I Malunda 22:9 - O Mikanda Ikola

⁹ Tala-ze, o mona ua-nda ku mu vuala, ua kà kala diiala dia tululuka; mbata nga kà mu bhana o kunhoha ku jinguma jê joso, jala mu jimbandu jaʼxi iê; mu kienhiki, Solomá, diene dia kà kala o dijina diê; ni uembu, ni kunhoha, nga-nda ku ku bhana Izalaiele mu izuua iê.

I Malunda 22:9 ပူးပေါင်းရင်းမြစ်များ

I Jisobha 1:13

Ndé kindala kienhiki kua sobha Davidi, u mu ambele, uixi: Kùku, eie kua ngi lokela, ngi kahatu ké, kuila Solomá monʼé, muene hinu u ku bhingana ku ungana, hé u xikama bhu kiandu kié? Kia bhiti-phe kiebhi, Adoniia lelu muene ua hingi o ungana?

I Jisobha 2:15

Kuala muene: Eie ua kʼijiia kuma o ungana ua usobha ua kexile uami, o Izalaiele ioso eme-muène a ngi lungile jipholo ni ku ngi tala, mukonda eme, a ngi fikile ku u hinga; maji-phe ungana ua biluluka, ua xala ua ndengʼiami; kuma Jihova muene ua mu bhana-u.

I Jisobha 3:7

Kiki-phe, u Jihova, Nzambi iami, ua ngi bhange eme ngi mulekiʼé, kukala sobha bhu kididi kia tatʼetu Davidi; eme-phe hanji ngi monʼauisu; ki ngejiia luua kioso ki ngi tunda, ni kioso ki ngi bokona.

I Jisobha 4:20

Ni Juda ni Izalaiele ioso anga a vula kala kisekele bhu ndúndu ia kalunga, a kala mu kúdia ni kúnua ni kusanguluka jinga.

I Jisobha 4:24

Kuma Solomá muene ua kexe mu tumina jixi joso ku sámbua dia Honga ia Ufalate kunu, tunde bhu Tipiza katé ku Ngaza, jisobha joso ku sámbua kunu, ji mu beleselela muene; hé u kala ni kutululuka; ku jimbandu jê joso kana muthu ua mu kumbulula.

I Jisobha 4:25

Ni Juda ni Izalaiele, tunde ku Dane katé ku Beleseba, anga a kala bhua kondama, kala muthu u di xibhʼê mu kilembeketa kia muvide uê ni mu kilembeketa kia mufiuku uê, izuua ioso ia utuminu ua Solomá.

I Jisobha 5:4

O kiki-phe, Jihova ua ngi bhana kutululuka, mu jimbandu joso ki mua ngi kala dingi nguma ni nganga-sèse, o dibhebhu ni kibuika ue, lémbue.

I Jisobha 8:56

Jihova a taneku, ua nhohesa o kifuxi kié kia Izalaiele kala kioso kia tangele, ku izuelu ioso iambote ia zuelele mu ukunji ua ngunza iê, Mozé, ki bhua sonoka né ngó kimoxi.

I Malunda 17:11

Hé kia kà kala-phe kuma, kioso kià katenena o izuua ié, phala kuia kuaia atatʼenu, nga kà ku balumuina o mbutu ié ni i ku bhingana, kifua kia kà kala muene muthu ku anʼé, eme anga nga kà kuatesa o kiandu kia utuminu uê.

I Malunda 22:18

Manhi, o Jihova, Nzambi ienu, kala ni enu? O muene ka mi nhohesa ku jimbandu kuene kuoso? Kuma ni kidi kiene, muene ua bhakula bhu lukuaku luami o athu atungu mu ixi, o ixi iii ia toloka kienhiki bhu pholo ia Jihova ni bhu pholo ia mundu uê.

II Malunda 6:15

eie ua bhakela mubhikʼé Davidi, tatʼetu, ioso i ua mu ambela; mukonda eie ua ki tange muene ni dikanu dié, eie ua ki bhange muene ku maku mé, kala ki kia di monekena leluʼidi.

Jobe 34:29

Muene se nʼa bhana kutululuka, nanhi ua-nda ku mu elesa? Se o pholo iê u i sueka, nanhi u tena ku mu tala? Muene ulangidila o miji ni diembu katé ni muthu umoxi ngó.

Jisálamu 72:1

O muenexi mu bhane kutongoloka kué, Ngana Nzambi, o thungunu ue mu bhane o kutetuluka kué.

Jisálamu 72:7

Mu izuua iê athu aiuka à kala mu kuzanda, ku kala paze i nangenena kala ki nangenena o mbeje.

Izaía 26:12

Jihova, tata! Eie ua kà tu bhana o kutululuka, kuma éʼmuene ua kalakala moxi dietu o ibhangelu ietu ioso.

Izaía 45:7

O mukengeji eme nga u bhanga, o itombe eme ue nga i iudika; eme ngi bhanga o paze, eme ngi bhanga o kíbhidi; eme ngi Jihova, ngejiia kubhanga ima ioso iii.

Izaía 57:19

Ibundu itunda ku mizumbu eme-muène ngi i iudika; ngi bhana paze kua ió ala ku makanga, ni kutululuka kua ene ala bhua zukama, eme Jihova, eme-muène nga kà a bhana o kudisanza.

Izaía 66:12

Mbata Jihova uambe kiki: talesaze, nga-nda ku mu sanzumuina o kutululuka ku thandu diê mukuâ ni ngiji, ngi mu lunduluila ue o fuma ioso ia akua-jixi mukuâ ni honga ia ẋamujuka ni menha; kienhokio mua kʼámua kala kamona bhu jihata, a mi ambatela bhu maku, a mi lela bhu jihata.

Ajeu 2:9

O kijingu kia inzu iii ia sukidilaku, kia kà kala kota, o ia dianga ndenge, kiene kiambe Jihova dia Ifuẋi, o bhu kididi bhabha anga nga kà bhanabhu paze.

Afundixi 6:24

Ngidiione anga u tunga bhenhobho kalatoídio ka Jihova, u kexana uixi: Jihova muene Paze; ka-ké hanji katé mu kizuua kia lelu mu Ofala dia akua Abiiezele.