Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




I Nzuá 1:8 - O Mikanda Ikola

8 Se tuedi tuixi ki tu moneka ituxi, tua di nganala etuene, o moxi dietu ki muala kidi.

အခန်းကိုကြည့်ပါ။ ကော်ပီ




I Nzuá 1:8
33 ပူးပေါင်းရင်းမြစ်များ  

Kioso ene kia ku tela kituxi (mbata kana-ku muthu u kamba kuta kituxi) eie anga u a luualela, hé u a bhana bhu maku ma nguma, nda a ambate ku ubhika ku ixi ia nguma kuala ió a a kutu, kixi ixi ia dikanga mba bhua zukama;


Muene uixi: O mʼonzo ié a monʼomo Ohi? Ezekiia-phe, uixi: Ima ioso iala mʼonzo iami a i mono; kana-ku kima ki ala mu mabhakeluʼami ki nga kambe ku a londekeza.


Kioso ki a ta kituxi kokué (mbata kana-ku muthu u kamba ku ta kituxi) eie anga u a kuatela njinda, hé u a bhakula kua nguma iâ, phala oso a-nda ku a kuika, a ambate muene ku ubhika ku ixi ioso-ioso ia dikanga mba ia zukama,


Nanhi u katula kima kia zele, mu dixidilu? Ki bhuala muthu!


Muthu kima kiahi, phala a kale ni kuzela? Ió a mu vuala ku muhatu u kala kiebhi mukua kidi?


Muthu-phe u kala kiebhi ni kuiuka bhu pholo ia Nzambi? Ió a mu vuala ku (monʼa) muhatu, u kala kiebhi ni kuzela?


Kutanga o kidi, eme ue nga kʼijiia kuila kiene muene: Mukonda muthu u di lungisa kiebhi kua Nzambi?


Kana kufunda ni selevende ié; kuma ku mesu mé-eie muthu uebhi u tena kulunga?


Mukuahi muene u tena kuamba: Eme muẋima uami nga u ixika muene, nga zele muene, ki ngala ni kituxi?


Kidi bá! Mu ngongo kana-mu muthu ua iuka, u bhanga ngó mbote mu mbote anga u kamba ku ta kituxi.


Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.


Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.


Eie-phe hanji ua mu kuila: Nga di zele, kia kidi muene, o njinda ié ia ngi kungu. Talesa nga-nda kufunda nʼeie, kuma eie uambe: ki ngatʼiami kituxi.


Bhenhobho-phe, se dibhute dia tomboka mu mukutu uoso, anga kikonda kioso muene ki di minha mu dibhute, tunde ku mútue katé ku inama, kioso kia kiatena nganga o kumona, mu kutongolola kuê,


Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.


Kala kia ki soneka mu Mikanda Ikôla exi: Uaiuka ka moneka, né muthu umoxi;


Mukonda ene oso ituxi a i te, a bhondalala, o bhu fuma ia Nzambi, i bhulula, ka tena-bhu.


Ki bhu kale muthu u di nganala. Se muthu ua di fika kukala njimu mudienu, ku unjimu ua mu ngongʼumu, a biluke kiôua phala a kale ni kuijiia kua kidi.


Kuma se o muthu ua di fika kukula, manhi muene ki kima, muene ua dinganala.


ni kuhoia kua kambe mbàmbe kua athu a bolo kilunji, a tokoka o kidi. Athu kala kiki a fika kuila o kubheza (Nzambi) mubhetu ua kumuena umvuama. Athu a kala kiki, a sondoloke.


Maji athu aiibha-phe, akua makutu, jindunge jâ jiia ni ku di bandekeza, a nganala athu, maji ene uâ aia ni ku a nganala.


Kalenu mu abhangi a maka, kana akua kuivua ngó, mu kumbidile kioso kiala ku mi tuma o maka enhá. Ki mu kuate kudinganala jinga enu-enu.


Sai muthu ua di fika kukala mubhezi a Nzambi? Se u kamba kuijiia o kukuika o dimi diê, o kubheza kuê kua ngoho, iu ua mu di nganalʼê muène mu muẋima uê.


Kuma etu-ene oso, tuene mu tondajala mu ima iavulu. Uoso u kamba kudibhukana mu kuzuela, ió muene muthu uatenena, ua soko-bho o kukuika mukutu uê uoso.


Athu a uabhela kubhanga o isunji ia jivondadi jâ ja bolo mu muanha uatu! O kioso ki mu kala mu kudia-nâ mu fesa jenu, a bhekesa jisonhi, edi kala mabaka ku kizuatu. O ima ioso a i bhanga ni kádia.


Se tuedi tuixi ituxi ki tuala na-iu, Nzambi tua mu kuatesa makutu, o maka mê kala moxi dietu.


Kala kiki, se tuambe kuma tuala mu ukamba ni Nzambi, anga tu enda mua vundu, tua tange makutu, ki tuala kubhanga imbamba ia kidi.


Uoso uambe uixi: Nzambi nga mu ijiia, nʼa kambe kualuka o ijila iê, mukua makutu, kala ni kidi moxi diê.


Muthu se uedi: Nga zolo Nzambi, hé u kala-phe mu zemba phangʼiê, muène mukua makutu. Kuma uoso u kamba kuzola phangʼiê, ua mu mono ni mesu, ka tena kuzola Nzambi kiluua a mu mona.


Kia mi bhangesa o ku mi zola, o kidi kia tunga moxi dienu, ki tuandú xala jinga na-kiu katé ku hádia ni hádia.


Kuma nga sanguluka kiavulu, kia ngi sange o jiphange ja ku bhela umbangi ua ufiiele u uala na-u mu kidi kié kioso ki uala kuenda izuua ioso mu kidi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ