I Malunda 17:8 - O Mikanda Ikola

⁸ Eme nga kexile jinge ni eie ku mbandu joso kuoso ku ua ditela jinga, jinguma jé joso nga ji jikinisa muene ku mesuʼé a kutala, katé bhu pholo ié kia-bhu-bhu, eme nga ku bhana o dijina dia kulu kala o dijina dia ilamba mu ngongo.

I Malunda 17:8 ပူးပေါင်းရင်းမြစ်များ

Dimatekenu 28:15

Talesa eme muene ngala ni eie, ngi kulanga ku ididi ioso ku uia, hinu ngi ku bhangesa kuvutuka dingi mʼoxi muenhumu; kuma ki nga-nda ku ku ehela katé ki nga kà kumbidila ima ioso i nga ku ambela.

II Samuuele 22:1

Davidi anga u tela Jihova maka moso ma muimbu iú, kizuua kia mu kudila Jihova bhu lukuaku lua jinguma jê joso, ni bhu lukuaku lua Saúlo, uixi:

II Samuuele 7:9

Eme ngende ni eie kuoso-kuoso ku ua di tela jinga, jinguma jé nga ji buikisa bhu pholo ié; nga ku jîngisa o dijina, kala o majina ma athu ónene a fumana mu ngongo.

II Samuuele 8:6

Davidi anga u ta jipoxto mu Sídia ia Damasku, akua Sídia anga a kala mu bhikila Davidi, enda ni ku mu bhakuila madijimu. Jihova anga u bhana uzonda kua Davidi, kuoso-kuoso kuambe kulunga ni kúlua, u kala mu tolola.

II Samuuele 8:8

Ni ku Beta, ni ku Belotai, o jisanzala ja Hadadezele, sobha Davidi u tambula-ku ue ngôndo ia nzungule muene.

I Malunda 14:17

Kienhiki dijina dia Davidi difumana mu jixi joso jenhojo; o Jihova anga uta uoma uê ku thandu dia mundu uoso uenhó.

I Malunda 17:17

Kienhiki, eie u Nzambi, kífua hanji kia ku tolela ku mesu mé, kia ku bhangesa kuzuela ue ku inzo ia selevende ié phala ithangana ia lebha ku pholo; eie ua ngi tela-ku dingi o ku ngi zangeleka kiki kala kia tokala athu a makota mungongo, Ngana Nzambi, tata!

I Malunda 17:2

Natane-phe uambela Davidi, uixi: Ioso i uala na-iu ku muẋima ué, bhanga-iu kuma Nzambi uala nʼeie.

I Malunda 17:7

Kindala-phe, kienhiki kiá, ua kà tangela selvende iami Davidi, uixi: Kie nhíki kiambe Jihova dia ifuẋi, kuila: Eme nga ku katula ku mikáu ia makela ma sabhelela ia ibhaku, ku dima dia jimbudi ku uakexe ku ufunga, phala ukale u mutumini ua mundu uami ua Izalaiele.

I Malunda 17:9

Eme nga xindi kididi phala o mundu uami Izalaiele, nga kà u phapha muene, phala a tunge a some mu kididi kiâ, nuka dingi a a tutumbisa ni ku a bheka ku mbandu iii mba ku mbandu iamukuá; ki mungu dingi o ana a ísueia iná a kà a tatesa kala ku dimatekenu mʼukulu,

Ejidala 4:20

Mʼukulu ue kua kexile jisobha ja nguzu mu Jeluzaleme, o ku sámbua diodio dia ngiji a tumina jinga mu ididi ioso anga aia muene ni ku a bhana ima ia tokala kufuta, ni madijimu, ni mibhaku.

Jisálamu 18:1

Eme ngi ku zola ni muẋima uoso, eie u Jihova, u nguzu iami.

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 46:7

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 71:21

Ua ngi bandekeza dingi o kijingo, ua tona dingi ku ngi konda o malamba.

Jisálamu 75:7

Mukonda Nzambi muene ngó o mufundixi u tetulula; u tulula o muthu iú, u tudika o muthu ua mukuá.

Luka 1:52

Anʼa jingana ua a tulula ku iandu, iú ua bandesa-ku a tolo o majina.

I Samuuele 18:14

Davidi anga u kumbidila ni kilunji mu jinjila jê joso; Jihova anga u kala-nê.

I Samuuele 18:28

Saúlo anga u tongolola, hé u kʼijiia, kuma Jihova uala ni Davidi; Mikala monʼa Saúlo ua muhatu, anga u zola Davidi.

I Samuuele 26:10

Davidi anga u zuela, uixi: Kalé-ku Jihova ku muenhu, kuma muene Johova hinu u mu ta; mba u bhixila bhu kizuua kiê kia kúfua, mba uia mu ita nʼa mu jibhe,