I Nzuá 3:15 - O Mikanda Ikola

¹⁵ Muthu uoso u zemba phangʼiê, kijibhangânga. Enu mua kʼijiia-phe kuma, kana kijibhangânga uala ni muenhu ki uàbhua, ua mu tungu moxi diê.

I Nzuá 3:15 ပူးပေါင်းရင်းမြစ်များ

Dimatekenu 27:41

Izaú anga u zemba Jakobo, mukonda dia dibesá diodio dia mu zediuisa na-diu tatʼâ; Izaú anga u amba ku muxima uê, uixi: Izuua ia thambi ia phaietu ia zukama; phange iami Jakobo, kiene kiua ki ngi mu jibha.

Matesu 5:28

Eme-phe ngi mi ambela kuma: Uoso ngó u tonginina muhatu ni ku mu kuatela luimbi, uatenê kiá phànda ku muẋima uê.

Marku 6:19

Helodiia anga u mu kuatela luma, u mesena ku mu jibha, maji ka tenene ku ki bhanga.

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

Jipoxolo 23:12

Ki kuakie-phe, Jijudé ja di kase, anga a ta kikutu kia kudilokela ni mázui, exi: Ki tudi, ki tunu, katé tua jibha Phaulu.

Jipoxolo 23:14

Ene anga a bhixila ku jinganga ja makota ni adiakime, exi: Etu tua di kutu ni mazui mavulu, kuila ki tudi, ki tunu, katé tua jibha Phaulu.

Matendelelu 19:11

Maji o muthu-phe se u kanena mukuá mukonda dia ku mu zemba, hé u mu bhanga kudimuka anga u mu kitukila ni a mu jibhe, anga u lengela mu mbonge imoxi ia kukondamena, ku jimbongʼiji.

Tiiaku 1:15

Kienhiki, o hânji iaiibha ienhiʼii, ki i zubha o kuimita, i vuala kituxi. O kituxi kʼila kiza ku kitala, ki vuala kalunga.

I Phetele 1:23

Mbata enu, mukonda dia maka ma Nzambi, ma xalela-ku, muala ni muenhu, muala mu athu a mi vuala dingi, kana ku mbutu ia kumbama ia jitata ji fua, maji ku mbutu ia disanze, ia Tata, ki itena dingi kufua.

I Nzuá 2:11

O uoso-phe u zemba phangʼiê, uala mua vundu, uenda mu kitombe, kejiia kuoso ku a di tela, mukonda o usuku ua mu fuisa o mesu.

I Nzuá 2:9

Uoso uambe kuma uala mu mukengeji, anga u kala mu zemba phangʼiê, iú-é hanji mua vundu katé ni lelu.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.