I Nzuá 2:15 - O Mikanda Ikola

¹⁵ Kana kuzola o mundu, mba o ima iene ku mundu. Kuma enu se mu zola o mundu, Nzambi Tata ki mua mu zolo.

I Nzuá 2:15 ပူးပေါင်းရင်းမြစ်များ

Matesu 4:8

Luamukuá dingi, Diabhu u mu bheka ku thala ia mulundu ua di leka kinéne, anga u mu idikiza maungana moso mu ngongo ni kufumana kuâ.

Matesu 6:24

Kana muthu u tena kubhikila ngana jiiadi. Mukonda bhu kala ni iú u mu zemba, o iú u mu zola; mba iú a di tuma, o iú a di bhonza. Enu ue ki mu tena kubhikila Nzambi ni Mamunu (kilundu kia jimbongo).

Luka 16:13

Kana-ku ngàmba u tena ku kalakela ngana jiiadi. Kuma u zemba ngana imoxi, hé u zola ia mukuá; mba u di tuma ni ngana imoxi, hé u tènda iamukuá. Enu uenu ki mu tena kubhikila kumoxi ni Nzambi ni Mamunu.

Nzuá 15:19

Se enu mua tokalele ku mundu, o mundu ueji kuzola o kiê. Maji mukonda ki mu tokala ku mundu, mbata eme nga mi tungula ku mundu, kiene mundu ki ua mi zembela.

Loma 12:2

Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.

Ngalásia 1:10

Manhi ki ngalʼ iki, ngalù sota ngó kukala mu ujitu ua athu? Lémbua! Kuma o ki nga solo eme, o ujitu ua Nzambi! Mbé kifua ngalù sota ngó kuuabhela athu? Se nga kexile mù uabhela ngó athu, ki ngejù kala dingi ngi selevende ia Kristu.

Efezo 2:2

Mu thembuʼ omo enu muene mu mua kexile mù kuendela kala ki tuma ngana ioio iavu o utuminu uê mu dimbinza muene o nzumbi kindala iala moxi dia ana abhukumuka, a kamba kutumaka Nzambi.

I Timote 6:10

Kuma o luimbi lua kitadi, luene lundanji lu bhana o ima ioso iaiibha. Amoxi-moxi-phe, mukonda dia kudisunga mu ku ki kuata, a jimbila o kuxikana, ia a di toma mu mavuua mavulu mukuâ ni jisongo.

Tiiaku 1:27

O kubheza kua kidi, ki kuene kuxila bhu pholo ia Nzambi, Tata, kuenhuku: O kubindumuna jihukunhu ni atudi a ahatu mu ibhidi iâ, ni kudilanga eʼmuène sè kukasana ni ima iaiibha iene ku mundu iú.

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

I Nzuá 3:17

Muthu uoso-phe ua kuata o jimbongo ja mu ngongʼumu, anga u talesa phangʼiê ua bhindama, maji u mu kolela muẋima, muthu ió u tanga kiebhi kuila ua zolo Nzambi?

I Nzuá 4:5

O polofetʼ ʼojo ja makutu, ji zuela ima ia mu ngongo, o mundu mu ngongo ua evua, kuma ene a tokala ku mundu.

I Nzuá 5:10

Uoso u xikana Monʼa Nzambi, u kala ni umbangi uenhú moxi diê. Maji uoso ua kambe kuxikana, Nzambi ua mu kuatesa makutu, mukonda ua kambe kuxikana umbangi ua Nzambi ua bhela Monʼê.