I Nzuá 2:14 - O Mikanda Ikola

¹⁴ Nga mi sonekena, enu tuana, mukonda o Tata mua mu ijiia. Nga mi sonekena, enu jitata, mukonda ió ua kalèla-ku tunde ku dimatekenu dia mundu mua mu ijiia. Nga mi sonekena, enu minzangala, mukonda mua suina. Mbata o maka ma Nzambi ma tungu moxi dienu, o Diabhu ió mukua kutondalesa, mua mu tolola.

I Nzuá 2:14 ပူးပေါင်းရင်းမြစ်များ

Jisálamu 119:11

Maka mé nga a kondeka moxi dia muẋima uami, phala eme ngi lémbue ku ta kituxi kokué.

Nzuá 15:7

Se mua xala mo muami, o maka mami ni ma xala mo muenu, bhingenu ioso i mua mesena, a mi bhana-iu.

Nzuá 5:38

Ni maka mê, ki ma mi kala moxi dia miẋima ienu, mbata ni muthu a mu katula muène, enu ki mua mu xikana.

Nzuá 8:31

Jezú anga uambela Jijudé ja mu xikana muène, uixi: Se mu xalela mu mambu mami, mu kala mu kidi mu jixibulu jami;

Nzuá 8:37

Eme ngejiia muene kuma mu akua muiji ua Mbalahamu, maji enu-phe mua bhindamena ku ngi jibha, mukonda o maka mami ki ma mono kididi moxi dienu.

Efezo 6:10

Ki tualʼ iki-phe, suinenu mua Ngana, ni mu kutena kua nguzu iê.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

Kolose 1:11

O nguzu iê ia fuma i mi suinise katé mua tena o kukolokota mu ima ioso, ni kuxididika.

Kolose 3:16

O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.

II Timote 2:1

Eie-phe, u monʼami, kala u kindanda mu kiadi ki tuene na-kiu mu ukamba ni Kristu Jezú.

Jihebeleu 8:10

O kikutu-phe hinu ki nga kà ta ni mundu ua Izalaiele, eme ngi Ngana, izuua ieniʼoio,—kia kà kala kiki: Nga kà ta o ijila iami mu thulu iâ, anga nga kà i soneka mu miẋima iâ. Eme nga kà kala ngi Nzambi iâ, ene a kà kala mundu uami.

I Nzuá 1:1

Tua mi sonekena o kima kia kalé tunde ku dimatekenu dia mundu, o Diambu diene dia muenhu. Etu tua dʼivua, tua di mona ni mesu etuʼèlele muene. Ni kidi muene, etu tua di tongolola, tua di babata ni maku metu.

I Nzuá 1:10

Se tuedi tuixi ituxi ki tuala na-iu, Nzambi tua mu kuatesa makutu, o maka mê kala moxi dietu.

I Nzuá 2:13

Enu jitata, nga mi sonekena, mukonda mua mu ijiia Ió ua kalèla-ku tunde ku dimatekenu dia mundu. Enu minzangala, nga mi sonekena, kuma o Diabhu ió mukua kutondalesa, enu mua mu tolola.

II Nzuá 1:2

Kia mi bhangesa o ku mi zola, o kidi kia tunga moxi dienu, ki tuandú xala jinga na-kiu katé ku hádia ni hádia.

III Nzuá 1:3

Kuma nga sanguluka kiavulu, kia ngi sange o jiphange ja ku bhela umbangi ua ufiiele u uala na-u mu kidi kié kioso ki uala kuenda izuua ioso mu kidi.

Dijingunuinu 2:3

Uala u mukua muanu, ua kolokota ni kutala hadi mukonda diami, ku bhuila.

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.