I Malunda 22:5 - O Mikanda Ikola

⁵ Mukonda Davidi uazuela jinga, uixi: Solomá, monaʼami, hanji ala monʼa ndenge, muzebeta ua ngoho, o inzo-phe ia-nda kutunga phala Jihova, ki bhinga i uabha kiavulu muene, ni mu kijingu, i xisa dijina ni fuma mu jixi joso; eme-phe, kindala ngi mu iudikila kiá o ima ioso iatokala. Davidi anga u iudika o ima ioso iatokala, ianzungule mu kuvula, kuila ngó kiluua afua.

I Malunda 22:5 ပူးပေါင်းရင်းမြစ်များ

I Jisobha 3:7

Kiki-phe, u Jihova, Nzambi iami, ua ngi bhange eme ngi mulekiʼé, kukala sobha bhu kididi kia tatʼetu Davidi; eme-phe hanji ngi monʼauisu; ki ngejiia luua kioso ki ngi tunda, ni kioso ki ngi bokona.

I Jisobha 9:8

Anga o inzo iii, ia mu zangeleka kiosuʼiki, uoso ió ua kà bhitila-bhu, ua kà kakuka anga ua kà xika muixi, ni kudiuana, uixi: Ngana ua bangelaʼhi kiki ku ixi iii ni inzo iii?

I Malunda 29:1

Davidi anga uambela dingi o kionge kioso, uixi: Solomá, monʼ ami, a mu solo kuala Nzambi, uala hanji munzangala uòfele, o kikalakalu kiki kiavulu. Mukonda ki dizemba phala muthu, maji phala Jihova Nzambi.

II Malunda 13:7

Kokué-muène kua di bande anʼa kadiaphemba, athu ka moneka kia kubhanga; ia a suína mu kúlua ni Lebouamu, monʼa Solomá, kioso Lebouamu kiala hanji mona-ndenge, ua nengana muẋima, anga u a lémbua mu nguzu.

II Malunda 2:4

Talesa-phe, kuma, o dijina dia Jihova Nzambi iami ngala kiá phala ku di tungila inzu, i ngi mu lumbila, mbé o kuia ni ku muʼohela uasu ua dizumba bhu pholo iê, ni mbolo ia ku mu tela jinga izuua ioso, ni jisata ja kimene ni ngoloxi, ni mu jisabhalu, ni bhu jimbeji ja thethama, ni mu izokola ia Jihova Nzambi ietu; mbata Izalaiele kiene kia mu fuama kubhanga jinga katé ku hádia ni hádia.

II Malunda 2:5

O inzu-phe i nga-nda kutunga, ia-ndu kala ia dikota, mbata o Nzambi ietu Munéne o jinzambi joso ndenge.

II Malunda 2:8

Ngi tumukise ue miẋi ia misedulu, ni ia faia, ni ia alukumine ia muxitu ua Libanu; mukonda nga kʼijiia kuila, ngunza jé ejiia kukoka miẋi ia muxitu ua Libanu; tala, ngunza jami a-nda kukala ni jingunza jé kumoxi.

II Malunda 7:21

O inzu iii ia zangelekele kiosuʼokio, uoso u bhita-bhu uà kà diuana, hé ua kèla: Phalaʼhi, ixi iii ni inzu iii, Jihova ua i bhange kiki?!

Ejidala 3:12

Sumbala kiene, maji jinganga ja vulu, ni jilevita, ni jitata ja mabhata, a kuka kiá, a mono inzo ia Jihova ia diangelèku, ki ia kexe ku madisesa mê, a didi ni ku ta muene jongololo, kia mono dingi iii ku mesu mâ; maji hanji muene, a vudile a kexi mu zangula mbimbi ni ku ta mitendu ia kusanguluka.

Jisabhu 4:3

Mbata eme ue nga kexi ngi mona ni tatʼetu; ngi muzelembete, eme-muène ngó a ngi zola kua mamʼetu.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Izaía 64:11

Onzo ietu ikôla mua kexe o kijingu, mua ku bhezela jinga o jitata jetu, a i te mu túbhia; ima ietu ioso-lolo ia beta ku tu uabhela ia biluka dixita!

Izekiiele 7:20

O matunda ma makembu mâ, muene ua ma tula ku unéne; maji ene a bhangemu iteka ia maufusa mâ ni isunji ki i xikina ku i tanga; kiene ue eme ki nga a lunguluila kala kima kia bolo phala ene.

Ajeu 2:3

Nanhi muene mudienu, ua xala-ku, ua lembalala inzu ia dianga ni kijingu kiê? o kiki muala ku i mona kiebhi? Mu ku i sokesa ni ioio, iii mua i mono iedi kala ki kima ku mesu menu.

Ajeu 2:9

O kijingu kia inzu iii ia sukidilaku, kia kà kala kota, o ia dianga ndenge, kiene kiambe Jihova dia Ifuẋi, o bhu kididi bhabha anga nga kà bhanabhu paze.

Luka 21:5

Amukuá bhenhobho, kia kala mu kuta maka mu Tembulu, kioso kia i iudika ni uhete ni matadi ma uabha, ni ima ia bhana-mu mu ku i kembesa;

Nzuá 13:1

Kuila kua kambe ngó kizuua kimoxi, kiosuiki o Fesa ia Phasu kiluua i bokona, Jezú kuma uejiia kuila o kumbi diê dia bhixila, dia kutunda mu ngongʼ umu nʼ aie kua Tata, kala kia zola makamba mê mu ngongo, ua a zolo muene katé ku dizubhilu.

Nzuá 3:30

Kua bhingi muène aie ni kukula, eme ngiie ni kutola.

Nzuá 9:4

Kioso ki kuala hanji muanha, kia ngi bhingi kubhanga o ikalakalu ia ió ua ngi tumu. Mukonda usuku iú uiza, mua bhingi kana muthu utena kukalakala-mu.