I Malunda 27:1 - O Mikanda Ikola

¹ Enhá ene anʼ a Izalaiele kala kia a kondala, o makota ma jitata, ni jikabhitangu ja jimidi, ni ja jihama, kumoxi ni atuminiʼâ, a kexi mù kalakela sobha mu sedivisu joso ja ibuka, iá a bokona, o iá a tunda, ku mbeji ni mbeji, ku jimbeji joso ja muvu. Kala kibuka, makuinhi aiadi a midi ni midi jiuana.

I Malunda 27:1 ပူးပေါင်းရင်းမြစ်များ

II Samuuele 23:8

Enhá ene o majina a mazonda ma kexile ni Davidi: Josebe-Basebete, monʼa Takemoni, kota dia jikabhitangu; muene Adino mukua Ezini, ua bhânga ni hâma nake ia muthu hé u a jibha kizuua kimoxi.

I Jisobha 4:27

Imbadi iê anga i kala mu sota kúdia kua sobha Solomá, ni athu oso a dia ku meza ma sobha Solomá, kala kimbadi ni mbeji iê; kʼehela kima ki kamba-bhu.

I Jisobha 4:7

Solomá anga u kala ni kuinhi dia kimbadi ni kiiadi mʼoxi ioso ia Izalaiele, akua kusota o kúdia kua muenexi ni mbèle iê ioso; kala muthu ni mbeji iê ia kubhana o kúdia.

I Jisobha 5:14

Solomá anga ukala mu a tumikisa ku Libano, ku mbeji kibuka kia kuinhi dia midi ia muthu, ku mbeji kibuka kia kuinhi dia midi ia muthu; hé aia ni kuila o ku Libano abhanga-ku mbeji imoxi, o mbeji jiiadi muthu ni muthu u ji bhitila mʼonzo iê, o Adonilamu muene a mu tele ku pholo mu kuendesa o kikalakalu.

I Malunda 11:10

Enhá ene o mazonda akexile-nâ Davidi muaxaxe ka ilôlo ia ita, a kutenesa o utuminu uê ni nguzu ioso, kumoxi ni Izalaiele ioso, phala ku mu bhanga sobha kala kia tanga o kizuelu kia Jihova kua Izalaiele.

I Malunda 13:1

Davidi hé uta phangu ni kaiula X ni jikabhitangu ja jimidi, ni ja jihama, ni ilamba ioso.

I Malunda 26:32

o jiphange jê ue, makuenze a nguzu, midi jiiadi ni hamasambuadi ia muthu, ia makota a jitata; o sobha Davidi iú ua a tumbika ku thandu dia akua Lubene, ni akua Ngadi, ni kaxaxe ka muiji ua Manasa, phala o kikalakalu kioso kia Nzambi, ni sedivisu ioso ia sobha.

I Malunda 27:2

Ku kibuka kia mbeji iadianga, ua kexi ku pholo Jazobeia, monʼ a Zabidiiele; o mu kibuka kiê mua kexile makuinhi aiadi a midi ni midi jiuana.

I Malunda 28:1

Bhenhobho Davidi u bhongolola mu Jeluzaleme o ilamba ioso ia anʼ a Izalaiele, o ilamba ia miji, ni jikabhitangu ja ibuka, ene mù bhikila Sobha, ni jikabhitangu ja jimidi, ni jikabhitangu ja jihama, ni makota oso ala ku pholo mù tambula konda ia jimbongo ja Sobha, ni ima ioso ia mu tokala muène, ni ia anʼê, katé ni jingolambole, ni mala, ni makuenze oso a mazonda.

I Malunda 29:6

Bhenhobho-phe, o makota ma jitata, ni ilamba ia miji ia Izalaiele ni jikabhitangu ja jimidi ni ja jihama, katé ni jikabhitangu ja kikalakalu kia sobha, a bhana mukungu mu vondadi iâ.

II Malunda 1:2

Solomá anga u zuelela Izalaiele ioso, ni jikabhitangu ja jimidi ni ja jihama, ni afundixi, ni makota oso a jingana mu Izalaiele ioso, ni adiakime a mabhata, o jitata.

Makatukilu 18:25

Mozé anga u sola adiakimi akua kilunji mu axaxi ka Izalaiele ioso, u a ta ku pholo mu tambula konda ia mundu, o iá jimidi, o iá jihama, o iá makuinhi atanu, o iá dikuinhi-dikuinhi.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Matendelelu 1:15

Nga kuatele-phe adienu mu miji ienu, mala a jinjimu, ende kiabhu o ngongo, eme nga a bhange makota phala ku mi tambula konda; o iá jikabhitangu ja kutumina jimidi, o iá jikabhitangu ja kutumina jihama, o iá jikabhitangu ja kutumina makuinhi atanu, o iá jikabhitangu ja kutumina dikuinhi; amoxi nga a bhange jinguvulu ja kuendesa ibuka ia miji ienu.

Josuué 23:1

Anga kibhita kuila, tunde Jihova kia nhohesa Izalaiele, ku jinguma jâ joso mu jimbandu, a kuata kiá muene ndumba dia izuua mu ixi, kienhókio Josuué uakuka, uasunga-ku kiá ku izuua iê,

I Samuuele 8:12

Momuenu ua kà tumbika-mu jikabhitangu jitumina jimidi, ji tumina makuinhi atanu; amoxi ua a tuma kudima mavuʼê, ni kumuna jimbutu jê, kusula jifelu jê ja ita, ni jifelu jê ja makalu.