I Malunda 9:1 - O Mikanda Ikola

¹ Izalaiele ioso anga a i alula ku mísala ia miji ia mauvadiue mâ; ia a asoneka mu divulu dia jisobha ja Izalaiele. O akua Juda-phe a a balakala ku Babilónia, mukonda dia kutondala kuâ.

I Malunda 9:1 ပူးပေါင်းရင်းမြစ်များ

I Jisobha 14:19

Ikalakalu dingi ia Jelobouamu, ni kioso kialu ita, ni kia tumina jinga, talesa, kuma ima ioso iòsoneke mu divulu dia ji-ndunda ja jisobha ja Izalaiele.

II Jisobha 24:14

Iú ua balakala ene oso a tunga mu Jeluzaleme; kutale o ilamba iê, uixi athuʼoso a mazonda, ni akua maufunu o jikalupindelu ni asudi-a-thumba; mu ku alula a tena kuinhi dia midi ia jihutile; ki bhu xala muthu kikale ngó o jingadiama ja ngadiadia ku mundu mʼoxiʼomo.

II Jisobha 24:15

Ni Nzuakí a mu balakala ue ku Babilónia; ni manhʼâ sobha, muene, ni ahetuʼé, kumoxi ni jifixiiadi je, ni athuʼoso a makota mu ixi ua a kutu iú ua tundu-nâ mu Jeluzaleme ni ku a bheka ku Babilónia;

II Jisobha 24:16

o athuʼoso, o mazonda, a tena sambuadi dia midi, o jikalupindelu, ni asudi-a-thumba, a tena midi, ni minzangala ioso a sakalala mu ita, enhá sobha ia Babilónia ua a kutu, ua ambata iu uai nâ ku Babilónia.

I Malunda 8:40

O ana a Ulane akexile mala a mazonda oso, atolodi alua jinga kiambote ni mifula, akexile ni ana avulu a mala ni alulu ni aláula, hama ni makuinhi a tanu a muthu. Ene osoʼâ-phe akexile ana angene a Bejamí.

II Malunda 33:11

Ki kia bhangesa Jihova kutulula ku thandu diâ o ilamba ia kifuxi kia sobha ia Asídia; ene anga Manasa a mu kuatela mu minha, hé a mu kuta ni malubhambu anga a mu ambata aia-nê ku Babilónia.

Ejidala 2:1

Iá ene anʼa akuaʼxi, a bande mu ku tunda ku ubhika, kua iá a ambatele ku ixi iengi kuala Nabokodonozolo, sobha ia Babilónia, kiʼai-nâ kuenhoko, ku Babilónia, ia a vutukila mu Jeluzaleme ni mua Juda, muthu mu sanzala iê, muthu mu sanzala iê.

Ejidala 2:59

Ni iá ue a bande mu ku tunda ku Tele-Mela, ni ku Tele-Hasa, ni ku Kilube, ni Adane, ni Imele, maji ka tenene kutanga kiambote dilunda diâ kioso kia a vuala, ni misala ia jitata jâ, phala ku a mona se ene uâ anʼa Izalaiele.

Nehemiia 11:1

Anga ilamba ia kifuxi a kala mu Jeluzaleme, maji o kifuxi kioso kiamukuá-phe kia anʼa Izalaiele a ta j jisorte, ja kukatula mbandu imoxi ku dikuinhi, phala a kale mu mbânza ikôla ia Jeluzaleme, o dívua dia mbandu a kale mu jisanzala jamukuá.

Nehemiia 7:5

Bhenhobho Nzambi iami ngivua ua ngi te ku muẋima kuila ngi bhongolola jingana, ni makota a jingana, ni kifuxi kia mundu uoso, nda a a soneke mu jingu jâ ja Vumu. Anga mu divulu dia jingu ja vumu, ja oso a diangele kuiza, ngi sanga muʼòsoneke, kiki:

Nehemiia 7:64

Mala iá a sota mu divulu diâ dia majina, mu kumesena kutanga bhua tunda o kixina kia muiji uâ, maji a tokoka-phe ku a sanga-mu; kia bhekela ku a katula mu unganga, kuma a ambe exi a xidi.

Izaía 3:2

U katula-mu ue o dizonda, ni disoladi, ni mufundixi, ni polofeta, ni muzambuidi, ni kikulakaji ua kuka kiá,

Jelemiia 13:19

Madiembu ma sulu a ma jika, u ma jikula ka moneka; Juda ioso a i ambata ku ubhika; kiene muene, Juda ioso a i ambata ku ubhika.

Jelemiia 39:9

O tumbalu-mbalu tua subhuka mu mbonge ni iá kiá a tundile ku mbandu iâ ia a di bundile ku jinguma, kumoxi kiá ni iá a subhuka ku mundu, Nebuzaladane, kabhitangu ka kilangidilu, uainâ ku Babilonha.

Daniiele 1:2

Jihova-phe u bhakula Juakí, sobha ia Juda, bhu lukuaku luê, ni mbandu ia itutu ia ulu ni phalata ia dibhata dia Nzambi, anga uia na-iu kʼoxi iê ku Xinale, anga u i tula mʼonzo ia dihamba diê, hé u i lunga kumoxi ni itutu iala monzo ia dihamba diê.