I Malunda 17:6 - O Mikanda Ikola

⁶ Manhi ku mbandu joso ku nga nhungu ni kuenda kumoxi ni Izalaiele ioso, nga di tendele kiá ku afundixi a Izalaiele u nga-te ku pholo ia kuinga o mundu uami, ngixi phala-hi ki mu ngi tungila inzo ia misédulu?

I Malunda 17:6 ပူးပေါင်းရင်းမြစ်များ

II Samuuele 7:7

Mu ididi ioso mu nga nhungana ni anʼa Izalaiele, ua ngiʼvua ni ku ki zuela ku miji ia Izalaiele ioso i nga tuma jinga kuinga mundu uami ua Izalaiele, kuila: Mua kambela-hi ku ngi tungila inzo ia misédulo?

I Jisobha 8:16

Tunde kizuua ki nga katula o kifuxi kiami kia Izalaiele mu Ijito, ki nga solo sanzala iengi mu miji ioso ia Izalaiele, ni ngi tunge-mu inzo mu ngi tumbika o dijina diami; maji nga solo-phe Davidi, nda a tumine o kifuxi kiami kia Izalaiele.

I Malunda 11:2

Kioso uê, Saúlu kiala hanji ku usobha, eie muene uakexile mu ku tuamenena Izalaiele mu kutunda ni mu kubokona; o Jihova, Nzambi iê ue, ua kuambelele, uixi: Eie ua kà kala u kabhila ka mundu uami ua Izalaiele, eie-muène ua kà kala u kilolo kia kutuamenena o mundu uami ua Izalaiele.

I Malunda 17:7

Kindala-phe, kienhiki kiá, ua kà tangela selvende iami Davidi, uixi: Kie nhíki kiambe Jihova dia ifuẋi, kuila: Eme nga ku katula ku mikáu ia makela ma sabhelela ia ibhaku, ku dima dia jimbudi ku uakexe ku ufunga, phala ukale u mutumini ua mundu uami ua Izalaiele.

Jelemiia 23:4

Hé nga kà ji bhana abidi a tokala o ku jinga, o jene ki mungu dingi jà kala ni uoma, mba jiia ni kusasumuka, mba bhu kala ngó imoxi i kamba-ku, Jihova ua ki tange.

Izekiiele 34:2

Eʼ monʼa muthu, tá muzambu ua kuzoka ni abidi a Izalaiele; zambula, u tangele abidi, uixi: O Jihova Nzambi, uambe kiki: Lamba dia abidi a Izalaiele a mu dʼingâ ngoho ene! Manhi o abidi kène mu kuinga o jimbudi?

Mikeia 5:4

Muene anga ua kà nangenena, ifuẋi anga ua kà inga mu nguzu ia Jihova ni mu ungana ua dijina dia Jihova Nzambi iê! Ene uâ a kà kala bhua kondama, mukonda kindala muene ue a kà mu zangeleka katé ku aẋokololo kua suku oxi.

Matesu 2:6

Eie Beleme, mʼoxi ia Juda, kualʼé ngó u ndenge mu makota a Juda; mbata mó mué muene mua kà tunda o Dikota ua kà kala mubidi ua athu ami a Izalaiele.

Jipoxolo 13:20

Kia bhiti imʼ iii ua a bhana afundixi katé bhua Samuuele, polofeta.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Matendelelu 23:14

Mbata o Jihova Nzambi ié ua-lu nhungina muʼaxaxi ka kibangu kié, phala ku ku kudila, ni ku ku bhakuila o jinguma jé; kibhinga-phe o kibangu kiê kizela; phala ka ku mone ni kima kia ufusa, hé u ku ta dikunda.

Dijingunuinu 2:1

O anjo ia ngeleja ia Efezo, mu sonekene kiki: Eme ió ua kuata sambuadi dia théthembua bhu lúkuaku lué lua dilu, mukua kunhungina muʼaxaxe ka sambuadi dia kandeia ka ulu, ua-mbe kiki:

I Samuuele 12:11

Kienhokio-phe Jihova anga u tumikisa Jelubaale, ni Bedani, ni Jefeta, ni Samuele, hé u mi kudila bhu maku ma jinguma jenu ku mbandu joso; anga mu tunga bhua kondama.