I Nzuá 2:28 - O Mikanda Ikola

²⁸ Xi! Kiki-phe, tuana tuami, jijilenu o kukala mu ukamba ni Kristu, phala se uedi u tukuluka, tu bhue uôma. Mbé ki tu kale ni jisonhi bhu pholo iê, hé tuà ka bhindamena kudisueka bhu Kizuua bhuoso muène bhua kà tukulukila.

I Nzuá 2:28 ပူးပေါင်းရင်းမြစ်များ

Izaía 25:9

Mu kizuua kiókio, a kèla: Muenhú muene Ngana, tua mu kingile; ni kutana ni kusanguluka tua kà ku muena mu ubhulukilu uê.

Izaía 45:17

Maji Izalaiele u bhulukila kua Jihova, ni ubhulukilu unangenena sé dizubhilu; o mu kienhiki katé ku hádia ni hádia sonhi ki ji tena ku mi kuata, ki mu tena kukakuka.

Malakiia 3:2

Maji nanhi ua kà kolokota bhu kizuua kia kuiza kuê? Mba nanhi ua kʼèmana-bhu kioso muene kia kà tukuluka? Mukonda muene ua kà kala mukuâ ni túbhia tua musudi-a-thumba; ua kà di fuangana kala nzabá ia musukudi.

Malakiia 4:5

Talesenu, kuma eme ngi mi tumikisa polofeta Elija, kiosuʼiki kiluua kiza kizuua kiókio kia Dikota, kia Ngana, kizuua ki bheka uôma.

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Matesu 16:28

Ngi mi ambela kidi, emana bhabha, sai-bhu ni iá ka kà lola kalunga, katé kia kà mona o Monʼa Muthu uala kuiza mu ungana uê.

Marku 8:38

Uoso u kala ni jisonhi jami eme ni ja maka mami ku muiji iu ua jiphanda ni ituxi, o Monʼa Muthu ue ua ka kala ni jisonhi ja muene kia keza ni ungana ua Tatʼâ ni ji-anju je jangene.

Luka 17:30

Kiene kimoxi kia kà bhita mu kizuua ki tukuluka o Monʼa Muthu.

Loma 9:33

kala kia ki soneka mu Mikanda Ikôla: Talesenu, nga tula mu Ziione ditadi dia kidibhukanu, ndanji ia iẋanju ku a di bhela ibhalu. Maji uoso-phe u mu xikana Muène, ka kà kuata jisonhi.

I Kolindo 1:7

katé kana-ku dibesá di mua fulu o kutambula, kiosuʼiki mua mu kinga o kutukuluka kua Ngana ietu Jezú Kristu.

I Kolindo 15:23

Maji ene oso mu umoxi-umoxi: Kristu muene ua diangela kua ene oso, hé kukaiela oso akua Kristu, muène hinu kià kèza.

Efezo 3:12

O mu kuongama kuetu ni Kristu, mua muène tua-bhu o uôma, kuma tua tambula disesa dia kubhiẋila bhu pholo ia Nzambi, mukonda dia ku mu xikana.

Kolose 3:4

Kristu muene uala muenhu uetu ua kidi, o kia kà tukuluka, enu uenu mua kà tukuluka kumoxi ni muène ku fuma.

I Tesalonika 2:19

Kuma kudielela kuetu kuahi kuene, mba ngalasa ietu iebhi, mba dibete dioso di tu ta bhu pholo ia Ngana jezú, bhuoso hinu bhua kà tukulukila, manhi ki enʼuenu ngó?

I Tesalonika 3:13

Phala o muène a mi kuatese miẋima mu kuzela ku kamba kuêla, bhu pholo ia Nzambi ietu, Tatʼetu, katé bhuoso bhua kà tukulukila Ngana ietu Jezú kumoxi ni akua Ngana oso.

I Tesalonika 5:23

O muène Nzambi, mukua ku tu bhana o paze, a mi zelese katé mua zubha; a mi bhake kivimba ni nzumbi ni muenhu, ni mukutu, sé dixaka, mba kuêla kua kima, katé bhua kà tukulukila Ngana ietu Jezú Kristu.

I Timote 6:14

Aiuka o kijila kioso kia ku tumu, sè ngó kisemu, sè bhuma bhua tena ku ku éla, katé bhua kà tukulukila Ngana ietu Jezú Kristu.

II Timote 4:8

Tundé kiki, kua ngi xikamena kiá kitundu kia kuiuka, Ngana, o Mufundixi uaiuka, ua kà ngi bhana-kiu bhu kizuua kiná; ki eme ngó a ngi bhana, maji ni ene oso kiá a zola o ku di mona mi Muène kià kèza.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

I Phetele 5:4

Kioso o Mubhidi ua Dikota-phe kia kà tukuluka, mu tambule kitundu ki kia kà lela dingi.

I Nzuá 2:1

Tuana tuami, tata, nga mi sonekena imʼiii phala ki mu te ituxi. Se bhu kala muthu-phe u ta kituxi, sai Mubhângedi uetu kua Tata, Jezú Kristu, Muthu ua kuiuka.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

I Nzuá 3:21

Kala kiki, enu akuetu nga mi zola, se muẋima uetu u kamba ku tu êlesa, tu bhua uôma bhu pholo ia Nzambi.

I Nzuá 4:17

O henda iatenena mo muetu se tuala naiu ia soko, i bhuisa uôma mu Kizuua kia kufundisa. Mukonda kioso ki ala muène Kristu, etu ue kiene ki tuala mu ngongʼumu.

I Nzuá 5:14

Kuene kubhua uôma ku tuala na-ku bhu pholo ia Nzambi, kuma kima kioso ki tu mu bhinga, se kia xikina mu vondadi iê, muène u tu ivua.

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!