I Malunda 5:25 - O Mikanda Ikola

²⁵ Maji-phe a-ta mulonga, atondala kua Nzambi ia jitata jâ; akaiela jinzambi ja matumbu, akua jixi jengi ió a a jikinisa kuala Nzambi bhu pholo iâ.

I Malunda 5:25 ပူးပေါင်းရင်းမြစ်များ

II Jisobha 15:19

Kiene kieza Phulu, sobha ia Asídia, mu kúlua o ixi; Menaheme anga u bhana kua sobha Phulu, midi ia jitalendu ja phalata phala o lukuaku luê lu mu kuatekese o kutulama kiambote ku ungana uaʼxi.

I Malunda 5:24

Akexile mítue ia mabhata ma utata uâ, enhá: Efele ni Izi, ni Ediiele, ni Azibiiele, ni Jelemiia, ni Hodaviia, ni Jadiiele, maiala a nda, mala a majina, ene o ilolo iktumina o mabhata a jitata jâ.

I Malunda 9:1

Izalaiele ioso anga a i alula ku mísala ia miji ia mauvadiue mâ; ia a asoneka mu divulu dia jisobha ja Izalaiele. O akua Juda-phe a a balakala ku Babilónia, mukonda dia kutondala kuâ.

Makatukilu 34:15

Sumba ki u ta kikutu kia ukamba ni akuaʼxi koko, ene kia bhanga undumbu bhu pholo ia jinzambi jâ, ni kia satela jinzambi jâ, bhu kala uoso u ku ixana-bhu ni u die ku sata ia jibhila o iteka iâ.

Hozeia 1:2

Ku dimatekenu dia kizuelu kia Jihova kua Hozeia, Jihova uambela Hozeia, uixi: Ndé, sakana muhatu, uoso uejidila undumbu, u vuale-nê ana a undumbu; mbata oxi ia di te mu undumbu ua dikota, o kua Jihova a batukaku.

Hozeia 9:1

Kana-phe kutumbujuka ni ngalasa, eie Izalaiele! Kana kukala mu kutana kala o miji ia mukuá kʼejiia Nzambi! Mbata eie Nzambi ié ua mu baluka kala muhatu ua kidianzunga; o futu ia kidianzunga iene i u a fulamena bhu mazanzu oso a kuanekena o tiliku.

Dijingunuinu 17:5

O bhu dibhomo diê bhuòsoneke dijina, o dijimbuluilu diê dia kasuèkele, exi: Babilónia ia dikota, mama u vuala idianzunga ioso ni oso a bhanga isunji mu ngongo.

Afundixi 2:12

Jihova, Nzambi ia jitata jâ, ua a katula mʼoxi ia Ijitu, a mu xi; a kaiela jinzambi jengi, o jinzambi ja mundu uamukuá ua a kala mu jimbandu, a kala mu ji fukamena; Jihova anga a mu thathamesa.

Afundixi 2:17

Maji ene hanji-phe, nguauâ né ngó kuívua afundixiʼâ; kuma a kala mu bhanga undumbu ni jinzambi jengi, a ji fukamena; kindala a bhambuka kiá mu njila mua kexile kuenda o jitata jâ, ia kutumaka o ijila ia Jihova; ene-phe a bhanga kiengi, a lémbua kubhanga kia bhanga jinga o jitata jâ.

Afundixi 8:33

Mu kukala-phe, kia zubha Ngidiione kúfua, anʼa Izalaiele a di bhange dingi jindumbu mu kukaiela Jibaale, anga a ta-bhu Baale-belite mu kala nzambi iâ.