I Malunda 20:1 - O Mikanda Ikola

¹ Kia bhiti-phe kuila, bhu kaẋi ka muvu umoxi, bhu kithangana kia kexile mu kutunda o jisobha phala kuia ku ita, Jouabe u ambata o kilômbo kia masoladi, anga u buikisa o ixi ia anʼa Amone, anga uiza, u konda Labá, maji o Davidi uaxala hanhi mu Jeluzaleme; Jouabe hé ukuama o mbonge ia Labá, anga u i buidisa.

I Malunda 20:1 ပူးပေါင်းရင်းမြစ်များ

II Samuuele 11:1

Anga ki bhita kuila, ki bhua bhiti o muvu, bhu thembu bhene kutunda o jisobha mu kúlua ita, Davidi u katula Jouabe ni makuenze mê kumoxi, ni Izalaiele ioso, anga a buidisa anʼa Amone, o mbânza ia Labá a i kondoloka, hé a a batuila momo. Davidi-phe ua xala mu Jeluzaleme.

II Samuuele 17:27

Kia zubha-phe Davidi kutula bhu Mahanaíme, Sobi, monʼa Nahaxi, ku Labá ia anʼa Amone, ni Makidi, monʼa Amiiele, mu Lodebala, ni Badizilai mukua Ngileiade, ku Lokelimi,

I Jisobha 20:22

Bhenhobho o polofeta u zukama kua sobha ia Izalaiele anga u mu ambela, uixi: Ndoko, kolokota, anga uila ku mesu suí, ni u tale kioso ki ua-nda kubhanga; mukonda mu muvu umoxi, sobha ia Sídia ua kà banda dingi mu kúlua nʼeie.

I Jisobha 20:26

Anga ki bhita muene kuila, kia bhiti o muvu, Bene-hadade u bhita ni kukinda mu akua Sídia, anga u banda ku Afeke, mu kúlua ni Izalaiele.

II Jisobha 13:20

Kia bhiti imʼiii, Ilizeu u fua anga a mu funda. Tala, o masoladi ma akua Mouabhi, ene mu kuiza, ku ibuka, mu kúlua o ixi, ku dimatekenu dia muvu.

I Malunda 19:19

O mundu ua Hadale-Ezele, kia mono kuila Izalaiele ua a tolola, aditambulula ni Davidi anga a kala mu ku mu bhikila. O akua Sídia-phe ka vutukila dingi mu ku kuatekesa anʼa Amone.

Izaía 54:16

Talesa, eme-muène nga bhange musudi-a-thumba uene kuzukuta makala bhu mbèmbu, phala kuiudika ikumba iê ia ku bhangela midimu; eme-muène ue nga bhanga mubuikixi, phala ku buikisa.

Izaía 6:11

Eme-phe, ngixi: Ngana Katé bhebhi? Muene ua kumbulula: Katé ki buika o madiembu, sé muthu u tungamu, né ngó muthu umoxi mu jinzu, oxi iene ioso kilômbo ngundu.

Izekiiele 21:20

Uidika o njila mua-nda kuijiia o xibhata kua Labah dia anʼa Amone, ni kua Juda, ni kua Jeluzaleme, uene mu imbaka ia kolo.

Izekiiele 25:5

O Lahabe nga kà mu bhanga kidilu kia jikamelu, o anʼa Amone kibhanga kia jimbudi; kiene ki muà ka kʼijiiia kuila eme ngi Jihova.

Amoji 1:14

Mukonda dia kiki, kimbaka kia Labá nga kà ki ta mu túbhia, tuene ni tu jimisa jinzu jâ ja matala-matala, ni ku di kola mu kizuua kia ita, ni kibhungu mu kizuua kia kubhondalala.

Matendelelu 3:11

(Mukonda ku mazonda a xahulu, ua subhukile-ku ngó Hoke, sobha ia Basane; talesa o hama iê, hama ia felu; abha ki i ié hanji mu Labate dia anʼa Amone? Kulebha kuê dívua dia kóvadu, o kuzanza kuê kóvadu jiuana, mu midila ia kóvadu ia diiala.)