I Malunda 4:9 - O Mikanda Ikola

⁹ O Jabeze hé uditungula muʼaxaxe ka jiphange jê, o manhi-â hé u mu luka dijina dia Jabeze, kifua uambe kiki, kuma: O mona iú nga mu vuala ni misusu.

I Malunda 4:9 ပူးပေါင်းရင်းမြစ်များ

Dimatekenu 3:16

Anga u ambela o muhatu, uixi: Nga-nda ku ku vudisa o hadi mu kuimita kué; o ana u a vuala ni misusu; u kala jinga mu kuinda muadi ue, o muene-phe ua kà ku tumina.

Dimatekenu 34:19

Munzangala iú ua diiala ka kokoloka dingi mu kubhanga kioso kia mu xindi, mukonda dia kuuabhela kiavulu o monʼ a Jakobo ua muhatu; o muene ue, mu bhata dia tatʼâ, muene dikota uala ku pholo.

Dimatekenu 35:18

Mu kuiza-ku-phe, kioso kiala mu lekela, kuma kufua kua mu iza, mona u mu luka dijina dia Ben-oni; maji o tatʼâ-phe u mu luka, uixi: Bejamí.

I Malunda 4:10

Mbata Jabeze uadionda Nzambi ia Izalaiele, kuila: Se u ngi zediuisa kiavulu kinéne, o jimbambe jami ni u ji kudisa dingi muene, o lukuaku lué hé lu ngʼendesa, hé ubhangesa kuila o dibhebhu ki di ngi tule anga u ngi konda o malamba! Nzambi anga u mu bhanga kioso kia mu bhingi.

I Malunda 4:8

O Khoji, uavuala Anube ni Zobeba; ni jindandu ja majiku a Ahalele, mona a Halume.

I Malunda 7:23

Kia bhiti imiʼii, udimona dingi ni mukajʼê, muene hé uimita, anga u vuala mona ua diiala, anga u mu luka dijina diê Mbediia; mukonda o ima mu bhata diê ki ia kexile kuenda kiambote.

Jisabhu 23:25

O Tatʼenu ni mamʼenu a tane-ku, ió uoso ua ku bhandulukile a sanguluke.

Izaía 43:4

Kuma eie ua te kiavulu ku mesu mami, uala-phe ditala dia ujitu, eme nga ku zola; kiene ki nga bhela athu bhu kididi kiê, nga bhakula athu avulu mu kula muenhu ué.

Jipoxolo 17:11

Enʼiâ a beta ujitu, ka soko ni akua Tesalonika, kuma a tambulula o maka ni kutetuluka kuoso. Izuua ioso anga a kala mù tekula mu Madivulu ma Nzambi se o ima iii kia mu i tanga Phaulu, kiene ki ia tokala.

I Samuuele 4:21

Mona anga u mu luka Ikabode, kuma uixi: Kijingo kia tundu kiá mu Izalaiele, mukonda ue dia álaka ia Nzambi a i tambula, ni mukonda ue dia ukouʼê ni munumeʼê.