I Malunda 19:3 - O Mikanda Ikola

³ Maji ene kioso kia bhixila mʼoxi ia akua Amone, o ilamba-phe ia ana a Amone, ambela Hanume, exi: Kifua eie ua fika kuma Davidi ua bhana ujitu kua tatʼenu, bhu pholo iê, mukonda ua ku tumikisa athu mu ku ku konda o malamba? Manhi abhikʼê kʼeza kokué, phala ku ku tongolola, ni kusota kulonda kiambote o ixi ié, phala ku ku muanga ni ku ku sengulula?

I Malunda 19:3 ပူးပေါင်းရင်းမြစ်များ

II Samuuele 10:3

O makota-phe ma jitata ja anʼa Amone, ambela Hanuni, muadiʼâ, exi: Eie ua fika Davidi ua ki bhangela ujitu ua tatʼenu, kia tumu ku ku konda malambʼiki? Manhi Davidi ka tumikisa akua mbèle iê mu ku ku lónda o mbànza, ni ku i ijiia kiambote, phala ku i lundumuna?

I Malunda 19:2

Davidi-phe, uixi: Nga kà bhindumuna Hanume, mona a Nahaze, kuma tata iê ua ngi bhindumuna jinga uê. Kia bhangesa Davidi ku mu tumikisa jiphunga phala ku menekena ni ku mu konda o malamba mukonda dia kúfua kua tatʼâ.

I Malunda 19:4

Hanume-phe u kuata o abhika a Davidi, hé u a konga o miezu anga u tandula o izuatu iâ mu kaẋi katé mu matabela mu kubhiẋila ku sungu ja mataku, anga u a xinjikila kokuâ

Afundixi 18:2

Anʼa Dani anga a katula ku jindandu jâ, malʼatanu a a nona mu kaẋi ka mundu, mazonda ma kubhânga, a a katula bhu Zola ni bhu Xitaoli, a a tuma kulonda ixi ni kusota-bhu kididi kia ku tunga; anga a ambela, exi: Ndenu ka londienu ixi ioso. Enhá anga a bhixila bhu bhata dia Mika, mu milundu ia Ifalaimi, a zekela-bhu usuku.

I Samuuele 29:4

Jingana ja akua Fidíxia-phe anga a mu kuatela njinda iavulu. Jingana ja akua Fidíxia anga a mu ambela, exi: Muenhú mu vutule, aie bhu kididi kiê kioso ki ua mu bhana; kʼaie ku ita ni etu, amoxi ku ita u kituka, u kala nguma ietu. Mukonda ialʼú u di luulula kiebhi ni ngana iê, oko u ki bhanga ni mitue ia malʼ etu enhá?

I Samuuele 29:9

Akiji anga u vutuila Davidi, uixi: Nga kʼijiia muene kiambote. Eme ku mesuʼami, eie ua ngi uabhela kiavulu kala u mukunji ua Nzambi. Maji-phe o jingana ja akua Fidíxia ene a di tunu, exi: Ku ita kaii-ku ni etu.