I Malunda 18:6 - O Mikanda Ikola

⁶ Davidi anga u-ta ibuka ia masoladi enda ni kulanga mu Sídia ia Damasku, anga akua Sídia axala ku ubhika kua Davidi, hé akala jinga kiá mu ku mu futa lubhaku; o Ngana Nzambi hé u kala mu bhaka Davidi, kuoso kuoso ku aia, ni ku mu bhana kutolola o jinguma jê.

I Malunda 18:6 ပူးပေါင်းရင်းမြစ်များ

I Malunda 17:8

Eme nga kexile jinge ni eie ku mbandu joso kuoso ku ua ditela jinga, jinguma jé joso nga ji jikinisa muene ku mesuʼé a kutala, katé bhu pholo ié kia-bhu-bhu, eme nga ku bhana o dijina dia kulu kala o dijina dia ilamba mu ngongo.

I Malunda 18:2

Ua tolola ue akua Mouabhe, enhá anga a kala jiselevende ja Davidi, hé aia ni ku mu bhekela o lubhaku.

I Malunda 18:5

Anga ku Damasku kuiza akua Sídia mu kukuatekesa Hadale-Ezele, sobha ia Zoba; Maji Davidi-phe ku akua Sídia ujibha-ku makuinhi aiadi a midi ia muthu ni midi jiiadi.

I Malunda 18:7

Davidi anga u tambula jingubu ja ulu, jakexile na-ju abhika a Hadale-Ezele, hé uiza na-ju mu Jeluzaleme.

Jisálamu 121:8

Jihova u ku endesa mu kukatuka ni mu kubhikila, ni kiki ki uala, ni ku hádia kuoso ku uia.

Jisabhu 21:31

O kabalu a ka polondala muene, mbé o kizuua kia kʼèza o ita; maji o ki dʼiza-bhu, o kutolola kikale ku tunda kua Jihova.

I Samuuele 18:14

Davidi anga u kumbidila ni kilunji mu jinjila jê joso; Jihova anga u kala-nê.