I Malunda 27:2 - O Mikanda Ikola

² Ku kibuka kia mbeji iadianga, ua kexi ku pholo Jazobeia, monʼ a Zabidiiele; o mu kibuka kiê mua kexile makuinhi aiadi a midi ni midi jiuana.

I Malunda 27:2 ပူးပေါင်းရင်းမြစ်များ

II Samuuele 23:8

Enhá ene o majina a mazonda ma kexile ni Davidi: Josebe-Basebete, monʼa Takemoni, kota dia jikabhitangu; muene Adino mukua Ezini, ua bhânga ni hâma nake ia muthu hé u a jibha kizuua kimoxi.

I Malunda 11:11

Enhá ene a tundu ku dialuilu dia ilôlo iakexile na-iu Davidi ku jikabitangu: Jokebeiame, mukua Hakimone uakexile o kilolo kia kibuka kia makuinhi atatu a makuenze, muenhú ua katula o ngumba iê iu ua jibha na-iu hama jitatu ja mala, mu kithangana kimoxi.

I Malunda 27:1

Enhá ene anʼ a Izalaiele kala kia a kondala, o makota ma jitata, ni jikabhitangu ja jimidi, ni ja jihama, kumoxi ni atuminiʼâ, a kexi mù kalakela sobha mu sedivisu joso ja ibuka, iá a bokona, o iá a tunda, ku mbeji ni mbeji, ku jimbeji joso ja muvu. Kala kibuka, makuinhi aiadi a midi ni midi jiuana.

I Malunda 27:3

Muenhú ua kexi monʼa Peleji, ua tokala mu muiji ua Juda. Muène xefe ia kabhitangu ja ilômbo ia ita ku mbeji ia dianga.