I Nzuá 2:26 - O Mikanda Ikola

²⁶ Imʼiii nga mi sonekena-iu, mukonda dia enhó a mu mesena ku mi jimbidisa.

I Nzuá 2:26 ပူးပေါင်းရင်းမြစ်များ

Jisabhu 12:26

Muthu ua iuka, u di bhanga musonguedi u tuamenena ku pholo ia mukuá; maji o uendelu ua akua phulu-phe, u texikisa.

Izekiiele 13:10

Mukonda-phe, èué, mukonda a mu kuenda ni kutobhesa o mundu uami, ni kuila, exi: Kuatululuka, kuatululuka, manhi o kutululuka kuene ki kuala-ku; mundu uami a tunga o kipena kia malôua, o misesedi a uesa-ku o hála ki iòtoue.

Marku 13:22

Mukonda kua ka tukuluka ji-Kristu ja makutu, ni jipolofeta ja makutu, a kèdikiza isuma ni madiuanu, phala a tàmbe kate ni anʼ angene a solo Nzambi, se ki xikina ku ki bhanga.

Kolose 2:18

Kana kuehela muthu nʼ a mi tambule o dilau dienu, ni kuila kuma muene uala kota mu ku di tolesa kua vondadi iê, ni mu kubheza ji-anju. Muthu u kala kiki, ua landukila ngó o ima ia mono muene iú ua nanuka ngó mu ilunji iê ia xitu.

Kolose 2:8

Alukenu! Ki bhu kale muthu u mi tobhesa, anga u mi bhûnda kala kingûmba, ni uanji uê ni makutu, ua kaiela mu malunda ma ulongelu ua athu, ni mu jindonda ja mu ngongʼumu, o kua Kristu ki kiala-ku.

I Timote 4:1

O Nzumbi ia Nzambi ua ki ambe ni kujimbuluka kuoso kuma, mu jithembu ja sukidila, sai athu a kà jimbila o kuxikana. A kà kaiela jinzumbi ji sendula, ni maulongelu ma madimonho.

II Timote 3:13

Maji athu aiibha-phe, akua makutu, jindunge jâ jiia ni ku di bandekeza, a nganala athu, maji ene uâ aia ni ku a nganala.

I Nzuá 3:7

Enu, tuana tuami, ki mu ehele muthu ku mi jimbidisa! Uoso u bhanga ima iaiuka, muène muthu ua kuiuka, kala kia iuka muène Kristu.

II Nzuá 1:7

Kuma mu ngongo mua tukuluka axombi avulu. Athu a kamba kufisala kuila Jezú Kristu uejile ni mukutu ua xitu. Muthu u bhanga kiki, muxombi, muenʼió Nguma ia Kristu.