki ngi phaphumuka, mu kutala o kidifanganu kié.

Jisálamu 31:19

Jimbote jé kuvula kuahi, Ngana! Ji ua lundila oso a ku kala ni uoma; ji u bhanga jinga athu oso a lengela ko kué, bhu pholo muene ia anʼaathu mu ngongo!

Izaía 56:5

Eme ue mʼonzo iami ni mu malumbu mami nga kà a bhana-mu kididi, ni dijina dia tundu o dijina dia ana a mala ni anʼa ahatu; dijina dinanga, diene di ngʼa bhana kala muthu mudiâ; o dienhidi ki dia kà bhua-ku dingi.

Malakiia 3:2

Maji nanhi ua kà kolokota bhu kizuua kia kuiza kuê? Mba nanhi ua kʼèmana-bhu kioso muene kia kà tukuluka? Mukonda muene ua kà kala mukuâ ni túbhia tua musudi-a-thumba; ua kà di fuangana kala nzabá ia musukudi.

Matesu 5:8

Azediua a zela o muẋima, ene à mona Nzambi.

Luka 17:30

Kiene kimoxi kia kà bhita mu kizuua ki tukuluka o Monʼa Muthu.

Luka 20:36

Ka tena dingi ue kúfua, a kà kala mukuâ ni ji-anju. A kala anʼa Nzambi, mukonda anʼ a difukunukinu.

Nzuá 1:12

Maji amoxi-mu a mu tambulula, ia a xikana dijina diê; enhá Nzambi ua a bhana o kutena kua kukala anʼê.

Nzuá 11:52

Kienhiki o muiji ió ue ki uene ngó ua fuila, maji uà fuila kubhongolola kumoxi anʼ a Nzambi oso a di muangena ku makanga.

Nzuá 17:24

Tata iami! Nga mesena enhó oso ua ngi bhana-nâ, a kale ni eme koko kuoso ku ngà kala. Nga mesena kuila a mone kijingu kiami ki ua ngi bhana, kuma eie ua ngi zola tunde ʼbhuoso bhaná, mu ngongo kiluua mu kala dimatekenu diê.

Loma 8:16

O Nzumbi ia Nzambi muene u bhana umbangi ni nzumbi jetu, kuma tuala tu anʼa Nzambi.

Loma 8:18

Kuma eme nga xinganeka kuamba o jihadi ja thembu ia kindala ji tua mu bhita na-ju mu ngongʼ umu, ki ji fuama ku ji fikisa ni fuma ioio hadia ia kà tu tukulukila.

Loma 8:19

Kuma o ibhangelu ioso ia xibhidila ni ku kinga o kithangana kia kutukuluka kua anʼ a Nzambi.

Loma 8:29

Kuma oso Nzambi a diangele ku ejiia, ua a tungula ukulu, phala a kituke mu kidifua kia Monʼ ê. Muène ua bange kieniiki phala o Mona nʼ a kale thungunu mu jiphange javulu.

I Kolindo 13:12

Ki tualʼ iki tu muena mu lumuenu lua fefetela, maji kithanganʼ okio-phe tua kà mona pholo ni pholo. Kiki ngejiia ngó mbandu, kienhokio-phe nga kèjiia kiambote, uila eme-muène ki a ngʼ ijiia kuala Nzambi.

I Kolindo 15:49

Mukuâ ni ki tua di fuangana ni muthu ió a mu bhangele ni mavu ma bhoxi, kiene ue ki tua kà di fuangana ni Muthu ió mukua diulu.

I Kolindo 2:9

Uila kiki-phe, kia ki soneka mu Mikanda Ikôla, exi: Ima kiluua mesu a i mona, kiluua matui a ʼivua, Kiluua ngó muẋima ua muthu u i fika kuila hadia i bhita, Iene ima ia iudika Nzambi mu ku i bhana oso a mu zola.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

Ngalásia 3:26

Mukonda enu oso mua di bhange mu anʼ a Nzambi, mu kuxikana Kristu Jezú.

Ngalásia 4:6

O mu kuidikiza kuila tuala tu anʼê, Nzambi ua tumikisa Nzumbi ia Monʼ ê mu miẋima ietu, o Nzumbi i tena kudikola: Abha, Tata!

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.

Kolose 3:4

Kristu muene uala muenhu uetu ua kidi, o kia kà tukuluka, enu uenu mua kà tukuluka kumoxi ni muène ku fuma.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

II Phetele 1:4

Kiene kia mu bhangesa ku tu bhana jipolomesa jê jakulu kinéne ja ujitu. Muène ua bhange kiki phala ku jipolomesʼiji, ja ujitu, tu nomone ku kidifanganu kiê kia unzambi, mbe se tueji ku di bhala kiá mu kubola kuene ku mundu mukonda dia jihânji jaiibha, tu tene kubhulaka.

I Nzuá 2:28

Xi! Kiki-phe, tuana tuami, jijilenu o kukala mu ukamba ni Kristu, phala se uedi u tukuluka, tu bhue uôma. Mbé ki tu kale ni jisonhi bhu pholo iê, hé tuà ka bhindamena kudisueka bhu Kizuua bhuoso muène bhua kà tukulukila.

I Nzuá 2:7

Enu akuetu, nga mi zola, kana kijila kia ubhe ki nga mi sonekena. Maji kiene o kijila kiòkulu ki muène na-kiu kiá tunde ku dimatekenu. O kijila kiòkulu, o maka ene u muʼèvua kiá.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.

I Nzuá 3:10

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.

I Nzuá 3:21

Kala kiki, enu akuetu nga mi zola, se muẋima uetu u kamba ku tu êlesa, tu bhua uôma bhu pholo ia Nzambi.

I Nzuá 5:1

Uoso u xikana kuma Jezú muène Kristu ió muthu a mu vuala kua Nzambi. Uoso-phe u zola o tata ua vuala, u zola ue ni mona a mu vuala kuala o tata ienhoio.

Dijingunuinu 2:28

Ngi mu bhana théthembua ia kimene.

Dijingunuinu 22:4

Ene a kà kala mu ku mu mona jinga o pholo iê, o dijina diê a kà kala na-diu diòsoneke bhu mabhômo mâ.