I Nzuá 2:4 - O Mikanda Ikola

⁴ Uoso uambe uixi: Nzambi nga mu ijiia, nʼa kambe kualuka o ijila iê, mukua makutu, kala ni kidi moxi diê.

I Nzuá 2:4 ပူးပေါင်းရင်းမြစ်များ

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

Tito 1:10

Kuma ku Jijudé sai-ku athu avulu a baluka, ala jisemenhi ja kuzuela, akua ku di nganala ni kutobhesa dingi athu avulu mu uoua uâ.

Tito 1:16

Amba, exi, Nzambi tua mu ijiia; maji a mu dituna mu imbamba iâ ia bhanga. Ala ifusa, a xibhaki, imbamba ioso ia mbote a i tokoka.

I Nzuá 1:10

Se tuedi tuixi ituxi ki tuala na-iu, Nzambi tua mu kuatesa makutu, o maka mê kala moxi dietu.

I Nzuá 1:6

Kala kiki, se tuambe kuma tuala mu ukamba ni Nzambi, anga tu enda mua vundu, tua tange makutu, ki tuala kubhanga imbamba ia kidi.

I Nzuá 1:8

Se tuedi tuixi ki tu moneka ituxi, tua di nganala etuene, o moxi dietu ki muala kidi.

I Nzuá 2:3

Kiene ki tu kʼijidila kuila Nzambi tua mu ijiia, se tu aiuka o ijila iê.

I Nzuá 2:9

Uoso uambe kuma uala mu mukengeji, anga u kala mu zemba phangʼiê, iú-é hanji mua vundu katé ni lelu.

I Nzuá 3:6

Kala kiki, uoso ua tungu mua Kristu, ka xikina kuta kituxi. Uoso-phe u jijila kuta ituxi, kiluua a mu mona, kiluua a mu ijiia.

I Nzuá 4:20

Muthu se uedi: Nga zolo Nzambi, hé u kala-phe mu zemba phangʼiê, muène mukua makutu. Kuma uoso u kamba kuzola phangʼiê, ua mu mono ni mesu, ka tena kuzola Nzambi kiluua a mu mona.

I Nzuá 4:7

Enu akuetu, tu di zodienu mudietu, kuma o henda ia tunda kua Nzambi. Uoso u zola, muenhó muthu a mu vuala kua Nzambi, uejiia ue Nzambi.