I Nzuá 2:18 - O Mikanda Ikola

¹⁸ Enu tuana tuami, kumbʼidi diene dia sukidila-ku. O ki muevuʼokio, kuila hinu kuiza Kristu ia makutu, kiene kiabhuʼiki. Kuma kiki kueza kiá jikristu javulu ja makutu, kiene ki tua kʼijidila kuila o kumbʼidi diene kiá dia sukidilaku, o dizubhilu dia zukama.

I Nzuá 2:18 ပူးပေါင်းရင်းမြစ်များ

Matesu 24:11

Bhua kà tukuluka jipolofeta javulu ja makutu, ji kala mu jimbidisa mundu uavulu.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Matesu 24:5

Kuma avulu à keza mu dijina diami ni kuila: Eme ngi Kristu! A kà jimbidisa athu avulu.

Marku 13:6

Sai athu avulu, a keza mu dijina diami, exi: Emʼiú ngi Kristu! A ka bhomba athu avulu.

Nzuá 21:5

Jezú anga ua ambela, uixi: Enu ana, mu kutamba kuenu, mua kuata kama koso-koso? Exi: Kana!

Loma 13:11

Nga ki ambe kuila enu mua fuama mu bhanga kieniiki, mukonda o thembu i tuala mua ijiia. Kumbi diezabhu kiá, dia kubalumuka ku kilu. Mukonda, kiki o kubhuluka kuetu kua zukama dingi kiengi, ki ki soko ni ki tua mateka o kuxikana.

Loma 13:12

O usuku iú batuka, kua kambe ngó kuma kukia. Kala kiki, tu ehiʼenu kubhanga o imbamba ia usuku. Tu maneke o mata ma kulua-nâ mu muanha.

Jihebeleu 1:2

Maji kunu kua suku o izuua, ua tu zuelela kua Monʼê. O mua Monʼê, Nzambi muène mua bhangela o ima ioso iene mu ngongo.

I Phetele 1:20

Muène kidi a mu sola kuala Nzambi mʼukulu munhá, oxi kiluua i kala ni dimatekenu diê, maji ua tukulukila kiá ku dizubhilu dia jithembu kunu, mukonda dia mulonga uenu.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

II Phetele 2:1

Mʼukulu ku mundu-phe kuejile jipolofeta ja makutu, uila kiki mudienu kuandú kala ue jimesene ja makutu. Jene ji mi zombela ni maulongelu mengi ma texikisa, katé ni Muadiʼâ ua a sumba a dituna-nê. O mu kubhanga kiki, a di bhekela kingûmba kialenguluka.

II Phetele 3:3

Mu dianga-phe ku kʼijiia, kuma mu izuua i sukidila-ku, kua kà kala athu enda kioso kia a tumu jihânji jâ. Enhá a kà mi bhanga kasekelu ni kuila:

I Nzuá 2:22

O mukua makutu-phe, nanhi? Oko muenhó uoso u dituna kuma Jezú ki muene Kristu. Muene o Kristu ia makutu, mukonda muène u dituna ni Tata ni Mona.

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.

I Nzuá 4:3

Maji o uoso u kamba kutanga kiki kua Jezú, kala ni Nzumbi ia tundu kua Nzambi. Ioio iene o Nzumbi ia tundu kua Nguma ia Kristu. Enu muevu kuila O iene hadia iza, kindala ieza-phe kiá mu ngongo.

II Nzuá 1:7

Kuma mu ngongo mua tukuluka axombi avulu. Athu a kamba kufisala kuila Jezú Kristu uejile ni mukutu ua xitu. Muthu u bhanga kiki, muxombi, muenʼió Nguma ia Kristu.

Juda 1:18

Ene a mi ambela, exi: Mu izuua i sukidilà-ku, hinu kua kà kala jisemenhi jenda ni ku mi bhanga kasekelu, athu enda kioso kia a tumu jihânji jâ ja kubhuma.