I Nzuá 2:24 - O Mikanda Ikola

²⁴ Kala kiki, enu-phe njimbu ioso i muevu tunde ku dimatekenu, i mi tunge moxi dienu. Mukonda, o ki kala njimbu ioso i muevu tunde ku dimatekenu, i tunga moxi dia miẋima ienu, enu-phe mu kala mu ukamba kumoxi ni Mona ni Tata.

I Nzuá 2:24 ပူးပေါင်းရင်းမြစ်များ

Jisálamu 119:11

Maka mé nga a kondeka moxi dia muẋima uami, phala eme ngi lémbue ku ta kituxi kokué.

Jisabhu 23:23

Sumba o kidi, kana ku ki sumbisa; inda uila ni unjimu, ni ku di kondeka eʼmuene kiambote, hé u ta-ku ni masunga.

Luka 1:2

Ene a i soneka kala kia tu tangelele na-iu oso a kexile jimbangi tunde ku dimatekenu, anga a kala jiphoxi ja diambu.

Luka 9:44

Kizuelu kiki ki mi bokone mu miẋima: Monʼa Muthu a-nda ku mu bhakula bhu maku ma athu.

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

Nzuá 15:7

Se mua xala mo muami, o maka mami ni ma xala mo muenu, bhingenu ioso i mua mesena, a mi bhana-iu.

Nzuá 6:56

Uoso u dia o xitu iami, hé u nua manhinga mami, muène u xala momuami, eme ue ngi xala mo-muê.

Nzuá 8:25

Ene a mu ambela, exi: Eie u mukua-hi? Jezú uixi: Kioso ki nga di tange tunde ku dimatekenu, kiene. Ki ngi muthu uengi, kana!

Filipe 4:15

Enʼuenu mua kʼijiia, mu akua Filipe, kuma bhu dimatekenu dia Njimbu Iambote, thembu i nga katukile ku Masedonia, kana Ngeleja i nga kexile na-iu mu kisangela kia kubhana ni kutambula, kikale enu ngó ubheka uenu. Ngeleja ienu iene ngó ia ngi kuatekesa.

Kolose 3:16

O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.

Jihebeleu 2:1

Uila kiki, tua fuama tu kuata dingi muanu ua ima ioso ia kidi i tuevu, sumba se tu di ehelela, tu kunguluka.

Jihebeleu 3:14

Kuma o kubhanduluka ni Kristu, ki bhinga o kudielela ku tu andeka na-ku, tu ku jijila katé bhu dizubhilu.

I Nzuá 1:3

O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.

I Nzuá 2:7

Enu akuetu, nga mi zola, kana kijila kia ubhe ki nga mi sonekena. Maji kiene o kijila kiòkulu ki muène na-kiu kiá tunde ku dimatekenu. O kijila kiòkulu, o maka ene u muʼèvua kiá.

I Nzuá 3:24

Uoso u aiuka o ijila ia Nzambi, ió ua tungu mua Nzambi, o Nzambi ue ua tungu momuʼê. O mukonda dia Nzumbi ia tu bhana Nzambi, bhene bhu tu kʼijidila kuma Nzambi ua tungu moxi dietu.

I Nzuá 4:13

Kiene ki tu kʼijidila, kuma tuala ku ukamba ni Nzambi, ni muène ua tungu momuetu, mukonda ua tu bhana o Nzumbi iê.

I Nzuá 4:15

Uoso u tanga kuila Jezú Kristu muène Monʼa Nzambi, muthu ió Nzambi ua tungu mua muène, ni muène mua Nzambi.

I Nzuá 4:16

Etuene ue tuejiia o henda ia Nzambi ia tu kuatela, etu tua i xikana. Nzambi henda. Uoso ua tungu mu henda, ua tungu mua Nzambi, o Nzambi ua tungu mua muène.

II Nzuá 1:2

Kia mi bhangesa o ku mi zola, o kidi kia tunga moxi dienu, ki tuandú xala jinga na-kiu katé ku hádia ni hádia.

II Nzuá 1:9

Uoso ua somboloka, ua kambe kuimana mu ulongelu ua Kristu, Nzambi kala-nê. Uoso-phe uemana mu ulongelu ua Kristu, muenʼió uala ni Tata, ni Mona.

III Nzuá 1:3

Kuma nga sanguluka kiavulu, kia ngi sange o jiphange ja ku bhela umbangi ua ufiiele u uala na-u mu kidi kié kioso ki uala kuenda izuua ioso mu kidi.

Dijingunuinu 3:11

Ngiza kindala! Eie naminina kioso ki uala na-kiu, kana muthu a ku tambule o kitundu kié.

Dijingunuinu 3:3

Mukonda dia kienhiki, xinganeka-phe kioso ki ua di longa, kioso ki uévua. Aluka-ze, u diele ituxi ié. O ki u kamba kudilanga-phe, hinu ngi ku sanga kala muii, o ola ioso i ngi ku tutuuila ku i ijiia.