I Nzuá 1:5 - O Mikanda Ikola

⁵ Iii iene o Njimbu i tuevu kua muène Kristu, i tua mi tudila enu, kuma: Nzambi mukengeji, o mua muène ki muene ngó kuvunda,

I Nzuá 1:5 ပူးပေါင်းရင်းမြစ်များ

Jisálamu 139:12

Mukonda né usuku ki u xikina ku ngi sueka bhu pholo ié; ku mesu mé kua zele kala muanha; ni kuavundu ni kuazele kuene kuoso kua soko-é.

Jisálamu 27:1

Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisálamu 36:9

Mukonda ko kué kuene kuala o kitu kia muenhu; o mu mukengeji ué muene mu tua kà muena kuzela.

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Izaía 2:5

Enu mu dibhata dia Jakobo, zenu; tuendedienu mu mukengeji ua Jihova.

Izaía 60:19

Dikumbi ki diene dingi di ku muikina mu muanha, o mbeji ue ki iene ia kà ku muikina ni mueje uê; maji Jihova muene ua kà di bhanga mukengeji ué ua kalelà-ku, o Nzambi ié muene u kala o kizûnda kié.

Daniiele 2:22

Kima kia jingana, kia kasuèkele, muene u ki aneka; kioso kiala mu kitombe muene u kʼijiie, kuma muene ua tunga ni mukengeji.

Nzuá 1:19

Iú uene umbangi ua Nzuá, kioso Jijudé ku Jeluzaleme ki ja tumine jinganga ni jilevita ku mu ibhudisa, exi: Eie nanhi?

Nzuá 1:4

Mua muène mua kala o muenhu; o muenhu anga u kala mukengeji ua athu.

Nzuá 1:9

Iú uene mukengeji ua kidi, ueza mu ngongo mu ku muikina athu oso.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Nzuá 9:5

Kioso ki ngala hanji mu ngongo, ngala ngi mukengeji ua mundu.

I Kolindo 11:23

Kuma eme nga tambula kua Ngana, kioso ki nga mi longo enu, kuila; Ngana Jezú, usuku uenʼ ió ua mu bhakuile ku jinguma, ua katuile o mbolo,

I Timote 6:16

Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

I Nzuá 3:11

Mbata o Njimbu i muevu tundé ku dimatekenu ienhiʼii, kuila: Tu di zole mudietu.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.