I Nzuá 2:3 - O Mikanda Ikola

³ Kiene ki tu kʼijidila kuila Nzambi tua mu ijiia, se tu aiuka o ijila iê.

I Nzuá 2:3 ပူးပေါင်းရင်းမြစ်များ

Jisálamu 119:32

Uendelu ua itumu ié, ngi u kuata muene ni lusolo, kioso, eie Ngana, ki u ngi kudisa o muẋima moxi. He

Jisálamu 119:6

Jisonhi-phe ki jeje ku ngi kuata, mukonda o itumu ié ioso nga i te muene muẋima.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Luka 6:46

Mu ngʼila kiebhi Ngana, Ngana, mua kambe o kubhanga ima ioso i nga mi ambela?

Nzuá 14:15

Jezú uixi dingi: Se mua ngi zola, alukenu o ijila iami.

Nzuá 15:10

Se mu aiuka o ijila iami, mua-ndu xala ue mu henda iami, kala eme ki ngʼ aiuka o ijila ia Tata iami, eme nga xala mu henda iê.

Nzuá 15:14

Enu mu makamba mami se mu bhanga ima ioso i nga mi tumu.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Jihebeleu 5:9

O kia zubha ku di longʼ iki, ua di bhange Kibhamuenhu u tena o kubhulula oso a mu tumaka, katé kia zubha.

I Nzuá 2:13

Enu jitata, nga mi sonekena, mukonda mua mu ijiia Ió ua kalèla-ku tunde ku dimatekenu dia mundu. Enu minzangala, nga mi sonekena, kuma o Diabhu ió mukua kutondalesa, enu mua mu tolola.

I Nzuá 3:14

Kuma etu tua kʼijiia kuila tua tundu muʼalunga, etu tua bokona ku muenhu, mukonda o jiphange jetu tua ji zolo. Uoso ua kambe kuzola mukuá, ió hanji nguzu ia kalunga ia mu naminina.

I Nzuá 3:19

Kiene ki tu kʼijidila kuma tua tokala o kidi kia Nzambi. Bhene ue bhu tu ijidila kuila miẋima ietu ia kondama bhu pholo ia Nzambi.

I Nzuá 3:6

Kala kiki, uoso ua tungu mua Kristu, ka xikina kuta kituxi. Uoso-phe u jijila kuta ituxi, kiluua a mu mona, kiluua a mu ijiia.

I Nzuá 4:13

Kiene ki tu kʼijidila, kuma tuala ku ukamba ni Nzambi, ni muène ua tungu momuetu, mukonda ua tu bhana o Nzumbi iê.

I Nzuá 4:7

Enu akuetu, tu di zodienu mudietu, kuma o henda ia tunda kua Nzambi. Uoso u zola, muenhó muthu a mu vuala kua Nzambi, uejiia ue Nzambi.

I Nzuá 5:19

Tua kʼijiia kuma etu tua tokala Nzambi, maji o mundu uoso-phe ua zeka mua Kadiaphemba ió mukua kutondalesa.

I Nzuá 5:2

Bhene bhu tu kʼijidila, kuma tua zolo anʼa Nzambi, se tuedi ni kuzola Nzambi ni kualuka o ijila iê.

I Nzuá 5:3

Kuma o henda ia kuzola Nzambi ienhiʼii, o kualuka o ijila iê. O ijila iê-phe ki ia bhonzo ku i aiuka,

Dijingunuinu 12:17

Mudikixi anga u kuatela muhatu njinda iavulu, u tunda-bhu bhenhobho, hé uia mu kùlua ita ni iá a subhuka ku luvualu lua muhatu, ió oso ene mu bhaka o ijila ia Nzambi, hé a jijila o umbangi ua kidi kia Jezú Kristu.

Dijingunuinu 14:12

Ima kala íii, i bhinga o kukolokota ku mbandu ia akua-Ngana, ié ʼoso a mu tumaka o ijila ia Nzambi, ni kixikanu kia ió oso ala jifiiele ja Jezú.

Dijingunuinu 22:14

Azediua oso a sukula izuatu iâ, phala a mone disesa dia kubhiẋila ni kúdia ku kibundu kia muxi ua muenhu, ni kutena kubokuena bhu mielu iê katé mu mbanza.