I Malunda 22:6 - O Mikanda Ikola

⁶ Uixana-phe Solomá, monʼê, anga u mu tendelela kuila: O Jihova, Nzambi ia Izalaiele, a mu tungile dibhata.

I Malunda 22:6 ပူးပေါင်းရင်းမြစ်များ

Dimatekenu 12:20

Falaó anga u mu tendelela ku makuenze mê, hé aia ku mu xinjikila, ni mukajiʼê, ni mbèle iê ioso.

II Samuuele 7:1

Anga ki bhita kuila, Sobha Davidi kia zubha kukala kiá mʼonzo iê, Jihova ue ua mu bhana kunhoha, ku jinguma ja tokala ku mbandu joso;

I Jisobha 2:1

Kiki izuua ia Davidi kuila i mu zukama, ia kúfua, Davidi u tendelela Solomá monʼê, uixi:

I Malunda 17:1

Kia bhiti-phe kuila, Davidi mu ku kala kiá mu bhata diê, uambela polofeta Natane, uixi: Tala-ze eme ngala mʼonzo ia misédulu, maji o álaka ia kikutu kia Jihova ialé-ngó moxi dia milele iònhenge.

I Malunda 28:2

Sobha Davidi anga uimana, uixi: Ngʼivienu, phange jami, ni enu mu mundu uami. Mu muẋima uami nga tele kikutu kia kutunga inzo ia dinhohenu phala o Álaka ia Kikutu kia Jihova, i kale kibaka kia inama phala Nzambi ietu. Eme-eme nga lùngu o ima ioso phala ku i tunga.

Dialuilu 27:23

anga u mu tula maku u mu tendelela, kala kia tumu Jihova kua Mozé.

Jipoxolo 1:2

katé bhu kizuua kia mu tambula bhulu. Muène, kuila kiluua a banda ku diulu, mu kutena kua Nzumbi Ikôla, ua tuamena kubhana ijila ku athu ió a solele muène, phala kukala Jipoxolo jê.

Matendelelu 31:14

Jihova anga uambela Mozé, uixi: Talesa, izuua ié ia ku-bhu, kuma ia zukama kiá ku dizubhilu phala kufuʼé kiá. Ixana-phe Josuué, mu ize mu balaka ia kutakanena, nda ngi mu tendelele. Kienhókio ni Mozé ni Josuué aia mu balaka ia kutakanena, bhu pholo ia Jihova.

Matendelelu 31:23

Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.

I Timote 5:21

Nga ku tendelela ku mesu ma Nzambi, ni ma Jezú Kristu, ni ma jianju jangene, kuila mu ioso i u bhanga jinga, ima iii u i kumbidila muene sè hèle mba kubhanga kima ni kathômbo ka muthu.

II Timote 4:1

Nga ku tendelela ku mesu ma Nzambi ni ma Kristu Jezú ua kà fundisa athu a muenhu ni madifundu, mu kuiza kué ni mu Utuminu uê, kuila: