I Nzuá 3:13 - O Mikanda Ikola

¹³ Ki mu di uane-kiu, enu phange jami, se mundu ua mi zembe.

I Nzuá 3:13 ပူးပေါင်းရင်းမြစ်များ

Jisabhu 29:27

Muthu ua bhumu, o mukua mangonha, u di bhanga kisunji phala athu aiuka; o mukua mauendelu ma kidi ue, u di bhanga kisunji phala muthu ua bhumu.

Ndongixi 5:8

Se u mona mu ixi o jingadiama a ji tatesa, o kusuína anga kukala bhu kididi kia kufundisa ni kubatuila o milonga, eie-phe kienhókio ku di uanekiu; mukonda muthu né uala ditala dionéne, sai-ku ue a mu tundu, o ió uâ sai-ku dingi a beta, a a tundu ue ene. Maji sai-ku Umoxi ngó ua tundu enhoso, ua-lu tumina mu ngongo ioso.

Matesu 10:22

Enu a kà mi zemba kuala athu oso mukonda dia dijina diami. Uoso-phe u kolokota katè bhu dizubhilu, muène uà bhuluka.

Matesu 24:9

Kienhókio, a kà mi bhakula mu ku mi talesa hadi, ni ku mi èlesa, ni ku mi jibha. A kà mi zemba kuala akua jixi joso mukonda dia dijina diami.

Marku 13:13

A ka mi zemba kuala athu oso, mukonda dia dijina diami. Maji uoso-phe u kolokota kate bhu dizubhilu, muene u bhuluka.

Luka 21:17

Athu oso muene a-nda ku mi zemba, mukonda diami.

Luka 6:22

Mua zediua, athu se a mi zembe, a mi katula mu ukamba uâ, a mi lebhula, a mi texi dijina dienu kuma exi mu athu aiibha, mukonda dia Monʼa Muthu.

Nzuá 16:2

Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Nzuá 17:14

Nga a bhana o maka mé. O mundu-phe ua a zembe, mukonda ene ka tokala mu mundu, mukuâ ni eme ki ngi tokala-mu.

Nzuá 3:7

Uila kiki ku diuane mukonda nga ku ambela ngixi: Enuʼoso mua bhingi ku mi vuala dingi.

Nzuá 7:7

Mundu ki u tena ku mi zemba enu, maji ua ngi zembe eme, mukonda ngi mbangi, ngixi ikalakalu iâ iaiibha.

Jipoxolo 3:12

O Phetele kia ki mono, ua kumbulula o mundu, uixi: Enu akua Izalaiele, tata, mua di uanena-hi muthu iu? Mba mu tu tonginina-hi kiki ni mesu? Enu mua fika kuila etʼuene mu nguzu ietu, mba mu ujitu ua kuzela kuetu etʼuene mu tua mu bhangesa o kuenda?

Loma 8:7

Uila kiki, o muthu u di zemba ni Nzambi, kioso o kilunji kiê kia kala mù ki tumina kuala o kikexilu kia xitu. Mukonda ka xikina kubelesela Kitumu kia Nzambi, ni kidi muène, ka tena ku ki belesela.

II Timote 3:12

Kiene muene! Ene oso kiá a sola kuenda mu ukidistá kala ki andala Nzambi mua Kristu Jezú, andù tala hadi ni ku a zukutisa!

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

Dijingunuinu 17:7

Bhenhobho kuala anju, uixi: Ua di uanena-hi kiosuʼiki? Eme nga-nda ku ku tangela o dijimbuluilu dia kisuma kia muhatu iú, ni kiama kia mu ambata, kiala ni sambuadi dia mútue, ni kuinhi dia lumbinga.