I Malunda 24:3 - O Mikanda Ikola

³ O Davidi-phe ni Zadoke, ua tokala ku ana a Eliiazale, ni Abimeleke, ua tokala ku ana a Itamale, anga a uana ana a Alá mu ibuka iâ kala kia tokala mu ufunu uâ ni mu ukunji ua kikalakalu kia Jihova.

I Malunda 24:3 ပူးပေါင်းရင်းမြစ်များ

II Samuuele 20:25

Seva muene u kala Sakala; Zadoke ni Abiiatale a kala ene o jinganga;

II Samuuele 8:17

o Zadoko, monʼa Ahithube, ni Ahimeleke, monʼa Abiiatale, a kala jinganga;

I Jisobha 2:35

Muenexi anga u ta Benaia, monʼa Jehoiada, bhu kididi kiê, mu tumina o kifuxi kia masoladi mê; ni nganga Zadoko a mu ta kuala muenexi bhu kididi kia Abiiatale, o nganga.

I Malunda 15:11

Davidi anga, uixana o jinganga Zadoke, ni Abiiatale, ni jilevita, à Udiiele, ni Azai ni Jouale, ni Semaia, ni Ediiele, ni Aminadaba.

I Malunda 16:39

Ni Zadoke, o nganga uê, kiene kimoxi ni jiphange jê, o jinganga, mbé akale mu bhanga o ukunji bhu pholo ia balaka ia Jihova iakexile kuthala bhuadileka mu Jibiione.

I Malunda 18:16

Zadoke ue mona a Aitube, ni Abimeleke, mona a Abiiatale, ene akexile jinganga; o Sahuza muene uakexile musoneki.

I Malunda 24:31

Ene ua anga a-ta ibhuku iene imoxi ni jiphange jâ, o ana a Alá bhu pholo iâ Davidi, ni Zadoke, ni Abimeleke, ni atumini a jitata, muʼaxaxe ka jinganga, ni muʼaxaxe ka akua Levi. O ki tambula o mutumini ua dibhata dia jitata, kiene ue ni phange iê ia ndenge.

I Malunda 24:4

Anga a ki mona kuila kioso kia a uane, o ana a Eliiazale abetele kota mu kuvula muʼaxaxe ka atumini a mabhata, o ilamba, o ana a Itamale, ndenge. Mukonda kioso kia a uane, ku ana a Eliiazale kua kexile kuinhi ni kisamanu dia atumini a mabhata, o makota ma jitata, maji, ku ana a Itamale, dinake ngoho kala kia tokala ku mabhata a jitata jâ.

I Malunda 24:6

Semaia, o musoneki, mona a Natanaiele, uatundu mu akua Levi, anga u a soneka mu divulu bhu pholo ia sobha ni ia adiakimi (o makota), ni ia Zadoke, o nganga, ni ia Abimeleke, mona a Abiiatale, ni ia atumini a jitata muʼaxaxe ka jinganga, ni muʼaxaxe ka akua Levi; Kibhuku kimoxiʼ muʼaxaxe ka mabhata ma jitata a ki tambula phala o dijiku dia Eliiazale, o kiamukuá a ki tambula phala o dijiku dia Itamale.

II Malunda 8:14

Kala ue kia tendelela Davidi, tatʼâ, ua te o ibuka ia jinganga mu ukunji uâ, kiòmuene ue o jilevita, ku mbandu iâ ia a tokala, mbé a ximane Nzambi, ni ku bhanga ukunji uâ bhu pholo ia jinganga, kala kia ki xindi ku kizuua ni kizuua, ni akua mabhitu ue ku ibuka iâ, dibhitu ni dibhitu; mukonda kiene kia ki tumine Davidi, muthu ua ngene ua Nzambi.

I Samuuele 21:1

Davidi anga uia ku Nobe, kua nganga Ahimeleke; Ahimeleke anga uiza kutakana ni Davidi ni kuteketa, u mu ambela, uixi: Uejila-hi ubheka ué, kuende ni muthu?