I Nzuá 3:17 - O Mikanda Ikola

¹⁷ Muthu uoso-phe ua kuata o jimbongo ja mu ngongʼumu, anga u talesa phangʼiê ua bhindama, maji u mu kolela muẋima, muthu ió u tanga kiebhi kuila ua zolo Nzambi?

I Nzuá 3:17 ပူးပေါင်းရင်းမြစ်များ

Jisabhu 12:10

Muiuki uinga o muenhu ua ibhaku iê; maji o muẋima ua athu abhumu-phe, uezala usuéia.

Jisabhu 14:31

Uoso u sondemeka o ngadiama, uala kulokalala Mubhangi uê; uoso-phe u bindumina o hukunhu, ua jingisa uoso ua mu bhanga.

Jisabhu 19:17

Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

Jisabhu 21:13

Uoso u xita o mȧtui mê ki dikola ngadiama, muene ue hinu u dikola, maji ka-nda ku mu ivua.

Jisabhu 28:9

Uoso o mátui mê u ma landukisa, nguaiê kubatekela mu kuividila o ngonge, katé ngó ni musambu uê, u kituka kisunji kiaiibha kua Ngana!

Luka 3:11

Muène uenda ni ku a vutuila, uixi: Uoso uala ni izuatu iiadi, a uane ni mukuâ uoso uala ni tuẋi. O uoso uala ni kúdia, a bhange kiòmuene.

II Kolindo 8:9

Kuma o henda ia dikota ia Ngana ietu Jezú Kristu mua ijiia; sumbala muène ua kexile mvuama, ua di bhangele-phe ngadiama, mukonda dienu, phala enu ku uadiama uê mu mone o umvuama.

Jihebeleu 13:16

O kubhanga o mbote ni ku di bhindumuna mudienu ki ku mi jimbe, mukonda ilumbu kala iii Nzambi ia mu uabhela kiavulu.

Tiiaku 2:15

Mukonda se bhu kala phange ienu ia diiala mba ia muhatu, uala ni tuẋi, mba ua kambe kùdia kuê kua lelu,

Tiiaku 2:16

enu-phe bhu kala muthu u a ambela, uixi: Sulukenu ni paze, Nzambi a mi kuatekese, mu di fute, mu ikute, maji o ima-phe ia bhindamena ku mikutu iâ, ki mua a bhana-iu! Kienhoko, ki sedivila-hi?

I Nzuá 4:20

Muthu se uedi: Nga zolo Nzambi, hé u kala-phe mu zemba phangʼiê, muène mukua makutu. Kuma uoso u kamba kuzola phangʼiê, ua mu mono ni mesu, ka tena kuzola Nzambi kiluua a mu mona.

I Nzuá 5:1

Uoso u xikana kuma Jezú muène Kristu ió muthu a mu vuala kua Nzambi. Uoso-phe u zola o tata ua vuala, u zola ue ni mona a mu vuala kuala o tata ienhoio.