I Nzuá 2:10 - O Mikanda Ikola

¹⁰ Uoso u zola phangʼiê, ua tungu mu mukengeji, momuê ki mua tungu kima ki bhekela muthu uoso-uoso kuta kituxi.

I Nzuá 2:10 ပူးပေါင်းရင်းမြစ်များ

Jisálamu 119:165

Kutululúka kuavulu ku kala kua ió oso a zola o ngonge ié; phala ene, kana-ku kima ki tena ku a diangula.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Matesu 13:21

Maji moxi diê-phe ua kambe lundanji, u nanga ngó kithangana. O ki moneka phaxi, mba ku kala ku mu zukutisa mukonda dia maka, kindala ua di bhale.

Matesu 18:7

Lamba dia mundu mukonda dia ifudisu i bhekela athu ku ngi xisa Eme! Ima iíi kia bhingi i bhita muene, maji uoso-phe u i bheka, lamba diê!

Nzuá 11:9

Jezú, uixi: O kizuua ki kiala ni kuinhi dia ola ni jiiadi? Muthu se uenda mu muanha, ka di bhukana, mukonda u mona muanha ua mu ngongo mumu.

Nzuá 12:35

Jezú ua ambela, uixi: Kithangana Kiofele kiki, hanji muala ni mukengeji, mu ʼaxaxe kenu. Endenu kiá kioso ki muala ni mukengeji; mienhu ienu i lunge muenhomo, phala o usuku ki u mi kuate. Kuma uoso uenda mʼ usuku, kejiia kuoso ku a lunga.

Nzuá 8:31

Jezú anga uambela Jijudé ja mu xikana muène, uixi: Se mu xalela mu mambu mami, mu kala mu kidi mu jixibulu jami;

Loma 14:13

Uila kiki, ki tu kuate-phe dingi ku di longolola mudietu. Inda mu di tetulula kiki, kana muthu u ta kidibhukanu mu njila ia phangʼ iê, mba kima ki mu di bhalesa mu kituxi.

Filipe 1:10

phala mu tene kusola o ima ioso iauabha, nda mu kale sé kadia, sé ngó kima ki mi fudisa, katé bhu kizuua kia Kristu.

II Phetele 1:10

Uila kiki, enu mu akuetu, phange jami, Sotenu izuua ioso kukala ni muẋima ua kolo mu kuijiia kuma Nzambi kidi kiene, muène ua mʼixana iú ua mi solo. Mbata se kiene ki mu bhanga, ki mua-nda kudibhala dingi.

I Nzuá 2:11

O uoso-phe u zemba phangʼiê, uala mua vundu, uenda mu kitombe, kejiia kuoso ku a di tela, mukonda o usuku ua mu fuisa o mesu.

I Nzuá 3:14

Kuma etu tua kʼijiia kuila tua tundu muʼalunga, etu tua bokona ku muenhu, mukonda o jiphange jetu tua ji zolo. Uoso ua kambe kuzola mukuá, ió hanji nguzu ia kalunga ia mu naminina.