I Nzuá 3:12 - O Mikanda Ikola

¹² Ki tu sokele ni Kaini ua tokalele kua Diabhu mukua kutondalesa, anga u jibha phangʼiê. Mukonda diahi kia mu jibha? Mukonda o Kaini imbamba iê ia bhangele iaiibha, o ia phangʼiê Abele iaiuka.

I Nzuá 3:12 ပူးပေါင်းရင်းမြစ်များ

Dimatekenu 4:25

Adá anga u tona dingi kuijiia mukajiʼê; anga u vuala monʼa diiala, u mu luka dijina dia Sethe; kuma uambe, uixi: Mbutu ia mukuá ia ngi bhana Nzambi, bhu kididi kia Abele, kuma a mu jibha kuala Kaini.

II Samuuele 13:22

Abisalone-phe ka kumuna ue kima kua Aminone, né kuâmba kizuelu kiauabha mba kiaiibha; kuma Abisolone uala kiá ni kizembu kia Aminone, mukonda ndengʼiê Tamala ua mu bhange ufusa mu kusuina.

Jisálamu 37:12

Mukua phulu u kanena ió mukua kidi; u mu kokotela muene ku mazu.

Jisálamu 38:20

Ni ió akua kubhanga phulu kua mukuâ ua a bhange mbote, a ngi zembe uâ, mukonda eme nga solo kubhanga o mbote.

Jisabhu 27:4

Njinda kifumbe, o kuthathamana ku bhanga kiaiibha; maji nanhi u tena ku di fikidila bhuala o difuba?

Jisabhu 29:10

Ifumbe, muthu mukua muẋima uemana nzánza, a mu kuatela luma; maji athu aiuka-phe, a sota ku mu langa o muenhu uê, ni ku mu bhanga o mbote.

Jisabhu 29:27

Muthu ua bhumu, o mukua mangonha, u di bhanga kisunji phala athu aiuka; o mukua mauendelu ma kidi ue, u di bhanga kisunji phala muthu ua bhumu.

Matesu 13:19

kʼivua muthu uoso o maka ma Utuminu ua Nzambi, anga u tokoka ku a ejiia, bhenhobho Dimonho diza di sumbununa ioso ia kuuile mu muẋima uê. Muenhú a mu kuua bhu mbanduʼ a njila.

Matesu 13:38

O díbhia mu ngongo ioso; jimbutu jambote, o anʼa Utuminu ua Nzambi; jimbundu ja iangu, o anʼa Dimonho.

Matesu 23:35

Phala o manhinga moso ma athu aiuka ma dizunza mu ngongo ni ma kèza ku thandu dienu, tunde ku manhinga ma Abele, o muthu uaiuka, katé ku manhinga ma Zakadiia, monʼa Balakiia, mua mu jibhila bhu kaxi dia kididi kikôla ni kalatódio.

Matesu 27:23

Kuala muène: Phala-hi? Muène ua te kituxi kiahi? Ene-phe a di kola dingi kiavulu, exi: A mu phaphele ku dikulusu!

Matesu 5:37

O kudikunda kuenu-phe ku kale kua kuila: Kiene, kiene; kana, kana; kioso ki di bandekeza kuku, kima kia tundu ku Dimonho.

Luka 11:51

Tunde ku manhinga ma kúfua kua Abele, katé ku manhinga ma Zakadiia ua fidile bhu ʼaxaxe ka kalatódio ni Kididi Kikôla kia Tembulu. Xí, ngi mi ambela muene kuma manhinga mene moso a-nda ku ma bhela kaxtiku ku muiji ua lelu uenhú.

Nzuá 10:32

Jezú-phe, uixi: Ikalakalu iambote i nga bhange iavulu, i nga mʼ idikiza, ia ngi tumu Tata kubhanga. Ku ikalakalu iíi, kikalakalu kuẋi ki mu ngi jibhila ni matadi?

Nzuá 8:40

Kiki-phe mua bhindamena ku ngi jibha, eme nga mi ambela o kidi ki ngevu kua Nzambi. Mbalahamu ka bhangele kima kia difu kala kiki!

Nzuá 8:41

Enu mua mu bhanga o ikalakalu ia tatʼ enu. Exi: Etu ki tuala tu anʼ a undumbu, kana! Tuala ni tata iumoxi ngó, muene Nzambi.

Jipoxolo 7:52

Polofeta kuẋi jitata jenu ja kambele ku mu zukutisa? Ene a jibha jinga o akunji a Nzambi, ió oso a tuamene kuidikiza mʼ ukulu kianda kuiza o Muthu Uaiuka. O Muène kiki enu mua mu bhakula, enu mua mu jibha; mu ijibhanganga iê.

I Tesalonika 2:14

Kuma enu, jiphange, o kia mi bhiti enu, kiene kia bhiti ku akua Judeia. Enu mua bokona mù fikisa o Jingeleja ja Nzambi ku Judeia, mua Kristu Jezú. Mukonda mua tale jihadi jene jimoxi, ni ku mi zukutusa ku akua ʼxi ienu, kala ja tale ene ku Jijudé.

Jihebeleu 11:4

Kiejila mu kuxikana, Abele kia bhakuile kua Nzambi o sata ia beta ujitu, ki i soko ni ia Kaini. O mu kuxikana anga u tambula umbangi ua kuiuka kuê, kuma Nzambi muène ua mu bhela umbangi mukonda dia maujitu mê. O mu kuxikana kuê, Abele sumbala uafua, hanji iú zuela.

Jihebeleu 12:24

Mueza kua Jezú, ua bhange o kikutu kiobhe, iú ua sangela o manhinga ma jimbulula o ima ia beta kuuabha, ki ma soko ni manhinga ma Abele.

I Phetele 4:4

O kiki-phe akua mundu a mi diuana, hé a kala mu ku mi tobhesa ni ku mi lebhula, kioso enu ki mu kamba kudibunda-nâ mu muenhu uâ ua ufusa ni kudianguka.

I Nzuá 3:8

Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.

Juda 1:11

Lamba diâ! Kuma a kaiela mu njila ia Kaini! Mukonda dia luimbi lua kitadi, a texikila mu kutondala kua Balamu, ua bhindamenéne o nganhu! A buikila mu kuxibhaka kala Kola kia xibhakele iú ua buika.

Dijingunuinu 17:6

Anga ngi mona kuila o muhatu muenhú ua kodiua ni manhinga ma akua-Ngana Nzambi, ni manhinga ma ió a a jibha mukonda a kexile jifiiele jangene ja Jezú. O ki nga zubha ku mu mona, nga diuana kidiuanau kia dikota!